Кина ги финализира плановите за првото слетување со луѓе на Месечината - Канал 5

Кина ги финализира плановите за првото слетување со луѓе на Месечината

Кина ги привршува плановите за првото свое слетување со луѓе на Месечината во историјата. Според најавите, тоа би требало да се случи до крајот на ова десетлетие.

Кина ги финализира плановите за првото слетување со луѓе на Месечината

На 9. Меѓународен форум за комерцијална авијација во Вухан, заменикот-главен инженер на Кинеската вселенска агенција, Жанг Хаилијан го претстави прелиминарниот план за испраќање двајца астронаути на Месечината пред 2030 година. На презентацијата беше истакната целта за испраќање астронаути на Месечината, каде што ќе следат голем број научни задачи, меѓу коишто и собирање примероци од површината. Мисијата ќе вклучува вселенско летало со екипаж, како и делови од приземјувач што ќе бидат лансирани одделно со помош на две ракети „Долг марш 10“.

Во првата мисија со човечки екипаж на Кина, вселенското летало и приземјувачот, како што е предвидено, ќе се сретнат на патеката пред обидот за слетување на Месечината. Леталото за пренос на луѓето ќе биде тешко 26 тони и веќе е тестирано со лет на голема височина.

Приземјувачот придружен со погонски дел ќе тежи приближно 25 тони. Погонската фаза ќе се користи за влез во орбитата на Месечината и за спуштање на површината на нашиот природен сателит пред леталото да ги врати астронаутите во орбитата на нејзината орбита.

Мисијата ќе вклучува и месечев ровер што ќе може да се движи до 10 км. со тежина од 200 кг., во којшто ќе може да се сместат двајцата астронаути. Кина, исто така, развива и вселенски костим за операции на Месечината.

Во развој се и ракетите „Долг марш 9“ и „10“, при што „деветките“ се наменети за повеќекратна употреба - слично како „Старшип“ ракетите на „Спејс-Икс“, а „десетката“ ќе се користи за првата мисија со екипаж на Месечината.

Пробното лансирање на ракетата „Долг марш 10А“ - помала верзија со две фази, е закажано за 2027 година.

Целта на Кинеската агенција има намера да испрати астронаути на Месечината до 2030 година, а за следното десетлетие предвидена е изградба на база наречена Меѓународна станица за истражување на Месечината. Во меѓувреме, и американската НАСА работи на првото слетување со екипаж на Месечината по 1972 година. Мисијата „Артемис 3“ е планирана за 2025 година. И долгорочната цел на САД, како и Кина, е да се воспостави постојано присуство на Месечината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ќе ги продолжи прекинатите опозициски пратенички прашања

Собранието на денешната 130.седница ќе продолжи со одржувањето на опозициски прашања, кои беа прекинати на 12 ноември по бараните паузи од пратеници од опозицијата.

Собранието ќе ги продолжи прекинатите опозициски пратенички прашања

Претседателот на собранието, Африм Гаши на брифингот со новинарите во понеделник се осврна на дилемите за прекинатата седница за опозициски пратенички прашања. Потенцира дека постоеле разни толкувања на деловникот во однос на тоа дали паузите треба да се пресметуваат во предвидените два часа за поставување прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со температура до 21 степен

Времето денеска според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Променливо облачно со температура до 21 степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер