Киносалите во Кина достапни и за домашни миленици - Канал 5

Забава

Киносалите во Кина достапни и за домашни миленици

Кинеските кина почнаа со прикажување филмови, наменето за посетители со домашни миленици, претворајќи го традиционалното кино-доживување во нов начин на заедничка забава. 

Киносалите во Кина достапни и за домашни миленици

Салите се прилагодени за престој на кучиња и мачки, со заштитни подлоги, средства за хигиена и посебни тивки зони за животните кои се почувствителни на врева.

Посетителите доаѓаат со своите миленици и заедно го следат филмот, создавајќи несекојдневна атмосфера.

Повод за оваа иницијатива се специјалните емитувања на филмот „Зоотропола 2“ (Zootopia 2).

Како што наведуваат организаторите, проектот произлегува од растечкиот општествен тренд во Кина, каде што односот кон домашните миленици значително се менува. Брзото ширење на интересот во повеќе градови укажува на потенцијал за поширока и одржлива примена на идејата.

Иако сцените во салите понекогаш се невообичаени, од кучиња кои реагираат на звучните ефекти до мачки што мирно дремат за време на филмот, публиката ја доживува атмосферата како топла и опуштена. Посетителите нагласуваат дека ваквите проекции создаваат чувство на заедништво и нудат сосема нов начин за уживање во слободното време заедно со своите миленици.

Оваа иницијатива го отвора прашањето како јавните простории може да се прилагодат за престој со своите миленичиња, а киносалите во Кина се доказ дека магијата на филмот може да се сподели и доживее на несекојдневен начин.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Против пожарната единица Кавадарци уште еднаш покажа како се работи пожртвувано и тимски

Со 4 пинцгауери, 1 џип со пумпа, 2 унимога, 12 пожарникари и 1 цивил, цела ноќ се водеше тешка битка со огнената стихија на исклучително непристапен терен, објави на Фејсбук првиот човек на Кавадарци, Митко Јанчев. 

Јанчев: Против пожарната единица Кавадарци уште еднаш покажа како се работи пожртвувано и тимски

Голем пожар избувна во атарот на кавадаречкото село Раец, каде што доцна синоќа огнот бил активен на пет различни локации.

Градоначалникот на Кавадарци, Митко Јанчев, оцени дека состојбата е исклучително сериозна и соопшти дека пожарникарите и другите надлежни служби вложуваат максимални напори за локализирање на пожарот.

-Teritorijalna Protiv Pozarna Edinica-Kavadarci уште еднаш покажаа како се работи пожртвувано и тимски. На терен и во постојана координација со пожарникарите беше и градоначалникот Митко Јанчев, до раните утрински часови, се додека огнот не се локализира.

Со 4 пинцгауери, 1 џип со пумпа, 2 унимога, 12 пожарникари и 1 цивил, цела ноќ се водеше тешка битка со огнената стихија на исклучително непристапен терен.

Пожарникарите презедоа огромен ризик, работејќи без престан во многу тешки услови за да ги стават под контрола петте подметнати пожари. Нивната пожртвуваност, професионалност и несебична борба заслужуваат најголема почит.

Голема благодарност и до Васко механичарот од Дреново, кој одлично го познава теренот и цела ноќ беше рамо до рамо со пожарникарите, помагајќи им во оваа исклучително тешка акција.

Вака се сака Македонија, со дела, со храброст и со пожртвуваност.

Во меѓувреме, Министерството за внатрешни работи работи на откривање на сторителот или сторителите кои стојат зад подметнувањето на пожарите, стои во објавата на Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

72 лица загинаа за време на неодамнешниот масовен прилив на мигранти во шпанската енклава Сеута од Мароко

Најмалку 72 лица загинаа за време на неодамнешниот масовен прилив на мигранти во шпанската енклава Сеута од Мароко, соопштија шпанските власти. 

72 лица загинаа за време на неодамнешниот масовен прилив на мигранти во шпанската енклава Сеута од Мароко

Мароканските власти тврдат дека се помалку жртви 11.

Повеќето од околу 60.000 луѓе кои набрзина влегоа во северноафриканската територија на Шпанија, повеќето со пливање, се вратија во Мароко по најголемиот масовен премин на мигранти на територијата.

„ Најголемиот наплив на мигранти во енклавата предизвика меѓународна криза за Шпанија, бидејќи некои од нејзините европски партнери го критикуваа Мадрид за неговата имиграциска политика.

Шпанија ги обвини криминалните банди за ширење гласини дека неодамнешната одлука на Врховниот суд на Шпанија за имиграцијата ќе им овозможи на мигрантите полесен премин.

Некои аналитичари сугерираат дека Мароко можеби им дозволил на мигрантите да ја преминат границата за да изврши дипломатски притисок врз Шпанија, која неодамна ги подобри односите со соседниот Алжир, најголемиот непријател на Рабат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бројот на потврдени и суспектни на „западен нил“ се искачи на 16

Расте бројот на хоспитализации поради вирусно воспаление на мозокот на Инфективната клиника во Скопје.

Бројот на потврдени и суспектни на „западен нил“ се искачи на 16

Вчера се хоспитализирани уште тројца нови пациенти со што бројот на потврдени и сомнителни случај на западно – нилска треска се искачи на 16.

Сите досега хоспитализирани имаат повеќе хронични болести и се над 60 годишна возраст....

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер