Кинескиот претседател го објави ова на форумот за кинеско-африканска соработка организиран во близина на Дакар додека африканските земји се борат да ги оживеат своите економии погодени од пандемијата.
Организаторите сметаат на засилена соработка со Кина. Кина, првиот трговски партнер на Африка и втората по големина извозна дестинација на Африка, го удвоила својот економски активизам на континентот преку интензивна дипломатија што ги поддржува неразвиените земји.
„Како дел од борбата против ковид, Кина ќе и обезбеди на Африка една милијарда дополнителни дози вакцини, од кои 600 милиони во донации и 400 милиони во други форми, како што е отворање погони за производство на вакцини“, рече кинескиот претседател на Форумот за соработка (ФОКАЦ).
Плановите за производство на вакцините на континентот веќе се отворени во Египет или се во подготовка, како во Сенегал. Кина, исто така, испорачала повеќе од 160 милиони дози вакцини во Африка, рече кинескиот заменик министер за трговија Рен Хонгбин, многу од нив во донации.
„Мораме да ја продолжиме заедничката борба против Ковид. Мораме да и дадеме приоритет на заштитата на нашето население и да ја пополниме празнината во вакцинацијата“, рече кинескиот претседател, осврнувајќи се на големото одложување на вакцинацијата во Африка.
Кинескиот претседател најавил и испраќање на 1.500 професионалци и извршување на 100 здравствени проекти. Тој ветил и поддршка за агробизнисот. Сенегал и голем број африкански земји со нетрпение ја чекаат кинеската помош за овој сектор.
Учесниците на форумот, африкански инвеститори и официјални лица кои учествувале лично или преку видеоконференција биле потсетени на важноста на кинескиот ангажман на континентот.
Низ Африка, производството паднако за 2,4 отсто во 2020 година, пандемијата ја зголемила невработеноста, буџетските дефицити и јавниот долг, рече сенегалскиот министер за економија Амаду Хот.