Здравје

Кинеска научничка си вбризгува неиспитана вакцина против коронавирус (ФОТО)

Чен Веи е светски познат епидемиолог и генерал на кинеската народноослободителна армија. Таа ја предводела борбата против ебола и САРС, а од средината на јануари е ставена во епицентарот на епидемијата на коронавирус во Вухан.

Вчера, 54-годишната научничка, заедно со шест члена на нејзиниот тим, ја докажаа својата лојалност кон Комунистичката партија со вбризгување вакцина која сè уште не е тестирана врз животни, во очигледен обид да се покаже како Кина се справува со коронавирусот, пренесува Vice.com.

Чен и нејзиниот истражувачки тим работат во Институтот за вирологија Вухан, лабораторија со највисоко ниво на биосигурност, повеќе од еден месец. Покрај тоа што брзаа да ја развијат вакцината, Чен и нејзините соработници работеа и на третмани кои вклучуваат плазма терапија и пренамена на спреј за нос, дизајниран за зајакнување на имунитетот кон вирусот.

Вчера Чен се појави на кинеската државна телевизија, во извештајот во кој се вели дека е направена голема промена во развојот на вакцините.

„Ние правиме се што можеме за да ја испратиме рекомбинантната вакцина на која работиме во клиничка употреба. Мора да се обидеме да ја внесеме вакцината во клиничка примена и во тестирање и со тоа да обезбедиме силна техничка поддршка за да победиме во оваа битка “, рече Чен.

Иако во телевизискиот извештај не се забележани инјекции, официјалниот канал на Народноослободителната армија на социјалната мрежа Вајбу објави фотографии од Чен како ја инјектира вакцината во левата рака. На фотографиите се прикажани и другите шестмина припадници на војската кои примаат инјекции со вакцината. После тоа, објавата на Веибо беше избришана, но фотографиите и сликите од екранот беа споделени на други социјални мрежи, вклучително и на Твитер.

Веста дојде само еден ден откако кинескиот претседател Си Џинпинг ја посети Академијата за воени медицински науки, каде истакна дека е потребен координиран научен пристап за борба против епидемијата на коронавирус. Десетици лаборатории низ целиот свет се тркаат за да развијат вакцина против коронавирус, откако кинеската лабораторија генетски го секвенцирала вирусот во јануари.

Неколку лаборатории развија прототипови на вакцини кои во моментот се тестираат на животни. Првичните тестови на човекот најверојатно ќе започнат најрано во април, за да се утврди ефективноста на вакцината и да се укаже на можни несакани ефекти. Секоја вакцина мора да биде лиценцирана од регулаторните органи пред да се понуди на јавноста, така што широко достапна вакцина не треба да се очекува пред почетокот на следната година.

Свет

Хаос на аеродромот во Дубаи по поплавите- ќе проработи со полн капацитет за 24 часа (ВИДЕО)

Меѓународниот аеродром во Дубаи ќе се врати со полн капацитет во рок од 24 часа, откако во вторникот беше погоден од најсилните врнежи во последните 75 години во Обединетите Арапски Емирати, соопштија денеска аеродромските власти.

Главниот оперативен директор на аеродромот во Дубаи, Маџед Ал Џокер, истакнува дека, по повторното отворање на терминалите 1 и 3, сообраќајот на аеродромот е постабилен.

„Благодарение на тоа, повеќето авиокомпании престанаа да откажуваат летови и успеаја делумно да го вратат редовниот режим“, рече директорот.

Аеродромот во Дубаи претходно денеска објави дека терминалот 1 продолжил да прима летови, а авиокомпаниите Емирати и ФлајДубаи отворија пријавување за нивните летови на терминалот 3, но распоредот на летови не можел целосно да се врати.

Авиокомпаниите ги предупредија патниците дека треба да дојдат на аеродромот само доколку добијат потврда за резервацијата од авиокомпанијата.

Ал Џокер додаде дека работата на аеродромот сега е обновена на 70 отсто од неговиот капацитет и дека инфраструктурата на аеродромот не претрпела сериозни оштетувања.

„Откако операциите ќе се вратат во нормала, ќе ја процениме штетата и ќе можеме да ги утврдиме загубите“, рече тој.

Меѓународниот аеродром во Дубаи и денеска има оперативни проблеми поради последиците од невремето во вторникот, а патниот сообраќај се уште не е нормализиран, пренесе Ројтерс.

Аеродромот утринава соопшти дека приемот на дојдовните летови продолжил на терминалот што го користат странските авиокомпании, но дека летовите сепак доцнат.

Само една писта била отворена за сообраќај на автопатот низ Дубаи, а главниот пат што го поврзува тој град со Абу Даби е затворен во правец на Абу Даби.

Во Дубаи во вторникот паднаа повеќе од 120 милиметри дожд на метар квадратен во рок од 24 часа, што е рекордна количина на врнежи што вообичаено се забележува во една година.

Технологија

Скандал во Гугл: Отказ за 28 вработени, кои протестирале против потегот на гигантот (ВИДЕО)

Американската технолошка корпорација Гугл отпушти 28 вработени кои активно се спротивставија на големиот договор на компанијата за 1,2 милијарди долари со Владата на Израел.

Вработените во две канцеларии на Google, во Њујорк и Калифорнија, протестираа против „Nimbus Project“, според кој Google, во соработка со Amazon, ќе обезбеди облак услуги за складирање и обработка на податоци за израелската влада, пренесува технолошкиот портал Verge.

Тие рекоа дека договорот ќе им помага на израелските власти, а особено на израелската армија, во „спроведувањето на политиката на геноцид“, мислејќи на тековниот воен конфликт на Израел со палестинското движење Хамас.

Според информациите од интерен меморандум на Google, компанијата отпуштила вработени кои за време на протестот „уништувале канцелариска опрема, ја попречувале работата на другите вработени и им се заканувале на нивната безбедност“.

Поради оние кои одбиле да престанат да се однесуваат така, интервенирала полицијата и тие биле отстранети од канцеларијата, се додава во соопштението.

„Огромното мнозинство од нашите вработени ја прават вистинската работа. Ако сте еден од ретките кои мислат дека ќе го одобриме минатото однесување што ги прекршува нашите политики, размислете повторно“, предупреди шефот за глобална безбедност на Google, Крис Раков.

Македонија

Пендаровски во Чешиново-Облешево: Немаме нови години за губење

Ние немаме уште 20 години да чекаме, туку треба да ги направиме следните чекори, за повеќе да не биде изборно прашање „Дали сте за Европа?“.  

Да сте за Европа значи да сте за подобар живот, порача денеска пред граѓаните на општина Чешиново-Облешево кандидатот за претседател Стево Пендаровски.

„Добро е да се биде членка на ЕУ, кога си земја членка на ЕУ, добиваш огромни средства од европските фондови прво за земјоделство, а потоа и за инфраструктура. ЕУ дава сериозни пари за да се обезбеди рамномерен регионален развој за да не биде некој регион многу богат, а некој многу сиромашен и поради тоа важно ни е да станеме земја-членка на ЕУ“ порача Пендаровски.

Но, додаде тој, опозицијата го блокира патот кон ЕУ, се противи на договорите, со изговор дека ќе направи нови договори, кои наводно ќе биле подобри.

„Тие велат, ова не чини, тоа не чини, ние ќе направиме нови договори. Додека тие ги направат тие договори, под претпоставка дека ќе бидат подобри, што нема да биде случај и оние малку млади што се во државата ќе се иселат од тука“ истакна Пендаровски.

Пендаровски порача дека работите ќе се сменат на подобро само ако сите се посветат на она што е важно за граѓаните и државата и од присутните побара поддршка на изборите на 24 април, соопштуваат од неговиот тим.

притисни ентер