Кинески научници: Пронајдовме антитело што ги неутрализира сите варијанти на коронавирусот - Канал 5

Здравје

Кинески научници: Пронајдовме антитело што ги неутрализира сите варијанти на коронавирусот

Кинеските научници тврдат дека изолирале антитело кое може ефикасно да ги неутрализира сите соеви на коронавирусот, повикувајќи се на лабораториски експерименти, но и оние на жив организам.

Кинески научници: Пронајдовме антитело што ги неутрализира сите варијанти на коронавирусот

Во студијата објавена вчера, кинеските научници од различни институции, вклучително и Универзитетот Сун Јат-Сен во Гуангжу и Универзитетот Жеџијанг во Хангжу, сугерираат дека би можеле да имаат решение за пандемијата на Ковид-19, пишува RT.

Авторите тврдат дека моноклоналното антитело 35B5, во лабораториски услови, но и во истражување извршено врз жив организам, се покажало дека го неутрализира типот на ковид-19 без мутации, но и оние варијанти кои предизвикуваат загриженост. Истражувањето на жив организам, инаку, било спроведено на експериментални глувци.

Научниците забележале дека антителото, исто така, делува на „високо мутираната“, делта варијанта, која е одговорна за смртоносните бранови на инфекција ширум светот откако првпат се појави во Индија на почетокот на оваа година.

35B5 го неутрализира коронавирусот со таргетирање на единствен епитоп (делот од антигенот што имунолошкиот систем го препознава) кој ги избегнува местата на мутација. Со други зборови, 35B5 цели на уникатен дел од вирусот кој не се менува за време на процесот на мутација.

Насочувајќи го делот од вирусот кој не е засегнат од мутациите кои се сметаат за загрижувачки, антителото 35B5 покажало ефикасна способност да се неутрализира во неколку различни видови. Научниците тврдат дека ова откритие може да се искористи за создавање универзална вакцина против коронавирус.

Делот од антигенот насочен од антителото 35B5 е исто така присутен во омикронската варијанта, забележуваат истражувачите.

Ова истражување би можело да се покаже особено вредно во време кога силно мутираниот омикрон се шири низ светот. Водачите и научниците ширум светот се загрижени дека омикрон би можел успешно да го заобиколи имунитетот создаден со вакцинацијата или природната инфекција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Во јавните здравствени установи во Гостивар, вчера се прегледани 73 пациенти

Во јавните здравствени установи во Гостивар, вчера се прегледани 73 пациенти кои побарале лекарска помош, информира преку соопштение министерството за здравство. 

МЗ: Во јавните здравствени установи во Гостивар, вчера се прегледани 73 пациенти

Во Општа болница „Д-р Ферид Мурад" Гостивар се регистрирани вкупно 45 нови прегледи, од кои 26 на инфективно (со две нови хоспитализации) и 18 на педијатриското одделение. Во моментот се хоспитализирани по двајца пациенти на инфективно и на одделението за педијатрија.

Во Здравствени дом Гостивар се регистрирани 28 нови прегледи во дежурната служба.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Дезинсекција против комарци, фаза 10

Утрово, во раните утрински часови, беше спроведена десеттата фаза од дезинсекцијата против возрасни форми на комарци на подрачјето на градот Скопје.

Град Скопје: Дезинсекција против комарци, фаза 10

Активностите продолжуваат и утре, согласно Годишната програма, законските обврски и Елаборатот изготвен од Центарот за јавно здравје - Скопје.

Во изминатиот период беа реализирани повеќе третмани за сузбивање на ларвите и возрасните форми на комарци:

Дезинсекција против ларви:

7 мај - авионска дезинсекција;

11 јуни - авионска дезинсекција;

26 јуни - теренска дезинсекција;

10 јули - авионска дезинсекција;

23 јули - теренска дезинсекција.

Дезинсекција против возрасни комарци:

1 и 2 јуни - авионска дезинсекција;

18 и 20 јуни - теренска дезинсекција;

27 и 28 јуни - авионска дезинсекција;

13 и 15 јули - теренска дезинсекција.

Наредната недела ќе се спроведе и теренска дезинсекција од земја, со цел дополнително сузбивање на комарците и заштита на здравјето и благосостојбата на граѓаните.

Продолжуваме одговорно, навремено и системски да работиме на заштита на јавното здравје и подобар квалитет на живот за граѓаните.

https://www.facebook.com/reel/2110716592811003

Тагови: комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Мбапе во жешка акција на јахта со сексапилна русокоса

По крајот на Светско фудбалско првенство, капитенот на Франција, Килијан Мбапе и покрај неуспехот на тимот  ужива во заслужен одмор. 

Фото: Мбапе во жешка акција на јахта со сексапилна русокоса

Деновиве вниманието на јавноста го привлекува и неговата сакана...

Според пишувањата на странските медиуми, тој моментално престојува на јахта на Сардинија во друштво на својата девојка, шпанската актерка Естер Експосито.

Нивното опуштено дружење веднаш го привлече вниманието на јавноста и дополнително ги поттикна шпекулациите за нивната блискост.

Фотографите на странските медиуми ги уловија во интимен момент – додека се прегрнуваа и бакнуваа на јахтата.

Сепак за јавноста поинтересна е убавата Естер, која покажа совршена фигура и витко тело од кое беше тешко да се тргне погледот.

Фотографиите од јахтата брзо се проширија на мрежите, по што јавноста го доби одговорот на прашањето - дали Мбапе се бакнува со убавица?

Естер е актерка која се прослави во 2018 година, кога ја доби улогата на Карла Росон во тинејџерската серија на „Нетфликс“, „Елита“ (Elite).

Инаку според фотките може да се заклучи дека Килијан и Естер вистински уживаат во летниот одмор на луксузната јахта.

Тагови: Килијан Мбапе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер