Ким Кардашијан од четврти пат го положи приемниот испит, сака да биде адвокат - Канал 5

Забава

Ким Кардашијан од четврти пат го положи приемниот испит, сака да биде адвокат

Ријалити ѕвездата, Ким Кардашијан е решена да заврши студии по право.

Ким Кардашијан од четврти пат го положи приемниот испит, сака да биде адвокат

Таа неодамна го положи „Baby Bar“ во Калифорнија, испит за право во прва година за студенти по право што е потребен за идните адвокати во Калифорнија кои не посетуваат акредитирани високообразовни институции, а нејзината крајна цел е да се фокусира на реформите во кривичното право.

„ОМФГГГГ го поминав бејби барот !!!!“ твитнала Кардашијан, воодушевувајќи ги нејзините 70,7 милиони следбеници, а објави и фотографии на кои позира во сина комбинација.

Ким првпат на јавноста и` ја открила својата желба да дипломира во 2019 година во интервју за Вог, велејќи дека започнала четиригодишна пракса во адвокатска канцеларија во Сан Франциско. Тогаш изјавила дека се надева дека наскоро ќе го помине „бејби барот“.

Калифорнија е една од ретките американски држави што има ваква студиска програма и е единствената со пристап до таканаречениот „бејби бар“.

Иако еднаш го посетувала колеџот Пирс во Лос Анџелес, таа никогаш не дипломирала. Но, Калифорнија им нуди на студентите можност да полагаат „бејби бар“, испит за право во прва година, без да мора да стажираат кај адвокат или судија.

Целодневниот тест се полага онлајн во јуни или октомври и е задолжителен за секој што сака да студира право на неакредитирана високообразовна институција која нема акредитација за образование.

Откако ќе го положи тестот, Кардашијан ќе може да ги продолжи студиите по право и конечно да го полага редовниот правосуден испит.

Информациите за полагањето на испитот што Кардашијан го полагала на 26 октомври се уште не се официјално достапни, но познато е дека само 21 отсто од оние кои полагале го положиле испитот во јуни.

Адвокатската комора на Калифорнија вчера извести дека резултатите од „бејби барот“ се доверливи и дека не можат да ги потврдат информациите дали Кардашијан го поминала.

Ким правела четиригодишна пракса под надзор на адвокатите Ерин Хени и Џесика Џексон, на кои им се заблагодарила на Твитер.

Кардашијан признала дека го положила испитот од четврти пат и дека ова и била последна шанса да го стори тоа, бидејќи државата Калифорнија обично им дозволува на кандидатите само три пати пристап до испитот за прва година.

Исклучок бил направен оваа година поради пандемијата на Ковид-19. Сите што паднале на јунскиот испит добиле уште една шанса во октомври.

„Многу сум среќен со нејзиниот успех“, рече Стив Каландрило, професор по право на Универзитетот во Вашингтон, кој предавал и ја подготвувал за испитот преку Zoom. „Таа две години работи напорно и испитот не е лесен.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Словачка се одржуваат локални и регионални избори

Гласачките места во Словачка се отворија утрово во 7:00 часот за локални и регионални избори, а граѓаните ќе можат да гласаат до 20:00 часот.

Во Словачка се одржуваат локални и регионални избори

Речиси 4,41 милиони луѓе имаат право на глас, а гласањето се одвива на 6.029 избирачки места во 2.926 општини, градови и градски окрузи, објави TASR.

Гласачите избираат градоначалници, членови на општински и градски совети, претседатели на самоуправни региони и членови на регионални собранија.

Во Братислава и Кошице се избираат и претседатели на градски окрузи и членови на нивните совети.

Мандатот на избраните претставници трае четири години, а граѓаните можат да гласаат само во местото на нивното постојано живеалиште.

Покрај возрасните граѓани на Словачка, право на глас имаат и странски државјани со постојано живеалиште во таа земја.

Тагови: Словачка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Потресното сведоштво на мајка за насилството што го преживеало нејзиното дете во училиште повторно го отвора прашањето: Кој ги штити децата додека насилството станува нивно секојдневие?

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Пред години, Либерално-демократската младина ја започна кампањата „Свирни против булинг“, предупредувајќи дека врсничкото насилство не е детска игра, не е фаза на растење и не смее да се премолчува!

Предупредувавме, баравме превенција, едукација и институционална реакција. Но нашите апели не добија соодветен одговор.

Денес повторно слушаме сведоштва за деца што трпат понижување, физичко и психичко насилство. А каде се институциите? Каде се механизмите за заштита? Кој презема одговорност?

Нема оправдување за насилството! Нема оправдување за премолчувањето! И нема простор за уште една празна институционална изјава дека „се работи на случајот“!

ЛИДЕМ бара итно:

* Надлежните институции да го испитаат пријавениот случај и да обезбедат заштита на детето.

* Министерството за образование и Државниот просветен инспекторат да спроведат контрола на постапувањето по пријавите за врсничко насилство.

* Во секое училиште да функционира јасен, достапен и доверлив механизам за пријавување и заштита.

* Да се обезбеди психолошка поддршка за жртвите и системска превенција, со вклучување на родителите, наставниците и учениците.

* Јавно да се соопштат преземените системски мерки и роковите за нивно спроведување, со целосна заштита на приватноста на децата.

Не бараме одмазда меѓу деца. Бараме одговорност од возрасните и институциите што се должни да ги заштитат!

Доста е со кампањи само на хартија, протоколи во фиоки и реакции дури откако нечие дете ќе преживее траума!

ЛИДЕМ повторно го крева гласот и повикува на конкретна институционална акција. Ниту едно дете не смее да се плаши да оди на училиште!

Пред години свиревме за да го спречиме насилството. Денес прашуваме: ДАЛИ НЕКОЈ ВООПШТО НЀ СЛУШАШЕ?

СВИРНИ ПРОТИВ БУЛИНГ! НЕ МОЛЧИ ПРЕД НАСИЛСТВОТО!

Либерално-демократска младина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче бара утеха во пласманот од четврто место во Брвеница додека СДС ја направи партија која слави порази

Филипче и СДС се обидуваат да најдат утеха во пласманот на четвртото место. СДС со Филипче се сведе на рејтинг од 5% и се радува на поразот од 4 спрема 1 од ВМРО-ДПМНЕ на локалните избори во Брвеница.

ВМРО-ДПМНЕ: Филипче бара утеха во пласманот од четврто место во Брвеница додека СДС ја направи партија која слави порази

СДС под водство на Филипче доживеа политички дебакл. СДС со Филипче се четврта партија во Куманово и Брвеница, а петта во Скопје.

Бројките и фактите се најдобриот показател за состојбата во која се наоѓа СДС која на чело со Филипче се претвори во партија без политичка визија, без убедлива понуда и без капацитет да се наметне како сериозна алтернатива помеѓу граѓаните.

Филипче под менторство на Заев ја претвори СДС во партија која се радува на порази.

На Филипче и СДС им посакуваме уште многу вакви „успеси“ четврти и петти места, славење на поразите и се помала поддршка од граѓаните, се наведува во пшартиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер