Свет

Кина тврди дека нема истекување радијација од нуклеарната централа Таишан кај Хонг Конг

Министерството за екологија и животна средина денеска објави дека е откриено зголемување на нивото на зрачење во примарниот круг кај реакторот Единица 1 на Таишан, но дека тоа било во рамките на параметрите за безбедно работење.

Во одговорот на информацијата на американската телевизија Си-Ен-Ен, што беше објавена претходно неделава, Кина денеска соопшти дека нема истекување на радијација во нуклеарната централа Таишан и дека не го покренала прагот на прифатливо ниво на радијација во околината на централата.

Си-Ен-Ен пред два дена соопшти дека „Фраматоме", француската компанија која ја дизајнираше централата, предупредила дека Кинеската управа за национална безбедност (ННСА) го покренала прифатливото ниво на радијација околу електраната во југоисточна провинција Гуангдонг за да се избегне нејзиното затворање.

Министерството за екологија и животна средина денеска објави дека е откриено зголемување на нивото на зрачење во примарниот круг кај реакторот Единица 1 на Таишан, но дека тоа било во рамките на параметрите за безбедно работење.

Поголемото ниво на радиоактивност е предизвикано од оштетување на мал број прачки за гориво, што е вообичаено за време на производството, транспортот и вчитувањето на горивото, соопшти Министерството на својот налог на социјалната мрежа Вичат.

„Следењето на животната средина во близина на фабриката во Таишан не откри никакви абнормални параметри … што укажува на тоа дека воопшто нема протекување", соопшти министерството.

Се проценува дека околу пет од над 60.000 прачки за гориво во реакторот Единица 1 се оштетени или помалку од 0,01 отсто, што е далеку под предвидената дозволеност од 0,25 отсто, се додава во соопштението на Министерството за екологија.

Министерството соопшти дека ќе продолжи внимателно да го следи нивото на радиоактивност во реакторот Единица 1, а, исто така, ќе ја одржува комуникацијата со Меѓународната агенција за атомска енергија, како и со француското тело за надзор на нуклеарната безбедност.

Проектот Таишан, завршен во 2019 година, се состои од два реактори дизајнирани во Франција и се наоѓа на околу 200 километри од Хонг Конг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Вонредна дератизација на критични локации во Центар

Општина Центар – Скопје денес и утре спроведува вонредна дератизација на повеќе критични локации на територијата на општината, поради зголемена појава на глодари.

Со акцијата ќе бидат опфатени локации во Капиштец, Дебар Маало, Буњаковец и Кале, каде што е забележана зголемена појава на глодари и каде што има пријави од граѓаните.

Градоначалникот на Општина Центар, Горан Герасимовски, истакна дека општинските служби реагираат на пријавите и дека состојбата на терен ќе продолжи да се следи.

„По пријавите од граѓаните веднаш преземаме мерки и спроведуваме вонредна дератизација на локациите каде што е забележана зголемена појава на глодари. Ќе продолжиме да ја следиме состојбата и ќе реагираме секаде каде што ќе има потреба. Ги повикувам граѓаните да ги пријавуваат ваквите појави за да можеме навремено да постапуваме“, изјави Герасимовски.

Вонредната дератизација ќе се спроведе на следните локации:

Капиштец – ул. „Загребска“ бр. 28, спроти Биотек (поранешно КТК), кај контејнерите.

Дебар Маало – ул. „Радњанска“, кај контејнерите, просторот околу Пазарот Буњаковец и дел од ул. „Рузвелтова“.

Буњаковец – ул. „Борка Талески“, од ООУ „Ј. Х. Песталоци“ до Грчката амбасада, како и крстосницата на ул. „Стефан Јакимов Дедов“ со ул. „Апостол Гусларот“, вклучително и шахтите околу запуштениот објект до ООУ „Ј. Х. Песталоци“, Катната гаража и бараките на ЈП „Комунална хигиена“.

Кале – ул. „Лазар Личеноски“, во близина на Спортска медицина и Царинската управа.

Од Општина Центар апелираат граѓаните да бидат внимателни при движење на наведените локации во периодот додека трае акцијата и да не ги поместуваат или оштетуваат поставените средства за дератизација.

Општина Центар ќе продолжи да ја следи состојбата на терен и да презема мерки за одржување на чиста, безбедна и здрава животна средина за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во пожар над селото Палиград на Китка спасено теле

Вчера додека бев на лице место на големиот пожар над селото Палиград, на планината Китка, покрај тешката борба со пожарот имавме и една несекојдневна и убава случка.

Во метежот и огнот, пожарникарите од Противпожарната бригада на Град Скопје успеаја да спасат едно мало теле кое останало на опожарениот терен. Мало, исплашено, но живо – една мала победа во тешкиот ден.

Во вакви моменти, секој спасен живот е важен. А денес, меѓу огнот и пепелта, успеавме да спасиме и едно мало суштество.

За жал, пожарите не ја загрозуваат само природата, имотот и животите на луѓето. Загрозени се и животните, кои често остануваат беспомошни пред огнената стихија.

Затоа, апелирам на максимална одговорност и внимателност. Пожарите, без разлика дали се подметнати или избувнуваат поради невнимание, оставаат последици врз сите живи суштества. Да ја чуваме природата, да ги заштитиме луѓето, имотот и животнитеинформира првиот човек на ЦУК, Мухамед Али.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ливерпул во нов обид да го ангажира Минте, Баркола се уште прескап

Англискиот гигант Ливерпул повторно ќе се обиде да го реализира трансферот на десното крило Јанкуба Минте (22) од Брајтон.

Минатата сезона, гамбискиот репрезентативец постигна три гола и забележа четири асистенции на 34 натпревари во Премиер-лигата. Неговата пазарна вредност изнесува 45 милиони евра, а тој има договор со клубот до летото 2029 година.

Главна цел на Ливерпул е Бредли Баркола од ПСЖ, но клубот не е подготвен да ги плати 160-те милиони евра (или повеќе) што францускиот гигант ги бара за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.