Киев, на преговорите со САД, ќе предложи примирје во воздух и на море - Канал 5

Свет

Киев, на преговорите со САД, ќе предложи примирје во воздух и на море

Украинската делегација ќе предложи „примирје во воздух и на море“ со Русија за време на преговорите со САД утре во Саудиска Арабија, изјави за „Франс прес“ висок украински функционер, пренесува Бета.

Киев, на преговорите со САД, ќе предложи примирје во воздух и на море

- Имаме предлог за примирје во воздух и примирје на море, бидејќи тоа се опции за прекин на огнот кои лесно се спроведуваат и следат, и со тоа може да се почне, изјави функционерот кој побара да не биде именуван.

Украинската и американската делегација треба да се сретнат утре во Саудиска Арабија за да разговараат за начини за запирање на војната меѓу Украина и Русија, која ја започна инвазијата врз својот сосед пред повеќе од три години.

Очекувањата се дека утрешната средба ќе биде прва, но не и единствена, помеѓу украински и американски претставници по посетата на украинскиот претседател Володимир Зеленски на Белата куќа кон крајот на февруари, која заврши со вербален судир во Овалната соба.

Вашингтон оттогаш ја суспендираше воената помош и размената на разузнавачки информации, со цел да ја принуди Украина да прифати преговори за прекин на непријателствата.

Претседателот на САД, Доналд Трамп, ја повтори реториката на Кремљ и неточни тврдења за повеќе прашања.

Запрашан за шансите Киев повторно да добие американска помош, украинскиот функционер избегна шпекулации.

- Немам детали за условите за обновување на помошта, бидејќи Американците не можат јасно да дефинираат што сакаат за возврат, изјави тој.

Долготрајното замрзнување на американската размена на воени разузнавачки податоци со Украина би ѝ дало на Русија „значителна предност“ на бојното поле, предупреди функционерот. - Главното прашање е колку долго ќе трае ова. Ако трае долго, тоа ќе им даде значајна предност на Русите, оцени тој.

Според него, ограничувањето веќе ја засега способноста на Киев да напаѓа цели на руска територија. Тој тврди дека ова може да доведе до ослабување на украинските сили, кои од летото 2024 година контролираат мал дел од Курската област.

- Тие (Американците) го ограничија делот од размената на податоци што дозволуваше напади директно врз Русија, така што може да постои поврзаност“ помеѓу прекинот на разузнавачката размена и напредувањето на руските сили во регионот, рече украинскиот функционер.

Од друга страна, прекинот на американските испораки на оружје сѐ уште нема значително влијание врз украинските борбени капацитети, бидејќи земјата сѐ уште располага со залихи од други држави.

Во меѓувреме, пред неколку часа, Трамп соопшти дека ја запрел суспензијата на размената на разузнавачки информации со Украина и дека очекува добри резултати од претстојните разговори со украинските претставници во Саудиска Арабија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер