Кинезите на Месечината откриле чуден гел , сега се знае што содржи (ФОТО)

Научниците идентификувале необична светлечка материја во форма на гел ,забележана од кинески ровер „Јуту-2“ на темната страна на месечината (која не е свртена кон нас) минатата година.

Според анализата на сликите и споредбата со примероците донесени од мисијата Аполо од Месечината на Земјата, станува збор за карпа. Поточно, стопена карпа која, веројатно по ударот од метеорит, се претворила во темно зелена, сјајна, стаклеста маса.

„Откриен е од Ровер Чанг-4 во кратерот во сливот на Јужниот пол Ајткен (СПА) темно зеленикава и блескава карпа што се формирала откако тело удрило во површината на Месечината“, напишаа планетарните научници во студијата.

„Оваа карпа е формирана со заварување, зацементирање и аглутинација на лунарниот реголит и карпата“, додаваат тие.

Јуту-2 прв пат ја фотографирал оваа блескава супстанција кон крајот на јули 2019 година. Кинеските научници ја опишаа како „супстанција слична на гел“, што е всушност необичен опис на нешто на Месечината, со оглед на тоа што пејзажот на нашиот сателит е многу суво и правливо место.

Последователните фотографии покажаа дека супстанцијата навистина сјае, но исто така и дека не мора да биде желатинозна по природа, но дека веројатно е стопена, пишува Science Alert.

Подеталната анализа на панорамските фотографии направени од роверот и видливиот и близок инфрацрвен спектрометар за слики (VNIS) ја поддржуваат оваа хипотеза.

Поточно, Шенг Гоу од Кинеската академија на науките и неговите колеги користеле слики од ВНИС за да се утврди хемискиот состав на сјајот, но и околниот реголит. Тие дознале дека реголитот претежно се состои од плагиоклаза (околу 45%), пироксен (7%) и оливин (6 проценти) - прилично стандардна мешавина на Месечината.

Им било малку потешко да се утврди составот на стаклестото тело, најверојатно заради слабата светлина, така што можеле да забележат само поголеми количини на плагиоклаза (околу 38 проценти). Научниците исто така утврдиле дека овој материјал е темно зелен по боја и е со големина од 52х16 сантиметри.

Составот и описот на супстанцијата потсетуваат на два примерока земени од Месечината за време на мисијата Аполо: лунарен примерок 15466 и лунарен примерок 70019. Планетарните научници заклучуваат дека оваа супстанца веројатно се формирала за време на влијанието на метеорит, за време на кое дел од реголитот се стопил, се измешал со нерасчистениот реголит и формирал карпа.

Овој процес не мора да се одвива во кратерот во кој била пронајдена карпата. Имено, реголитот е веројатно мешавина од материјал од два различни кратери, па можно е материјалот формиран во друг кратер, да биде исфрлен и паднал во кратерот во кој го пронашол Јуту-2.

Но, ова истражување има свои ограничувања. Прво, научниците не можеле да го анализираат вистинскиот примерок, со оглед дека е на Месечината. Второ, светлината била слаба, а Yutu-2 веќе се движел кон друго место, така што е малку веројатно дека ќе има втор сет на слики.

Студијата наречена Impact melt breccia and surrounding regolith measured by Chang'e-4 rover е објавена во Earth and Planetar Science Letters.

Ердоган: Секој напад врз нас ќе резултира со висока цена

Турскиот претседател Реџеп Таип Ердоган вели дека секој напад врз турскиот брод кој истражува нафта и гас во спорните води на Средоземното море ќе резултира со висока цена.

Тој сугерираше дека Турција веќе постапила по тоа предупредување.

„Кажавме дека ако го нападнат нашиот брод Оруч Реис ќе платат висока цена, а тие денес го добија првиот одговор“, кажа Ердоган во Анкара без да даде детали, пренесува Ројтерс.

Бродот Оруч Реис тргна во понеделникот со воена придружба во истражување во водите меѓу Крит и Кипар. Како одговор на тоа, францускиот претседател Емануел Макрон кажа дека Франција ќе го зголеми военото присуство во регионот и побара од Анкара да го прекине своето истражување.

Француските и грчките сили одржаа денес воени вежби во близина на Крит. Ердоган денес телефонски разговарал со германската канцеларка Ангела Меркел и претседателот на Европскиот совет Шарл Мишел.

За време на разговорот со Мишел, Ердоган ја повторил својата посветеност на одбраната на правото на Турција против обидите за нејзино непочитување, соопшти кабинетот на турскиот преседател.

И Турција и Грција неделава соопштија дека сакаат да го решат спорот околу меѓусебните поморски барања, но истакнаа дека ќе ги штитат своите интереси обвинувајќи ја другата страна за провокации.

Убиство во Инџиково

Убиство при развојништво во скопско Инџиково .

Според неофицијални информации лица маскирани со фантомки и вооружени влегле во куќа на 49-годишен жител на Инџиково кој бил во домот со сопругата и од него побарале пари.

„Вооружените лица им побарале пари, откако сопственикот им кажал дека нема пари и дека има само возило џип во дворот и дека може да го земат, едно од лицата истрелал од пиштол кон него и го погодил во главата, по што починал“, објавува Алсат-М.

„Болеро“ – балет под маски, без допир и на дистанца

И покрај пандемијата предизвикана од ковид-19, НОБ е дел од програмата  на најреномираниот фестивал во нашата земја, „Охридско лето“. 

Спектакуларна изведба на балетската премиера „Болеро“ од Морис Равел и гала-концерт донесоа вчеравечер солистите, женскиот балетски ансамбл и Оркестарот на Националната опера и балет под диригентската палка на Бисера Чадловска, на сцената Долни Сарај во рамките на фестивалот „Охридско лето“.

Според генералниот директор на Националната опера и балет, м-р Васо Ристов, програмата со која НОБ настапува на фестивалот е специјално конципирана и прилагодена на условите во пандемијата од ковид-19.

-И покрај пандемијата предизвикана од ковид-19, НОБ е дел од програмата на најреномираниот фестивал во нашата земја, „Охридско лето“. Програмата е специјално конципирана за да може да се изведе во овие специфични услови. „Болеро“ е една нова авантура во балетската уметност и еден нов балетски израз во кореографија на Саша Ефтимова. Подготвивме нова премиера на „Болеро“ која е во согласност со препораките на Комисијата за заразни болести. Тоа е балет под маски, без допир и на дистанца. Сите учесници ги почитуваа здравствените мерки и протоколи уште на самиот почеток кога почнавме да се подготвуваме за учество на фестивалот, изјави м-р Ристов.

Кореографката на балетската претстава, Саша Ефтимова, додаде дека проектот е прилагоден за условите во коишто се наоѓаме, и ќе може да се изведува додека не се смири ситуацијата предизвикана од ковид-19.

-Херојски е што сите уметници прифатија да учествуваат во еден ваков проект зашто мерките се тие и знаеме дека не смееме да избегаме од реалноста во која моментално се наоѓаме. Сметам дека ако успееме со една ваква претстава, нашата иднина како национална куќа, може да опстои со тоа што ќе имаме нови уметнички креации и дела со кои може понатака да работиме додека не се смири ситуацијата, рече Ефтимова.

Пред балетскиот спектакл „Болеро“, НОБ одржа Гала-концерт на сцената „Долни Сарај“. Публиката имаше можност да ужива во прекрасните оперски арии што ги изведуваа сопранистките Сандра Митровска и Катерина Стојановска, на тенорот Ѓорѓи Цуцковски, како и на Владимир Саздовски-бас кои беа придружувани од Оркестарот на Операта и Балетот под диригентство на Бисера Чадловска.

-Морам да истакнам дека годинешното „Охридско лето“ и поканата за нас како уметници е навистина еден фасцинантен мотив за повторно да се вратиме во уметничка форма. Минатата година имавме спектакуларен концерт на фестивалот со оперската пејачка Инва Мула и тоа е момент за паметење, меѓутоа во овие услови на корона вирус, сигурен сум дека на нашата публика ѝ ги стопливме срцата и им ја вративме волјата за живеење и љубовта кон уметноста, рече првенецот на Националната Опера и Балет, тенорот Ѓорѓи Цуцковски кој ги изведе најпознатите арии од оперите „Кармен“ и „Турандот“ а настапи и во дует од Адријано Лекуврер со неговата колешка, сопранистката Сандра Митровска.

Здравствените протоколи пропишани за вакви настани максимално ги испочитуваа и членовите на Оркестарот на Националната опера и балет кои седеа на соодветна далечина и со заштитни маски, освен уметниците на дувачки инструменти кои е невозможно да музицираат со маски.

притисни ентер