Кина почнува проекти за брак на „новата ера“ и повеќе деца - Канал 5

Кина почнува проекти за брак на „новата ера“ и повеќе деца

Кина ќе почне проекти во повеќе од 20 градови за да создаде брак на „нова ера“ и култура на раѓање што е најнов потег на властите за зголемување на наталитетот.

Кина почнува проекти за брак на „новата ера“ и повеќе деца

Националното тело, Здружение за планирање на семејството, што ги спроведува владините популациски мерки, ќе почне проекти насочени кон охрабрување на жените да се мажат и раѓаат, објави „Глобал тајмс“.

Фокусот е на промовирање на бракот, раѓање деца на соодветна возраст, охрабрување на родителите да подеднакво да учествуваат во одгледувањето на нивните потомци и потиснување на застарените обичаи како што е „купување невеста“, објави весникот. Општеството мора посилно да ги води младите кон концептот на брак и раѓање деца, изјави демографот Хе Јафу.

Новите проекти се надоврзуваат на голем број постоечки мерки што ги спроведуваат кинеските провинции за да ги поттикнат граѓаните да станат родители, како што се даночни олеснувања, субвенционирано домување и бесплатно образование за трето дете.

Од 1980 до 2015 година, Кина ја спроведуваше политиката „едно дете“, што доведе до демографски промени и резултираше со тоа што Индија стана најнаселена земја во светот. Оттогаш, границата е зголемена на три деца.

Загрижени за првиот пад на населението во изминатите 60 години и стареењето на населението, владините советници во март предложија да им се дозволи на немажените жени процедура за замрзнување јајце-клетки и вештачко оплодување, некои од мерките што треба да ги зголемат стапките на фертилитет.

Голем број жени во Кина не сакаат да имаат деца поради високите трошоци или затоа што би морале да ја прекинат својата кариера, а родовата дискриминација сè уште е голем проблем.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

КФМ: Пуштени во продажба влезниците за натпреварот Македонија – Кипар

Цена на влезниците е 150 денари за сите блокови, односно трибини во комплетно реновираната спортска сала „Лазар Лечиќ“ во Скопје.

КФМ: Пуштени во продажба влезниците за натпреварот Македонија – Кипар

Кошаркарската федерација на Македонија како организатор на натпреварот Македонија - Кипар, кој е дел од втората рунда од претквалификациите за Евробаскетот во 2029 година, информира дека од денеска, сите заинтересирани љубители на кошарката можат да обезбедат влезни билети преку онлајн сервисот „МКТикетс“.

Цена на влезниците е 150 денари за сите блокови, односно трибини во комплетно реновираната спортска сала „Лазар Лечиќ“ во Скопје.

Натпреварот Македонија – Кипар, ќе се игра на 26 ноември (четврток), со почеток од 18:00 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Клековски на средба со новиот директор на Државниот санитарен и здравствен инспекторат

Министерот за здравство, Сашо Клековски денеска оствари средба со д-р Димитар Ангелески, кој е именуван за нов директор на Државниот санитарен и здравствен инспекторат. 

Клековски на средба со новиот директор на Државниот санитарен и здравствен инспекторат

Д-р Ангелески е специјалист ортопед кој своите студии ги завршил на Медицинскиот факултет при Универзитетот „Св.Кирил и Методиј“ во Скопје, а потоа завршил и специјализација од областа на ортопедија.

Во својата професионална кариера работел во Службата за итна медицинска помош при Здравствен дом Скопје, а ја извршувал и функцијата директор на Медицинскиот симулациски центар.

Од Државниот санитарен и здравствен инспекторат, а со тоа и од новиот директор очекувам да ја зајакне улогата на инспекторатот во заштита на јавното здравје, што е можно побрза и повидлива инспекција на терен со доследна примена на прописите, како и континуирана отчетност и транспарентност во работата. Упатувам и благодарност на досегашниот директор д-р Кирил Лазов за работата и професионалниот ангажман, истакна министерот за здравство, Сашо Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Голем успех за Македонија на светскиот избор Miss & Mister Planet 2026 во Грузија

Македонските претставници Катарина Јовановска и Јасмин Мустафоски освоија вкупно три титули на престижниот меѓународен избор за убавина Miss & Mister Planet 2026, кој изминатиот викенд се одржа во Тбилиси, Грузија.

Голем успех за Македонија на светскиот избор Miss & Mister Planet 2026 во Грузија

Во женска конкуренција, Македонија ја претставуваше тетовчанката Катарина Јовановска, која со својот настап, харизма и елеганција оствари значаен успех, освојувајќи ја титулата трета придружничка.

Одличен пласман забележа и македонскиот претставник во машка конкуренција, Јасмин Мустафоски од Охрид, кој се закити со две титули – четврти придружник и најдобар фотомодел (Best Photo Model).

На годинешното издание на Miss & Mister Planet, титулата во женска конкуренција ја освои претставничката на Романија, додека во машка конкуренција победи претставникот на Индија.

Катарина и Јасмин се членови на Модното студио „Црнокрак“, кое е официјален носител на лиценцата за Македонија за овој престижен светски избор за убавина.

Со освоените три титули, македонските претставници уште еднаш го потврдија потенцијалот на домашната модна сцена, успешно претставувајќи ја Македонија на меѓународно ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер