Свет

Киев: Ја предупредуваме Москва, ќе испратиме воени бродови

Украинското министерство за одбрана ја предупреди Русија дека ќе испрати воени бродови низ Керчкиот теснец, во кој Русија заплени три украински брода.

Украинскиот министер за одбрана Степан Полторак пред новинарите изјавил дека неговата земја има намера да испрати воени бродови низ Керчкиот теснец, наведувајќи дека во спротивно Русија во целост ќе го окупира Азовското море.

Украина има пристаниште и во Црното и во Азовското море, кои се поврзани со Керчкиот теснец, пренесува „АП“.

Повеќе од 140 брода денеска се наоѓаат на двете страни на теснецот поради прекумерни проверки и одлагања од руската страна, соопшти Украинската погранична служба, обвинувајќи ја Русија дека создава тесно грло за украинските бродови и ги спречува да поминат.

Министерот за надворешни работи на Русија Сергеј Лавров, претходно изјави дека Москва е подготвена да разговара за судбината на посадата на украинските воени бродови кои ги заплени, откако нивното судење ќе биде завршено.

САД и Европската унија ја повикаа Русија да ги ослободи 24 украински војници кои Русија ги уапси на 25 ноември во Керчкиот теснец обвинувајќи ги дека незаконски влегле во руските територијални води и покрај предупредувањата тоа да не го прават.

„Ројтерс“ потсетува дека Украина тоа го негира.

Зборувајќи на конференцијата за новинари во Милано, каде се одржува министерскиот состанок на ОЕБС, Лавров изјави дека Русија ќе биде подготвена да разговара за судбината на морнарите и можноста за постигнување на некој вид договор со Украина, дури откако нивното судење во Крим ќе биде завршено.

Агенцијата напомнува дека се уште не е утврден датумот за почетокот на нивното судење.

Македонија

Одбележани 81 година од смртта на првоборецот Иљо Антески Смок во Тетово

Во Тетово денеска се одбележаа 81 година од смртаа на првоборецот Иљо Антески-Смок. Одбележувањето се одржи пред неговиот споменик во населбата Два бреста каде повеќе делегации положија букети цвеќе, а беше одржан и историски час за негово дело и лик

-Иљо Антески Смок загина на неполни 24 години и немаше можност и среќа да ја почувствува и да ја дочека слободата во која толку многу веруваше. Тој како член на Мавровско-гостиварскиот одред во април 1943 во битката кај Ново Село, Гостиварско бил заробен заедно со 12 други соборци од балистичките одреди кои служеле на италијанскиот окупатор. Подоцна фашистите го осудуваат на смрт, а на денешен датум 17 мај во 1943 година Иљо е обесен. При бесењето извикува „Смрт на фашизмот-слобода на народот“ и самиот го поттурнува столчето за да биде обесен, беше истакнато во пригодниот реферат од наставникот по историја, Љубиша Марковиќ.

Во Тирана покрај Иљо Антески Смок, италијанските фашисти осудиле на смрт и обесиле уште петмина други негови соборци Душко Поповиќ, Раде Угриновски, Христо Оџаклиески, Драги Тодоровски и Трифко Андоновски. /МИА

Свет

Унгарија стави вето на резолуцијата на Советот на Европа за Украина

Унгарскиот министер за надворешни работи Петер Сијарто денеска изјави дека Унгарија стави вето на резолуцијата на Советот на Европа со која се признава планот на претседателот на таа земја, Володимир Зеленски, како единствен предлог за мир во Украина.

„Советот и денеска сакаше да донесе резолуција со која сакаше да го признае мировниот план на претседателот Зенески како единствена мировна формула која треба да се разгледа и поддржи. Тоа за нас е неприфатливо. И други направија мировни планови што не полоши“, напиша Сијарто на Фејсбук.

Тој изјави дека ставил вето на резолуцијата бидејќи бил одбиен неговиот предлог во неа да се вклучат и други мировни планови. /МИА

Фудбал

Ван Перси презеде елитен холандски тим

Поранешниот играч на Арсенал и Манчестер Јунајтед, Робин ван Перси е нов тренер на Херенвен, соопшти холандскиот клуб. 40-годишниот стручњак потпиша за две сезони.

За Ван Перси, кој е играчот со најмногу голови во историјата на „лалињата“ со 50 погодоци, ова ќе биде деби како тренер на сениорска екипа.

Досега имаше искуство како тренер на младински тимови на матичниот Феенорд.

-Тренерската професија е сеопфатна и предизвикувачка, и ја практикувам со многу страст и задоволство. Имам желба да продолжам со мојот развој и улогата на главен тренер совршено одговара на оваа амбиција. Затоа сум воодушевен од можноста што Херенвен ми нуди многу убав елитен клуб со богати традиции и лојални поддржувачи. Фантастичен предизвик е да се дозволи да се придонесе за спортските амбиции и развој на клубот овде како главен тренер, истакна легендарниот стрелец.

Официјално ќе биде претставен во вторник на 21 мај. Херенвен е на 10. место во Ередивизи пред крајот на првенството./МИА