КИЦ на РМ во Софија организатор на книжевни настани и изложби во претстојниот период - Канал 5

Култура

КИЦ на РМ во Софија организатор на книжевни настани и изложби во претстојниот период

Културно-информативниот центар на Република Македонија во Софија неделава што измина беше вклучен во организација на меѓународната „Европска ноќ на литературата“, која годинава се одржа шести пат. КИЦ беше домаќин и на 10-тата книжевна визита со 12 писатели од Македонија, на која беше одбележана 25-годишнината од потпишувањето на првиот договор за соработка помеѓу Друштвото на писателите на Македонија и Сојузот на писателите на Бугарија.

КИЦ на РМ во Софија организатор на книжевни настани и изложби во претстојниот период
КИЦ оваа година, меѓу другите настани, ќе ги промовира книгите од македонски автори кои се преведени на бугарски јазик преку Конкурсот на Министерството за култура за субвенционирање странски изавачи кои објавуваат преводи на македонски дела.

- Во последните две години се издадени преку 25 нови наслови. Годинава почнавме проект за промоција на сите тие книги. Во април промовиравме романи на шест македонски писатели од помладата генерација, млади но веќе наградувани во нашата земја со „Роман на годината“ и со други престижни награди. До крајот на годината ќе промовираме дела преведени на бугарски од академиците Влада Урошевиќ и Луан Старова, како и роман на Јулијана Величковска и на уште неколку други автори, изјави Васко Шутаров, директор на КИЦ на РМ во Софија.

Во четврток, 18 мај, КИЦ втора година по ред ќе гостува на Ноќта на музеите во Пловдив, каде ќе се претстави со изложбата „Поврзување“ на македонски ликовни уметници кои живеат и работат во Бугарија. За учеството на нашиот Центар на оваа манифестација е обезбеден репрезентативен протсор во галеријата на Балабановата куќа.

По неодамнешното поставување на изложбата на охридски филиграни од Мирјана Николовска во просторот на КИЦ-от, која имаше голем одѕив кај бугарски посетители заинтересирани за старите занаети и ракотоворби, за оваа изложба се заинтересирале организаторите на Франкофонскиот фестивал „Солеј“ во Созопол. Така што, оваа изложба на 3 јуни ќе биде презентирана во рамки на фестивалот, во градската галерија на ова туристичко место.

Покрај филиграните, на фестивалот ќе биде претставена и изложбата „Поврзување“, пијанистката Мимоза Ќека ќе има концерт со дела на француски композитори, а македонски уметници ќе творат на ликовната колонија во рамки на Франкофонскиот фестивал, каде со своја програма учествуваат 15 држави.

- На 12 јуни продолжуваме со добрата соработка со музичкиот центар „Борис Христов“ и веќе имаме закажано концерт на Ристе Велков, а на 15 јуни концерт на Кристијан Антовски. На 18 јули ќе имаме интересно претставување во Градската библиотека во Бургас, исто така, со ликовната концепција „Поврзување“, која во есенските месеци ќе се пресели во Банско и Велинград, изјави директорот на КИЦ.

Во претстојниот период Центарот ќе биде домаќин и на изложба на Илиријан Беќири и Башким Меџити, во јули ќе ја организира изложбата на скулптури „Танцот на светлината 2“ на проф. Бранко Јакшиќ, како и изложбите на Љубица Мешкова-Солак (Convergence) и Благојче Наумовски-Бане (Мајки, божици и кралици)...

Според Шутаров, адут во програмата на КИЦ-от за 2017 година е двојното претставување на „Копачката“ и „Гласоечко“ - двете заштитени добра од Македонија на листата на нематеријално културно наследство на УНЕСКО. Тие во Софија ќе бидат промовирани во рамки на програмата за одбележување на Денот на независноста 8 Септември, а воедно ќе бидат претставени и во Регионалниот центар за нематеријално културно наследство на УНЕСКО кој се наоѓа во Софија. За овој повод ќе гостува фоклорната група „Копачка“ од делчевското село Драмче во партнерство со „Трио Гавровски“.

Покрај соработката со автори од Македонија, Шутаров посебно ја истакнува одличната соработка со Македонци кои живеат во Бугарија, претежно во Софија, и се успешни на бугарската културна сцена.

- Голем дел од нив се партнери во многу настани, како што се актерите Ѓорѓи Георгиев-Антика, Игор Дамјанов, Иван Калошев - кој е првенец во театарот во Стара Загора, кои ни се дел од „Европската ноќ на литературата“, потоа режисерката Ана Батева, 15-ина ликовни уметници од групата „Конекција“. Се гордеам многу со успесите на балетскиот уметник Трајче Стојковски, на телевизискиот режисер Зоран Петревски, кој ги работи најгледаните бугарски ТВ-серијали, на Горан Митевски - еден од најдобрите клупски менаџери во Бугарија, кој е познат тука и ги прави најдобрите забави. Овде веќе се слуша за нив и би сакал кога и дома, во Македонија, би се интересирале за нив. Тоа ним многу им значи. Апелирам македонските институции да им обрнат внимание, да им дадат шанса да го покажат тоа на македонската културна сцена, зашто тие уметници имаат веќе сериозно искуство и успех, додаде Шутаров. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер