Кинеските научници откриле антитела , тврдат дека се ефикасни против коронавирусот

Тим кинески научници изолирале антитела за кои тврдат дека се „исклучително ефикасни“ во блокирање на можноста на новиот коронавирус да навлезат во клетките, што може да помогне во лекување и спречување на Ковид-19.

Во моментот, не постои докажан ефикасен лек за овој вирус, каде што почна пандемијата и зарази повеќе од 950.000 луѓе и ги однесе животите на повеќе од 48.000.

Жанг Линки од универзитетот Цингхуа во Пекинг вели дека лекот, направен од антитела, може да се користи поефикасно од сегашните пристапи за лекување на болеста предизвикана од коронавирусот, вклучително и употребата на плазма на пациенти со Ковид-19.

Тимот на Жанг, заедно со експерти во 3-та Народна болница во Шенжен, на почетокот од јануари, започна да анализираат антитела од крвта на лица кои се опоравуваат од ковид-19 и изолирале 206 моноклонални антитела кои покажаа, како што тој опиша, силна можност за врзување со протеини.

Меѓу првите 20 тестирани антитела, четири биле во можност да го спречат вирусот да навлезе во ќелијата, и биле„исклучително добри“ во тоа, вели Жанг.

Тимот сега се фокусира на откривање на најмоќните антитела и нивно комбинирање за да се намали ризикот од нова мутација на коронавирусот.

Ако се оди добро, заинтересираните би можеле да започнат со масовно производство за тестирање, прво на животни, а потоа и на луѓе.

Тие се здружиле со американско-кинеска компанија за биотехнологија „Бри Биоскенсис“ за да создадат нови потенцијални лекови за превенција и третман на болести, објавија од компанијата.

„Важноста на антителата е докажана во медицината со децении“, вели Жанг. „Тие можат да се користат за лекување на рак, автоимуни болести и заразни болести“.

Антителата не се вакцини, но може да се даваат и на лица со ризик за да го спречат  развојот на Ковид-19.

Обично трае околу две години за да може лекот да достигне фаза на одобрување за употреба кај пациенти, но пандемијата на „ковид-19“ значи дека работите одат побрзо, вели тој, додавајќи дека сега тест фазите што претходно се одвивале во низа се случуваат во исто време.

Жанг, кој го објави откритието на интернет, се надева дека антителата можат да бидат тестирани на луѓе за шест месеци.

Другите експерти повикуваат на претпазливост.

„Постојат неколку чекори што треба да се преземат за да се искористи како лек за пациенти со коронавирус“, рече специјалистот за инфективни болести на универзитетот во Хонг Конг, Бен Коулинг, за Ројтерс.

"Но, возбудливо е да се најдат нови можни лекови, а потоа да имаме можност да ги тестираме. Ако можеме да најдеме повеќе потенцијални лекови, би можеле да имаме подобар третман", додава Коулинг.

притисни ентер