Кирков: Во ЈУ Зоолошка градина постои туберколоза - туберколоза е причината за смртта и на eвропскиот бизон - Канал 5

Македонија

Кирков: Во ЈУ Зоолошка градина постои туберколоза - туберколоза е причината за смртта и на eвропскиот бизон

Неодамна починаа Лами за кој се установи дека биле заболени од Туберколоза.

Кирков: Во ЈУ Зоолошка градина постои туберколоза - туберколоза е причината за смртта и на eвропскиот бизон

Би сакал за жал да ги споделам информациите кој ги имам а се однесуваат на нашата Зоолошка градина и тоа по основ на последните случувања со смртта на повеќе животни, се наведува во денешното соопштение на Центар за комуникации на ВМРО-ДПМНЕ, Фејсбук-објава, што МИА го пренесува интегрално.

Неодамна починаа Лами за кој се установи дека биле заболени од Туберколоза, исто така пред неколку дена почина и младо мајмунче од видот Гибон за кој исто така резултатите на Туберколоза беа позитивни и тоа е причината за неговата смрт.

За трагедијата да биде уште поголема пред 10тина дена почина и Бизонот за кој денес добив официјални резултати дека истиот бил болен од Туберколоза, ноазен тип за кој ако малку се информираме ќе видиме дека е пренослив од животно на животно и од човек на човек.

Резултатите се добиени од патолошките наоди на погинатите животни од Ветеринарниот факултет, Ветеринарниот институт и од Агенцијата за храна и ветерина.

Информациите кој ги добивам од Зоолошката внатре и од вработените е повеќе од аларматна, Зоо е контаминирано подрачје од оваа болест, се сомневаме дека цели реони се зафатени, вработените се оставени сами на себе без никаква опрема соодветна на ваков тип на епидемија, подложени се на мобинг за да молчат за се што се случува внатре, додека дневно гледаме дека има 100 тици посетители кој поминуваат низ живеалиштата каде починаа овие животни!

Менаџментот молчи, речиниси и да го нема, ова кое се случува во оваа установа е загрозување на општа опасност по вработените, посетителите и животните.

Апелирам, алармирам веднаш државните институции да направат вонреден инспекциски надзор и да постапат согласно протоколите кој ги налага ЕАЗА и Светската здравсгвена организација. Итна проверка на сите вработени да се тестираат како и земање брисеви од сите животни и живеалишта, доколку е потребно и времено затворање на оваа установа се додека не се процени дека е безбедна!

Менаџментот Попов и Стаменов молчат, ги нема на работнното место, ги нема на седниците на Совет, ги нема да одговорат за цел овој хорор кој се случува во нашата зоолошка, заедно со мојата советничка група од ВМРО –ДПМНЕ планираме да поднесеме и кривична пријава против гореспоменатите за секое едно животни и за се што овие луѓе и направија на најстарата зоолошка градина во Европа која догодина ќе прави 100 години од своето постоење, установа која беше и треба да биде лицето на нашиот Град!

Според информациите од јавен карактер кој ги побарав од ЗОО Скопје и ги добив за само 3 години починаа повеќе од 50 животни , до сега не видовме никаква одговорност ,истрага или било што од менаџментот кој е заслужен за тоа со презимиња ПОПОВ И СТАМЕНОВ!

Во оваа установа имаше колење на коњи, труење на коњи, труење на волци, труење на бербески овци, угинати животни од плевмонија, угинати животни од бактерии, салмонела од расипана исхрана, угинати животни од непознати причини и многу уште за што сето тоа ке биде представено во правна постапка против горенаведените за кој треба и тоа како да одговараат!

Одговорност мора да има и ќе има!

Центар за комуникации на ВМРО-ДПМНЕ

Тагови: Кирков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аргентина е вториот финалист на СП- со спектакуларен пресврт ја победи Англија

Аргентина е вториот финалист на Мундијалот откако во полуфиналето во Атланта ја совлада Англија со 2:1. 

Аргентина е вториот финалист на СП- со спектакуларен пресврт ја победи Англија

Англичаните поведоа со голот на Ентони Гордон во 55. минута, но бранителите на светскиот шампион на крајот ја свртеа табелата со головите на Енцо Фернандез во 88. и Лаутаро Мартинез во 92. минута. Лионел Меси забележа две асистенции.

Во финалето против Шпанија, Аргентина ќе се обиде да ја освои втората последователна и четврта севкупна титула. Натпреварот е закажан за недела на 19 јули од 21 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Археолозите откриле неверојатно богатство на Кипар- девет златни дијадеми стари 3.400 години со чудни мотиви (ФОТО)

Археолозите открија богатство од девет златни дијадеми и две маски за мртвите од урнатините во близина на античкиот град Хала Султан Теќе на Кипар.

Археолозите откриле неверојатно богатство на Кипар- девет златни дијадеми стари 3.400 години со чудни мотиви (ФОТО)

Предметите се украсени со бикови со круна од сонцето и трчачки козорог, дизајн позајмен од целиот антички Медитеран и кој дава увид во древната трговија за време на една од првите големи ери на глобализацијата, објавува Phys.org.

Локалните кипарски златари ги изработиле орнаментите пред околу 3.400 години, спојувајќи антички египетски, минојски, блискоисточни и микенски мотиви во свој стил, според студија објавена во Оксфордскиот журнал за археологија.

„Се соочувате со остатоци од луѓе кои живееле пред повеќе од 3.000 години, заедно со предмети што дошле од источниот Медитеран, од Грција, Египет, Анадолија, Левант и Месопотамија, но и од Индија, Авганистан, Балтичките земји и пошироко“, рече авторот на студијата, Питер М. Фишер, професор на Универзитетот во Гетеборг во Шведска, кој ги води ископувањата.

„Тоа е моќен потсетник дека Хала Султан Теке била дел од еден меѓусебно поврзан свет“, додаде тој.

Градот Хала Султан Теке цветал од околу 1630 до 1150 година п.н.е., кога блиското Солено Езеро Ларнака било заштитен залив кој нудел едно од најдобрите природни пристаништа на островот, се вели во студијата.

Градот сигурно бил огромен. Врз основа на истражувањата спроведени од 2010 година, тој опфаќал најмалку 25 хектари, што го прави „најголемиот познат урбан центар од бронзеното доба на Кипар и еден од најголемите во целиот источен Медитеран“, рече Фишер. Оттаму, градот извезувал стопен бакар, произведувал керамика и тргувал со луксузни стоки, вклучувајќи лапис лазули од Авганистан, килибар од Балтикот и карнеол од Индија.

Осум коморни гробници биле откриени помеѓу 2016 и 2024 година. Тие се урнале сами одамна, закопувајќи ја својата содржина во урнатини. Тоа била катастрофа за починатите, но среќна околност за археолозите милениуми подоцна, кои откриле дека урнатините ги штитат телата и артефактите.

Една од највпечатливите дијадеми ги комбинира египетската иконографија со античките микенски грчки мотиви. Таа прикажува глави на бикови со глави крунисани со сонце, типична египетска слика поврзана со богот Апис, опкружена со мотиви од палма и розета. Соочувањето на овие слики покажува дека кипарските златари не биле само посредници кои продавале туѓи добра преку морето, туку креатори во еден вид „котел на идеи“.

Ова дело крие и интересен пресврт. Биковите обично се поврзувале со машкоста, но се покажало дека дијадемата на бикот ѝ припаѓала на жена на возраст меѓу 35 и 40 години, што сугерира дека овој симбол не бил резервиран исклучиво за мажи.

Овие дијадеми не биле наменети само за мртвите; потешките покажуваат знаци на абење, што сугерира дека луѓето веројатно ги носеле за време на животот, иако речиси сигурно само во ретки, посебни пригоди. Од друга страна, полесните биле премногу кршливи и се користеле само за погребни цели.

Поедноставните прстени за усни биле поенигматични; иако се пронајдени во други медитерански култури, нивната функција останува мистерија.

„Не можеме со сигурност да кажеме што требало да претставуваат златните мундштуци, но најверојатно биле дел од погребен ритуал со кој се означувало преминувањето на починатиот во задгробниот живот“, рече Фишер.

И покрај странските мотиви, предметите веројатно биле изработени на Кипар.

Долго време се водеше дебата за тоа каде можеби се наоѓале вакви работилници за златари, но студијата сугерира дека овие артефакти можеби биле произведувани во Хала Султан Теќе, додека златото потребно за нивна изработка можеби доаѓало од далечни египетско-нубиски рудници или дури и од бугарскиот Ада Тепе, најстариот познат отворен рудник за злато на Балканот. Интересно е што, и покрај нивното богатство, гробниците едноставно биле ископани во земјата и дискретно обележани.

„Убеден сум дека жителите веќе биле свесни за ризикот од грабеж на гробови во античко време“, рече Фишер, сугерирајќи дека скромниот надворешен изглед можеби ги одвраќал крадците, загриженост што продолжува и денес.

Со само мал процент од античкиот град ископан досега, студентите на Фишер понекогаш го прашуваат колку време би било потребно за да се ископа сè. Според неговата пресметка: „најмалку 630 години“.

Но, на Фишер не му пречи поголемиот дел од тоа да им го остави на идните генерации; на крајот на краиштата, тие можеби имаат подобри методи на ископување од нас, додава тој.

„Секоја нова област на ископување донесе изненадувања и уверен сум дека градот сè уште има многу приказни за раскажување“, заклучува тој.

Тагови: дијадеми археолозите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Руски туристи се уапсени затоа што во Света Софија во Истанбул ја читале Библијата

Рускиот генерален конзулат во Истанбул ги истражува околностите на притворањето на руските граѓани во познатата Света Софија.

Руски туристи се уапсени затоа што во Света Софија во Истанбул ја читале Библијата

Дипломатите ги истражуваат околностите на инцидентот, објавија руските медиуми.

Полициски извори во Истанбул го потврдија инцидентот, но одбија да дадат дополнителни коментари. Покраинските власти и службата за миграција, исто така, одбија да дадат коментар.

Менаџерот на хотелот каде што престојувале притворените туристи не сакаше да открие никакви информации за нивното местоположба, повикувајќи се на законски прописи што забрануваат споделување на податоци за гостите со трети страни.

Како што претходно објавија некои руски медиуми, двајца руски државјани, Викторија и Игор, наводно биле приведени на 13 јули затоа што ја читале Библијата во Света Софија.

Безбедносните службеници ги однеле во полициската станица, каде што против нив е составен извештај поради сомнение за сторено кривично дело според член 216 од турскиот кривичен законик, кој се однесува на „поттикнување омраза и непријателство меѓу луѓето или навредување и понижување на одредени општествени групи“.

Турскиот претседател Реџеп Таип Ердоган потпиша декрет во јули 2020 година со кој Света Софија, која претходно функционираше како музеј, официјално се претвора во џамија, по што таму беа обновени религиозните служби.

Тагови: Света Софија туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер