Оскаровецот им рече на поротниците на крунскиот суд во Саутворк дека не може да верува дека било кој од лицата кои го обвинуваат за 12 напади „ќе му заби нож во грб“. На 63-годишникот му се суди по 12 точки од обвинението за сексуални престапи против четворица мажи во периодот од 2001 до 2013 година, кога тие биле на возраст од 20 до 30 години.

Спејси се изјасни за невин по сите обвиненија. Четворица од тужителите против актерот изјавиле дека Спејси агресивно ги пипкал, додека еден маж бил принуден на орален секс. Обвинителите го нарекоа Спејси „сексуален насилник“.

Адвокатот на Спејси, Патрик Гибс, им рече на поротниците дека обвинителите се обиделе да ги прикажат консензуалните средби „со злобен спин“ или, во некои случаи, едноставно да ја „измислат“ приказната. Спејси сведочеше и беше прашан за еден од тужителите, кој тврди дека актерот постојано го носел на „интимни места“ кога биле сами.

Адвокатот Гибс го праша за врската со мажот, на што Спејси рече: „Многу ми се допадна. Убаво си поминавме заедно. Многу се смеевме“. Актерот го опиша подносителот на пријавата како „смешен, шармантен и флертувач“.

Спејси тврди дека нивната врска со текот на времето „станала донекаде сексуална“. Тој ги негираше наводите дека имало агресивна или неконсензуална врска. „Тоа не се случи на насилен, агресивен, болен начин. Беше нежно и трогателно и, според мое мислење, романтично“, рече тој.

„Никогаш немавме секс затоа што јасно кажа дека не сака да оди понатаму, а тоа се случува понекогаш и вие само почитувате колку далеку некој сака да оди“, додаде тој.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.