Кинотеката во август со атрактивна филмска понуда за летното кино под отворено - Канал 5

Култура

Кинотеката во август со атрактивна филмска понуда за летното кино под отворено

 Кинотеката со нејзиното летно кино „Мирно лето“ најавува дека ја има вистинската забава во вечерните часови во (нај)топлиот месец – август.

Кинотеката во август со атрактивна филмска понуда за летното кино под отворено

Августовската програма ја започнуваат со неколку актуелни француски филмови. Играниот ПАРИЗ – ЉУБОВНА ПРИКАЗНА (Les Olympiades, Paris 13e / Paris, 13th District) на Жак Одијар (Jacques Audiard) е забавна колекција на испреплетени приказни за ликовите што се спојуваат во 13-тиот арондисман на француската престолнина, а документарниот КАДИФЕНА КРАЛИЦА (La panthère des neiges / Velvet Queen) на авторите Мари Амиге, Венсан Миние (Marie Amiguet, Vincent Munier), ни раскажува сторија за потрагата по снежниот пантер. Следува СÈ ПОМИНА ДОБРО (Tout s’est bien passé / Everything Went Fine), суптилна драма со добро познатиот ракопис на Франсоа Озон (François Ozon), овој пат на секогаш контроверзната тема за евтаназија – убиство од милосрдие.

ВСЕЛЕНСКО МОМЧЕ (SpaceBoy) на Оливие Перу (Olivier Pairoux), филм за најмладата публика со приказна за 11-годишно момче кое има голема љубов кон вселената и науката. Јапонскиот филм ТРКАЛО НА СРЕЌАТА И ФАНТАЗИЈАТА ( Gûzen to sôzô / Wheel of Fortune and Fantasy) на Рајусуке Хамагучи (Ryûsuke Hamaguchi) раскажува три приказни за три женски ликови и ги следи односите меѓу нивните избори и каењето: неочекуван љубовен триаголник, неуспешна замка за заведување и средба која произлегува од едно недоразбирање.

Во августовската програма повторно ќе има проекции, на како што посочуваат, исклучителниот француски филм ТИТАН (Titane) на Жулија Дукурно (Julia Ducournau), филмска бајка за возрасни исполнета со гнев, љубов и осаменост, која ја освои „Златната палма“ во Кан 2021, а Дукурно ја подели јавноста со оваа контроверзна филмска сторија. Филмот забележа над 110 номинации на филмските фестивали, освои 28 награди, а со него свечено беше затворено минатогодишното 42. издание на ИФФК „Браќа Манаки“ во Битола.

На програмата е и германскиот филм ФАБИЈАН (Fabian oder Der Gang vor die Hunde / Fabian: Going to the Dogs) на Доминик Граф (Dominik Graf) со приказна сместена меѓу подстанарите на Берлин и неговото подземје во 30-те години од минатиот век, каде што борделите се уметнички атељеа, а на улиците се нацистите со нивните гласни и навредливи пароли, освои петнаесетина номинации и шест награди на германските филмски фестивали.

Чилеанскиот наслов ЕМА (Ema) на Пабло Лараин (Pablo LarraÍn) е филм со неверојатна енергија, добра музика и фантастична кореографија, а за ролјата на Маријана Ди Хироламо (Mariana Di Girólamo) велат дека е една од најдобрите креации во светскиот филм во 2019. Авантуристичката акција ПЛАНИНА НА СМРТТА (Feng bao / Cloudy Mountain) на Ли Џун (Li Jun) е еден од најгледаните кинески филмови годинава во светот, со приказна фокусирана на скромноста и личната заложба на главните јунаци, бидејќи дејството не се занимава со спасување на целиот свет, туку на својот град, својот микроуниверзум во кој непријателот не е некој странец со супермоќи туку природна катастрофа.

ЈАЛДА, НОЌ ЗА ПРОШКА (Yalda, a Night for Forgiveness) во француско-белгиско-иранска копродукција, во режија на Масуд Бакши (Massoud Bakhchi), го поставува прашањето дали телевизиските реални шоуа можат да бидат замена за правдата? Во Иран може, ако даде Господ!

Францускиот наслов СВЕТОТ ПОСЛЕ НАС ( Le monde après nous / The World After Us) на Лода Бен Салах (Loda Ben Salah) е приказна за шесте месеци во животот на сиромашниот Лабиди, омеѓени со рокот од издавачката куќа и романсата со една убава студентка. Германскиот ГОЛЕМА СЛОБОДА (Große Freiheit / Great Freedom) на Себастијан Мајзе (Sebastian Meise) говори за машката хомосексуалност третирана како кривично дело во Германија низ два века и неколку тотално различни општествено-државни уредувања.

Полскиот филм ПОТ (Sweat) на Магнус фон Хорн (Magnus fon Horn) е филм за инфлуенсерите на социјалните мрежи прикажан низ призмамата на една згодна, популарна и обожувана фитнес инструкторката. НОЌ НА КРАЛЕВИТЕ (La nuit des rois / Night of the Kings) на Филип Лакот (Philippe Lacôte) е филм снимен во џунглата на Брегот на слоновата коска, каде што затворот под отворено небо е арена во која животот се спасува или губи со раскажување приказни. Хрватскиот филм МАЈКА (Mater / Matriarch) на дебитантот Јуре Павловиќ (Jure Pavlović) е сторија за трауматизирана жена злоставувана од страна на мајка си.

Во август Кинотеката ќе понуди и две проекции на филмови на 35 мм лента. Станува збор, како што наведуваат, за веќе класичните дела ЅВЕЗДЕН ЧОВЕК (Starman) на Џон Карпентер (John Carpenter) и ДЕЦА (Kids) на Лери Кларк (Larry Clark).

Августовската програма се затвора со ФЕСТИВАЛ НА НЕМ И КЛАСИЧЕН ФИЛМ и проекција на НОСФЕРАТУ, СИМФОНИЈА НА СТРАВОТ (Nosferatu, eine Symphonie des Grauens / Nosferatu, a Symphony of the Gray) на класикот Фридрих Вилхелм Мурнау (Friedrich Wilhelm Murnau), кој заради сугестивната мрачна атмосфера комбинирана со мелодраматичната морбидност бил сметан за исчекор за стандардите на германскиот експресионизам, наведуваат од Кинотеката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН предупредува: 2,4 милиони девојчиња во Авганистан немаат право на образование

Пет години откако Талибанците ја презедоа власта во Авганистан, околу 2,4 милиони девојчиња сè уште немаат пристап до средно образование.

ОН предупредува: 2,4 милиони девојчиња во Авганистан немаат право на образование

Обединетите нации го обновија својот повик за итно враќање на нивното право на образование, а УНЕСКО, агенцијата за образование на ОН, вели дека исклучувањето на жените и девојчињата од образовниот систем е сериозно кршење на нивните фундаментални права, објавува АП.

Хода Џаберијан, координаторка на УНЕСКО за образование во вонредни ситуации, го објасни обемот на проблемот на видеоконференција со новинарите. „Авганистан останува единствената земја во светот каде што на девојчињата и жените официјално им е забрането да посетуваат средно училиште и универзитет. Пет години не се само привремено прекинување на образованието, туку речиси целото средно училиште на едно дете“, рече таа денес.

„УНЕСКО продолжува да повикува на итно и безусловно враќање на правата на девојчињата и жените на средно и високо образование. Ова е непроменливо. Тоа е фундаментално човеково право и, повторуваме, нема замена за него“, нагласи Џаберијан.

Две децении напредок се превртени

Талибанците ја презедоа власта на 15 август 2021 година, за време на повлекувањето на силите на САД и НАТО по дваесет години војна. Тие брзо им забранија на девојчињата да одат во средни училишта, а потоа ги проширија ограничувањата на високото образование, вработувањето и другите сектори, речиси целосно исклучувајќи ги жените од јавниот живот. Тие ја задржаа оваа забрана и покрај апелите од ОН, хуманитарните организации и неколку исламски земји, објаснувајќи дека тоа е внатрешно прашање на државата.

Џабериан потсети дека овие ограничувања го превртеа две деценискиот напредок во образованието. Додека пристапот до образование за девојчињата беше исклучително ограничен во 2001 година, до 2021 година речиси еден милион девојчиња беа запишани во средни училишта. „Авганистан постигна огромен напредок во проширувањето на пристапот до образование за девојчињата. За жал, голем дел од тој напредок сега е целосно избришан“, рече таа.

Учење базирано во заедницата како алтернатива

И покрај ограничувањата, УНЕСКО продолжува да го поддржува образованието во Авганистан преку програми за писменост и развој на вештини што се спроведуваат во рамките на локалните заедници. Часовите често се одржуваат на јавни места или во домовите на наставниците. На терен работат повеќе од 1.000 наставници по писменост, од кои повеќето се обучени од УНЕСКО и неговите партнери.

„Додека се во сила ограничувањата, не смееме да ги напуштаме учениците во Авганистан. УНЕСКО работи со заедниците и нашите локални партнери за да го зачува секој можен пат кон учење“, рече Џабериан.

Извор: Индекс.хр

Тагови: Авганистан образование ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„GTA 6“ руши рекорди пред објавувањето: „Take-Two“ најави огромна заработка и изненадување

„Grand Theft Auto 6“ би можел да заработи уште повеќе пари по рекордните предпродажби.

„GTA 6“ руши рекорди пред објавувањето: „Take-Two“ најави огромна заработка и изненадување

„Take-Two“ го објави својот најнов финансиски извештај за инвеститорите, само неколку часа откако ги објави плановите за прикажување на играта на „GTA 6“ на „Netflix“.

Како што се очекуваше, издавачот е многу задоволен од бројот на преднарачки за „GTA 6“ и ја зголеми својата финансиска прогноза за фискалната година.

„Take-Two“ претходно процени дека ќе заработи околу 8 милијарди долари во текот на следната фискална година, благодарение на огромниот поттик од „GTA 6“, која излегува овој ноември. Сега „Take-Two“ очекува да заработи неколку стотици милиони повеќе од тоа.

Еден аналитичар неодамна процени дека преднарачките за „GTA 6“ донеле околу 300 милиони долари досега, но не мислеше дека таа бројка е ни блиску до шпекулираната граница од милион единици. Сепак, се очекува преднарачките да се зголемат откако маркетингот за играта навистина ќе се забрза, што започнува подоцна овој месец со премиера на „Netflix“. „Grand Theft Auto 6“ ќе биде достапна само на конзолите „Xbox Series X/S“ и „PS5“ кога ќе излезе на 17 ноември. Сепак, се очекува „PC“ верзијата на играта да пристигне во рок од една или две години.

Извор: Б92

Тагови: GTA 6

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Зошто Холанѓаните ставаат ролери на сообраќајните знаци? Причината е неочекувана

Овие ролери немаат никаква врска со возачите, но решаваат еден необичен проблем.

Зошто Холанѓаните ставаат ролери на сообраќајните знаци? Причината е неочекувана

Сообраќајните знаци на холандските автопати имаат друга, прилично необична улога - тие привлекуваат бувови, кои ги користат за набљудување додека ловат глувци покрај патот.

Ова може да биде многу опасно. Кога був ќе одлета од знак и ќе се спушти врз својот плен, тој може да заврши пред возило. Судирот може да биде фатален за птицата, но може да предизвика и сериозна штета на автомобил или камион.

Затоа на некои сообраќајни знаци се инсталирани специјални ротирачки ролери. Тие ги спречуваат бувовите да слетаат на знакот и да останат на него, пишува „Revija HAK“.

Оваа заштита е инсталирана првенствено на делови каде што се регистрирани голем број смртни случаи на бувови. Ова навидум едноставно решение истовремено ги штити птиците и го намалува ризикот за учесниците во сообраќајот.

Извор: Б92

Тагови: сообраќајни знаци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер