Автомобилизам

Кинески производител најави влез на десет европски пазари- целта е продажба на милион автомобили

Кинескиот производител на автомобили „Чанган“ планира да изгради фабрика во Европа за да ја зголеми идната продажба во европските земји и веќе истражува потенцијални локации за изградба.

„Посветени сме да бидеме присутни во Европа, произведувајќи во Европа за Европа“, соопшти компанијата, објави „Ројтерс“.

Не е одреден временски рок кога се очекува да започне изградбата на идната фабрика.

„Веруваме дека наскоро ќе ги надминеме производствените потреби во Европа, па затоа веќе сме во фаза на планирање на изградбата“, рече претставникот на „Чанган“, Ник Томас.

„Чанган“ претходно оваа година објави дека ќе влезе на десет пазари во Европа со електрични возила.

Компанијата минатата година продаде повеќе од 2,2 милиони возила, а Томас рече дека околу 600.000 од нив биле продадени надвор од Кина.

Тој додаде дека целта е да се зголеми бројот на продадени автомобили надвор од Кина на еден милион оваа година.

Произведува автомобили со прифатливи цени

„Чанган“, голем кинески производител на автомобили, е активно вклучен на пазарот на електрични возила (EV). Тие имаат свои брендови на електрични возила како што се „Дипал“ и „Аватар“, а учествуваат и во заеднички вложувања како што е „Чанган Форд“. „Чанган“ е посветен на одржлив развој и инвестира многу во технологијата за електрични возила.

„Чанган“ го лансираше „Лумин“, компактно, прифатливо електрично возило наменето за урбаните патници, кое бележи силна продажба во Кина.

Соработува со BYD, голем кинески производител на батерии за електрични возила, за нивниот развој и производство.

Тагови: автомобили кинеските

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.