Кипар испрати 940 тони хуманитарна помош за Газа - Канал 5

Балкан

Кипар испрати 940 тони хуманитарна помош за Газа

Хуманитарната помош што тргна од Кипар во неделата пристигнала на пристаништето Ашдод.

Кипар испрати 940 тони хуманитарна помош за Газа

Хуманитарна помош од 940 тони што содржи прехранбени производи и опрема за засолништа, од Република Кипар беа испратени за Газа во рамките на кипарската иницијатива „Амалтиа“ за испраќање помош преку поморскиот хуманитарен коридор, јави дописничката на МИА од Атина.

Од Министерството за надворешни работи на Кипар преку Икс информираа дека продолжува имплементацијата на проектот „Амалтиа“ во соработка со Обединетите Арапски Емирати, како и во координација со Канцеларија на Обединетите нации за проектни услуги и меѓународните партнери, вклучувајќи и другите земји-членки на Европската Унија.

Хуманитарната помош што тргна од Кипар во неделата пристигнала на пристаништето Ашдод.

- Хуманитарните резерви се состојат од прехранбени производи и опрема за засолништа и се додаваат на 27.000 тони хуманитарна помош која веќе е дистрибуирана во Газа. Од почетокот на спроведувањето на планот „Амалтиа“, залихите набавени од кипарскиот пазар надминуваат 3,1 милиони евра. Кипар ќе продолжи активно да придонесува во хуманитарниот сектор во координација со своите партнери и секогаш под покровителство на Обединетите нации, информираа од кипарското МНР.

Кипарската иницијатива „Амалтиа“ за поморски хуманитарен коридор за Газа беше воведена на средината на март минатата година со испраќање бродови со помош од Кипар за Газа.

Тагови: Газа кипар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

СП2026: Канада прв осминафиналист

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

YouTube video

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литванскиот министер за надоврешни работи во посета на Македонија

Министерот за надворешни работи, Тимчо Муцунски денеска во министерството ќе има средба со министерот за надворешни работи Литванија Кестутис Будрис.

Литванскиот министер за надоврешни работи во посета на Македонија

Во фокусот на разговорите ќе бидат унапредувањето на билатералните односи меѓу двете земји, соработката во рамките на НАТО, како и поддршката од Литванија за европската интеграција на Македонија.

Во рамките на посетата е предвидена тет-а-тет средба со министерот Муцунски, по што ќе следи заедничка прес-конференција..

Тагови: МНР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Пожар на островот Вис во Хрватска

Голем пожар на отворено избувна на островот Вис синоќа околу 22:30 часот. 

Видео: Пожар на островот Вис во Хрватска

Огнот зафати борова шума и ниска вегетација во областа на Комижа, долж патот кон Подхумље, објави веб-страницата „Firefighters 193“.

Сите расположиви противпожарни сили од оперативното подрачје Вис веднаш биле испратени на местото на настанот. Во интервенцијата учествуваат пожарникари од противпожарните одделенија на Комижа и Вис.

Противпожарната одделенија на Комижа распореди девет возила и 35 пожарникари, а противпожарната одделенија на Вис распореди шест возила и исто така 35 пожарникари, со што вкупно на местото на настанот се наоѓаат 15 возила и 70 пожарникари.

Пожарот е сè уште активен, а неговото гаснење го отежнуваат сувата вегетација и ширењето на пожарот на отворен простор.

Иако немаше силен ветер во текот на ноќта, пожарот се прошири брзо во првите часови поради екстремно сувата почва.

Од утрово на терен се и три авиони канадари, додека четвртиот авион пристигнува и ќе биде вклучен во гаснењето на пожарот.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер