Кинески тајкун осуден на доживотен затвор - Канал 5

Живот

Кинески тајкун осуден на доживотен затвор

Кинески тајкун во секторот недвижности осуден на доживотен затвор.

Кинески тајкун осуден на доживотен затвор

Кинески суд денес го осуди основачот на „Евергранде“ – компанија што претставува симбол на кризата во секторот недвижности која сè уште ја оптоварува националната економија – на доживотен затвор, а на самата групација и на нејзиниот оддел за недвижности им изрече парична казна од приближно две милијарди евра.

„Евергранде“ некогаш беше водечки инвеститор во недвижности во Кина, користејќи го бранот на повеќедецениска брза урбанизација и растечки животен стандард низ земјата. Заострувањето на кредитните услови, со цел да се ограничи прекумерното задолжување, доведе до неможност на компанијата да ги подмири своите обврски во 2021 година.

Пропаѓањето на „Евергранде“ и на други компании од секторот, заедно со тековната криза на пазарот на недвижности, продолжува да го кочи растот, чија движечка сила тие долго време беа. На групацијата „Евергранде“ и на нејзината подружница за недвижности им беше изречена вкупна парична казна од 15,82 милијарди јуани (2 милијарди евра).

Основачот Сју Џијајин е осуден на доживотен затвор поради „тешка финансиска измама“.

Исто така, тој е доживотно лишен од политичките права, а целиот негов личен имот беше конфискуван, соопшти судот во Шенжен преку платформата „Вичет“ (WeChat).

„Групацијата ’Евергранде‘ (Evergrande Group) е казнета со 8,82 милијарди јуани (1,12 милијарди евра), а компанијата ’Евергранде рил естејт‘ (Evergrande Real Estate) со 7 милијарди јуани (890 милиони евра)“, наведе судот. Во периодот од 2016 до 2021 година, „Евергранде“ и Сју Џијајин „го прекршиле националниот закон преку вршење континуирана финансиска измама од големи размери, како и други активности насочени кон вештачко зголемување на вредноста на имотот и прикривање на обврските“, појасни судот. Судот додаде дека обвинетите користеле поткуп за да „стекнат контрола врз финансиски институции“, без притоа да ги именува вклучените институции.

Според судот, уште петмина високи функционери на групацијата „Евергранде“ беа осудени на затворски казни во траење од 6 до 18 години по различни обвиненија.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Седум загинати во хеликоптерска несреќа во Кенија

Седум лица, меѓу кои и пет државјани на САД, загинаа кога хеликоптер што превезувал туристи на сафари се урнал во оддалечен дел на северна Кенија.

Видео: Седум загинати во хеликоптерска несреќа во Кенија

Во леталото се наоѓале пилотот и шест патници, објави Си-Би-Ес (CBS). Хеликоптерот „Еурокоптер EC130 B4“ се урнал во 9:13 часот наутро додека летал од резерватот за диви животни „Лоисаба“ кон областа на реката Евасо Нџиро во округот Самбуру, соопшти Управата за цивилно воздухопловство на Кенија.

Несреќата се случи на непристапен терен во подножјето на планината Ололокве, а истрагата е во тек.

Меѓу загинатите беа Хозе Алберто Суарез, претседател и генерален директор на неколку телевизиски станици на „Телемундо“, како и познат угостител од Мајами.

Во несреќата загинаа и шефот на разузнавачката служба на Еквадор, Микеле Сенси-Контуџи, и неговата сопруга.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Презимето Модриќ повторно во Реал: Ема тргна по стапките на својот татко

Ќерката на најдобриот хрватски фудбалер Лука Модриќ, Ема ќе игра за Реал Мадрид.

Презимето Модриќ повторно во Реал: Ема тргна по стапките на својот татко

Презимето Модриќ повторно ќе биде присутно во Реал Мадрид. Овој пат не преку Лука, туку преку неговата 13-годишна ќерка Ема, која ќе го продолжи својот фудбалски развој во женската академија на мадридскиот гигант.

Ема пристигнува во Мадрид од Милано, каде што претходно постигна забележителен успех. Со својот тим таа ја освои титулата шампион на Италија во категоријата до 13 години, а до трофејот стигна по победата над градскиот ривал Интер во финалето на женскиот Куп „Гарино“, одиграно во април.

Иако Лука Модриќ минатата година стави крај на една долга ера во Реал, семејната поврзаност со клубот сега добива ново продолжение. Хрватскиот играч за врска помина 13 години на „Сантијаго Бернабеу“, од 2012 до 2025 година, и во тој период стана еден од најтрофејните играчи во историјата на клубот.

Со Реал Мадрид, Модриќ освои дури 28 трофеи, вклучувајќи шест титули во Лигата на шампионите и четири титули во шпанското првенство. Тој одигра 597 натпревари за мадридскиот клуб, постигнувајќи 43 гола и запишувајќи 95 асистенции.

Посебно место во неговата кариера зазема 2018 година, кога ја освои „Златната топка“ и ја прекина долгогодишната доминација на Лионел Меси и Кристијано Роналдо во изборот за најдобар фудбалер во светот.

Додека Лука ја продолжува кариерата во Италија, каде што го продолжи договорот со Милан, неговата ќерка ќе ги направи своите нови фудбалски чекори во Мадрид. Така, Ема ќе се обиде да изгради сопствен спортски пат, но првиот голем чекор ќе го направи во клубот во кој нејзиниот татко остави длабока трага.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во рудник за злато: Најмалку 100 загинати по уривање во Централноафриканската Република

 Најмалку 100 луѓе загинаа во одрон во рудникот за злато „Замбоје“ во западниот дел на Централноафриканската Република.

Катастрофа во рудник за злато: Најмалку 100 загинати по уривање во Централноафриканската Република

Најмалку 100 лица загинаа во одрон во рудникот за злато „Замбоје“ во западниот дел на Централноафриканската Република, во близина на границата со Камерун, соопштија денеска локалните власти.

Според првичните информации, одронот бил предизвикан од „уривање на неколку подземни тунели во кои работеле рударите“, соопштија од обвинителството во Бабуа, од каде што најавија и покренување судска истрага за причините за несреќата што се случи во вторникот, пренесува „Фигаро“.

Рудникот „Замбоје“ се наоѓа на околу 50 километри од градот Бабу, каде што биле пренесени голем број од повредените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер