Кошарка

КФМ: Федерацијата со конкретни мерки за зачувување на регуларноста и интегритетот на натпреварите

Согласно Статутот на Кошаркарската федерација на Македонија, особено членовите 2, 13, 14, 17, 18 и 43, Федерацијата има јасна обврска и должност да ги почитува и спроведува сите свои акти.

Согласно Статутот на Кошаркарската федерација на Македонија, особено членовите 2, 13, 14, 17, 18 и 43, Федерацијата има јасна обврска и должност да ги почитува и спроведува сите свои акти, да обезбеди еднаков третман кон сите клубови и да гарантира целосна регуларност на натпреварите во сите категории – без разлика на нивниот ранг, историја или традиција.

Оваа обврска не е формална, туку суштинска. Таа претставува темел на кредибилитетот и угледот на македонската кошарка, која мора да се развива во фер и еднакви услови за сите учесници. Федерацијата, како институција од јавен интерес, има должност да постапува правично, доследно и непристрасно, и тоа ќе го прави во секоја ситуација.

Доследна примена на актите и одговорност за сите субјекти

Во изминатото, трето (3) коло и тековното, четврто (4) коло, од првенството во МТЕЛ Супер лигата - мажи беа евидентирани неколку пропусти што директно влијаеја врз регуларноста на натпреварите. Согласно Правилникот за натпреварување, Пропозициите за натпреварување и Дисциплинскиот правилник на КФМ, а врз основа на член 43 од Статутот, Федерацијата презеде конкретни мерки:

1. За грешката во последната минута од натпреварот КК „Кожув“ – КК „Гостивар“, санкционирани се судиите со забрана за вршење должност на 4, односно 2 натпревари, согласно членот 42.9.7 од Пропозициите за натпреварување во сениорските лиги;

2. За грешката на натпреварот КК „Куманово“ – КК „Феникс“, делегатот е санкциониран со забрана за извршување функција на 4 натпревари, член 60.1 од Пропозициите за натпреварување во сениорските лиги;

3. За натпреварот КК „Пелистер“ – КК „Маџари“, за делегатот ќе биде изречена истата мерка – забрана за вршење должност на 4 натпревари, член 60.1 од Пропозициите за натпреварување во сениорските лиги;

4. За пропустот на КК „МЗТ Скопје“, за време на натпреварот со КК „Ангели“, при кој во игра бил вклучен играч кој не бил наведен на образецот NAT-1, покрај одговорноста на делегатот (60.1) ќе биде применета и мерката – службена регистрација на натпреварот (20:0 во корист на противникот), при што екипата на МЗТ Скопје нема да добие бод, членови 33.6 и 61.8 од Пропозициите за натпреварување во сениорските лиги.

Јасна порака до сите учесници во натпреварувањата

Овие мерки не претставуваат чин на казнување, туку на одговорност и принципиелност.

Федерацијата испраќа јасна порака – регуларноста нема компромис.

Никој не е над правилата: ниту судиите, ниту делегатите, ниту клубовите.

Секој што учествува во системот на натпреварување е должен да ги почитува актите, одлуките и процедурите.

Само така се гради фер средина и доверба во институциите.

Интегритетот е највисок спортски интерес

Кошарката е повеќе од резултат – таа е вредносен систем заснован на чесност, фер-плеј и почитување на правилата.

Кошаркарската федерација на Македонија ќе продолжи да ги спроведува своите акти доследно, транспарентно и без селективност, затоа што само така се чува угледот на спортот и се испраќа порака дека интегритетот не се преговара – се брани.

Тагови: Кошаркарската Федерација на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи.

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јуни 2026 година

Дневен хороскоп за четврток, 4. јуни 2026 година.

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.