КИЦ: „Звукот на Скопје 2025“ го донесе најдоброто од новата македонска култура - Канал 5

Култура

КИЦ: „Звукот на Скопје 2025“ го донесе најдоброто од новата македонска култура

Под отвореното небо и во срцето на Скопје, фестивалот „Звукот на Скопје уште еднаш се потврди како еден од најживописните и најразновидни културни настани во главниот град. 

КИЦ: „Звукот на Скопје 2025“ го донесе најдоброто од новата македонска култура

Организиран од Културно-информативниот центар – Скопје, фестивалот ја понуди својата најзрела, најеклектична и најинспиративна програма досега, обединувајќи музика, литература и визуелна уметност во еден моќен уметнички универзум.

Во интимната атмосфера на Салон 19:19, вечерта започна со духовно и музички длабок настап на Филип Шурбевски Езгија квартет. Со звуци на чалгија и традиционални инструменти, тие го вратија сјајот на македонското музичко наследство, претворајќи ја сцената во живо сведоштво за вредноста на културната меморија.

На надворешната сцена пред КИЦ, публиката имаше ретка можност да биде дел од две уникатни концертни искуства. Мартин Џорлев, познат по својата оригиналност и експериментален дух, понуди емотивен и целосно непредвидлив перформанс – мешавина од електроника, гитара, пијано и вокали, што го претвори неговиот настап во интимен чин на самоистражување и дијалог со публиката.

Веднаш по него, Педро Хоризонте ја заокружи вечерта со силен енергетски удар. Промовирајќи го својот деби албум „Паранормални Мегахитови“, бендот предводен од ветерани на македонската сцена ја раздвижи публиката со својот современ алтернативен звук, комбинирајќи рок, ска и реге елементи.

Дополнителен музички шлаг на тортата понуди DJ Amplidyne Effect, со својот специјален Deep House / Afro House сет, кој ноќта ја продолжи во танцова трансформација, покажувајќи ново лице на овој познат амбиентален артист.

Ликовна и книжевна програма што инспирира и предизвикува

Во изложбената сали Империјал 1, посетителите беа дочекани од „Резови“, изложбата на Стефан Анчевски и Марјан Стојаноски – двајца автори што преку линијата и бојата отворија сензибилна визуелна дискусија. Делата на Стојаноски ја покажаа енергичната сила на експресијата, додека композициите на Анчевски нудеа структуриран естетски баланс – спој на спонтаност и контрола.

Во Империјал 2 галерија беше отворена и ретроспективна изложба од колекцијата на КИЦ, со дела од великани како Никола Мартиноски, Глигор Чемерски и Мирослав Масин – вредна можност да се погледнат темелите и развојот на македонската модерна уметност.

Литературниот дел започна уште во 19:30 часот, со промоцијата на новиот роман на Јордан Коцевски - „Наследство: Кошмари“. Во присуство на љубителите на книжевноста, Коцевски на духовит и искрен начин проговори за својата транзиција од наука во уметност, отворајќи го прашањето: што се случува кога човек одлучи да ја живее својата вистинска страст?

Звукот што останува – ехо на културната надеж

„Звукот на Скопје 2025“ беше повеќе од фестивал – тој беше жив, отворен простор за културно дишење. Место каде традицијата и современоста се сретнаа на ист подиум. Настан кој покажа дека Скопје не само што има звук, туку и срце кое знае да го слуша.

„Звукот на Скопје 2025“ е доказ дека урбаната култура во Македонија не само што преживува, туку и расте, еволуира и се претвора во платформа за нови генерации на музичари, уметници и писатели. Токму таа отвореност, храброст и љубов кон изразувањето го прави овој фестивал посебен.

Скопје оваа вечер не беше само град – беше сцена, галерија, сцена за читање, и пред сè, заедница. Заедница што знае да слави уметност и да ѝ даде простор да зборува, без разлика дали е тоа преку звукот на џумбушот, електричната гитара, боената линија или напишаниот збор.

Во време кога културата се бори за простор и внимание, „Звукот на Скопје“ успева да ја постави на пиедесталот – достоинствено, смело и со љубов. А токму тоа е она што му треба на градот – не само да има звук, туку тој звук да допира.

Препорачуваме „Звукот на Скопје“ да биде трајно обележан во летниот културен календар на секој љубител на уметноста.

Културно информативен центар - Скопје

Тагови: КИЦ Звукот на Скопје 2025

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хакерски напад на АфД: Пробиени се 421.000 мејлови, објавени се и лични документи

Стотици илјади е-пораки и документи на AfD беа објавени онлајн по сомнителен хакерски напад. 

Хакерски напад на АфД: Пробиени се 421.000 мејлови, објавени се и лични документи

Според весникот „Билд“, базата на податоци содржи околу 421.179 пораки. Автентичноста на материјалите и нивното точно потекло сè уште не се независно потврдени, објавува „Еуроњуз“.

AфД потврди дека нејзиниот провајдер за хостирање бил хакиран, но не даде детали за вистинскиот обем на евентуалното истекување на податоци. Портпарол на партијата рече дека инцидентот се случил во септември 2026 година. Во таа прилика, делови од содржината на неколку е-поштенски сметки наводно биле нелегално копирани. Сепак, партијата нагласи дека повеќето од сметките не биле користени со години.

Објавените податоци наводно вклучуваат е-пораки од претседателката на AfD, Алис Вајдел, почесниот претседател Александар Гауланд и пратеникот во Бундестагот, Лајф-Ерик Холм.

Покрај тоа, беа објавени документи како што се лични карти, сметки, банкарски изводи и сведоштва, како и апликации за членство и списоци на членови на локалните ограноци на AfD во Северна Рајна-Вестфалија. Документите наводно вклучуваат копија од личната карта на Маркус Фронмаер, заменик-претседател на парламентарната група на AfD во Бундестагот.

Партијата тврди дека нападот бил брзо запрен и дека сите корисници погодени од инцидентот се информирани. Портпаролот нагласи дека сегашните е-поштенски сметки на AfD на федерално ниво не биле компромитирани.

Сè уште не е познато кој стои зад нападот или дали други податоци биле компромитирани, а вкупниот обем на протекувањето не може да се процени во овој момент.

Тагови: АфД хакерски напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Турција доби нов селектор, кој тврди дека репрезентацијата ќе ја донесе до врвот

Серген Јалчин е новиот селектор на турската фудбалска репрезентација. 

Турција доби нов селектор, кој тврди дека репрезентацијата ќе ја донесе до врвот

Одлуката за назначување на 53-годишниот стручњак ја донесе Управниот одбор на Турската фудбалска федерација (ТФФ), а со него и неговиот штаб ќе биде потпишан четиригодишен договор. Јалчин доаѓа на клупата на местото на Италијанецот Винченцо Монтела, кој си замина пред неколку недели.

Критики кои му претходеа на назначувањето

Јалчин неодамна, во улога на телевизиски коментатор, го критикуваше изборот на играчи и стилот на игра на Монтела по поразот на Турција од Парагвај на Светското првенство. „Да бев јас на местото на Монтело или ако Фатих беше таму, ќе го однесевме овој тим во рајот“, рече тој тогаш. Во исто време, тој мислеше на Фатих Терим.

Прв испит во ноември

Првиот тест на новата функција Јалчин ќе го има веќе во ноември, на следниот репрезентативен собир. Пред неговото назначување, понудата на турскиот фудбалски сојуз беше одбиена од Арда Туран, кој остана тренер на Шахтјор. Монтела ја предводеше Турција на 40 натпревари. Забележа 21 победа, пет нерешени и 14 порази.

Кој е Јалчин?

Серген Јалчин својата тренерска кариера ја изгради во голем број турски клубови, а најголемиот успех го постигна со Бешикташ со кој настапуваше во сезоната 2020/21. го освои првенството на Турција и националниот куп, со што ја комплетираше домашната двојна круна.

Пред тоа ги водеше Газиантепспор, Сиваспор, Кајзериспор, Ескишехирспор, Коњаспор, Алањаспор и Јени Малатијаспор, а во 2024 година го презеде Анталијаспор со кој ја заврши сезоната на средината на табелата. Во август 2025 година се врати на клупата на Бешикташ, но неговиот втор мандат заврши во мај 2026 година.

Тагови: репрезентација селектор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф утре пристигнува во Москва

Специјалниот американски пратеник Стив Виткоф утре ќе пристигне во Москва, откако денеска во Осло се сретна со украинскиот и финскиот претседател Володимир Зеленски и Александар Стаб, објави ТАСС.

Виткоф утре пристигнува во Москва

Зеленски и Виткоф се сретнаа денес во Осло и разговараа за ситуацијата во Украина.

Зетот на Трамп, Џаред Кушнер, кој исто така учествува во дипломатските напори како специјален пратеник, се приклучи на разговорите преку видео врска поради болест.

Според американскиот портал Аксиос, претставници на Велика Британија, Франција, Германија, Полска, Европската Унија и НАТО, исто така, учествуваа во разговорите преку видео врска.

Целта на состанокот е да се изготви мировен предлог што потоа ќе ѝ биде презентиран на Русија.

Тагови: Виткоф москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер