Кешишов во судница го смени исказот за убиството на Вања и Панче - Канал 5

Македонија

Кешишов во судница го смени исказот за убиството на Вања и Панче

Влатко Кешишев, еден од обвинетите за убиството на Вања Ѓорчевска и Панче Жежовски го промени исказот кој претходно го дал во полиција. 

Кешишов во судница го смени исказот за убиството на Вања и Панче

Во писмена изјава преку затворот доставена до судот, Кешишев напишал дека Љупчо Палевски Палчо ниту на 22 ниту на 27 ноември лани, деновите на грабнувањето и убиствата на Вања и Панче, не бил со другите обвинети туку спиел во штабот на Десна. Кешишев напишал дека згрешил што го послушал Велибор Манев и кажал дека Палчо бил со. Тврди дека само тој, Боре Видевски и Велибор Манев биле на местата на настаните и во Велес и во Скопје. Кешишев пишува дека истиот ден откако Палевски заминал на пат, Велибор извршил притисок и му се заканувал, во полиција да каже дека Палчо организирал и пукал а тие само слушале.

Неговиот адвокат не знаел за изјавата и не ја коментираше. Адвокатот на Видевски пак очекува соочување во судница.

„Тој има напишано некоја изјава но, не би сакал да ја коментирам содржината, бидејќи не знам дали ракописот е негов, дали потписот е негов, дали тој своеволно ја пишувал, не сакам да помислам, дека можеби некој го присилил или му се заканил. “

„Мислам дека не е совесно во ваков предмет еднаш да се изјавува едно, вторпат да се изјавува друго. Во понатамошниот тек од постапката ќе има соочување помеѓу сите нив.“

Пред судот денеска сведочеше Стефан Димковски кој на 1 декември го возел Палевски од Белград, преку Бугарија до Турција. Иако првичната намера на Палевски му била од Белград да се врати во Скопје за што и го повикал, кај Ниш го сменил планот. Димковски го опиша Палевски како вознемирен и блед утрината на 3 декември додека појадувале во Беликесир откако до известиле дека има претреси и апсења во штабот на Десна. Во истиот момент Палевски почнал гласно да размислува да бара политички азил во Белорусија.

„За време на патувањето, Палчо често разговараше на телефон, а еднаш ми го побара телефонот да се јави кај Влатко Кешишев од Штип, бидејќи немаше батерија. Во Турција изнајми куќа на три месеци, мислам за 150 евра месечно. За време на доручекот, Палчо ме информираше за претресите во партијата. Ми кажа дека влегле во штаб, направиле претрес, уапсиле пет лица, но ги пуштиле. Ми вели, „ми го лепат мене за исчезнатото девојче“. По доручекот јас се сместив во хотел, каде што се онесвестив додека ги гледав прес-конференциите и информациите во медиумите. Му се јавив на Палчо и го прашав што е ова, ми рече дека е тешка местенка.“

Денеска сведочеше и Ерол Османи, пријател на Палевски кој со него контактирал на 27 а се сретнале на 28 ноември лани. Кај него Палевски дошол со пикапот кој имал оштетена врата. Ламбе Бучков пак раскажа дека Љупчо Палевски му должел 16 илјади евра. Телефонски зборувале на 1 декември додека Палевски е во Белград и му раскажал дека од Кешишев знае за претресите во партискиот штаб. Следно рочиште за случајот е закажано за 25 ноември.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најави „голем, прекрасен договор за Украина и Европа“ (ВИДЕО)

Американскиот претседател Доналд Трамп објави нов безбедносен договор за Украина кој „може да се однесува на цела Европа“. 

Трамп најави „голем, прекрасен договор за Украина и Европа“ (ВИДЕО)

Тој го презентираше предлогот по состанокот со висок руски претставник, но без конкретни детали, што предизвика конфузија во европските престолнини, пишува CNN.

Трамп ги даде своите коментари по состанокот со Кирил Дмитриев, санкционираниот раководител на рускиот суверен фонд за богатство кој дејствува како емисар на претседателот Владимир Путин. Американскиот претседател, кој веќе постојано ветуваше дека ќе преговара за крај на војната во Украина, не даде детали за новиот план.

„Ќе биде нешто многу големо. Ќе вклучи повеќе од само Украина, па дури би можел да кажам дека може да вклучи цела Европа. Ќе биде голем, прекрасен договор и сите ќе бидат воодушевени“, изјави Трамп пред новинарите во четврток.

Договор за Украина и Европа

Зетот на Трамп, Џаред Кушнер, исто така зборуваше на платформата X. Тој тврдеше дека е потребна „поширока европска безбедносна архитектура“ за „да се решат безбедносните загрижености на сите страни, да се намали ризикот од иден конфликт и да се создаде постабилна и попредвидлива безбедносна и енергетска средина“.

„Европа и Русија се борат повеќе од 30 години да воспостават одржлива безбедносна рамка. Децении недоверба, спротивставени безбедносни интереси и разорните последици од оваа војна го прават ова исклучително тежок предизвик, но е од суштинско значење за траен мир“, рече Кушнер. Тој не ја спомена руската инвазија на Украина или серијата хибридни напади за кои Европа ја обвинува Москва.

Кушнер, исто така, повика на „поголема воена транспарентност и реципрочни мерки за намалување на ризикот од ескалација“ меѓу Русија и Европа. Изјавата би можела да предизвика загриженост во делови од Европа, со оглед на долгогодишниот став на Москва дека присуството на НАТО во Источна Европа само по себе е ескалација.

Европски сојузници без информации

Сепак, неколку европски претставници запознаени со конфликтот изјавија за CNN дека не знаат точно на што се осврнува Трамп. Во четврток, претседателот разговараше со германскиот канцелар Фридрих Мерц, клучен сојузник на Украина.

Германски владин претставник одби да ја објасни содржината на повикот, но истакна дека новите идеи на администрацијата на Трамп се засноваат на преговори во текот на изминатите месеци. Не е познато дали Трамп разговарал со други европски лидери.

Во меѓувреме, портпаролката на НАТО, Алисон Харт, потврди дека разговорите меѓу НАТО, САД, Украина и ЕУ и европските партнери се одржале во четврток во Брисел. Ова се случило во пресрет на трилатералниот состанок на САД, Украина и Русија, кој се одржува во Абу Даби следната недела. Харт рече дека состанокот „се обидел да постигне напредок кон праведен и одржлив крај на војната во Украина“, но одби да даде повеќе детали.

Притисок за преговори во услови на конфликт

Рускиот претставник Дмитриев беше во Белата куќа во четврток на настан организиран од првата дама Меланија Трамп. Таа собра претставници на Русија и Украина за да го одбележи успешното примирје од минатата недела во окупираното украинско село Олешки. Трамп подоцна им рече на новинарите дека не се сретнал со украинската делегација.

Претседателот неодамна почна да инсистира на преговори за повторно завршување на војната, по јавниот конфликт со украинскиот претседател Володимир Зеленски. Но, и покрај ветувањата, војната продолжува, а Русија секојдневно напаѓа украински цивили.

Путин продолжува да инсистира на своите максималистички барања. Тие вклучуваат руска контрола врз целиот регион Донбас во источна Украина, намалување на украинската војска и одбивање на Киев да се приклучи на НАТО. За Киев, ова се неприфатливи услови што покажуваат дека Путин не е сериозен во врска со мировните преговори.

Тагови: Доналд Трамп украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џорџина се пофали со нов автомобил, еден детал привлече внимание (ВИДЕО)

Џорџина Родригез, сопругата на Кристијано Роналдо, се пофали со нов луксузен автомобил на социјалните мрежи. 

Џорџина се пофали со нов автомобил, еден детал привлече внимание (ВИДЕО)

Таа го сподели видеото од неговата испорака со своите повеќе од 77 милиони следбеници, а објавата дојде во моментот кога нејзиниот сопруг го објави крајот на неговата репрезентативна кариера.

Нов Range Rover вреден повеќе од 200.000 евра

Џорџина покажа на Инстаграм како таа и нејзините деца го пречекаа новиот Range Rover во елегантна шампањ боја пред семејниот дом.

Судејќи според видеото, пристигнувањето на скапиот автомобил особено ја развесели. Иако не го откри точниот модел, се проценува дека неговата цена би можела да надмине 200.000 евра.

Вниманието го привлече и еден интересен детаљ на автомобилот - персонализирана регистарска табличка со името на Џорџина. „Кога испораката ќе стигне во вашата куќа“, се пошегува таа покрај клипот.

Сепак, таа не откри дали се почастила со новиот автомобил или го добила како подарок.

Роналдо се збогува со португалската репрезентација

Објавата на Џорџина доаѓа во време кога нејзиниот сопруг Кристијано Роналдо е повторно во центарот на вниманието. Португалскиот фудбалер во четврток објави дека се збогува со репрезентацијата по 23 години.

Тој ја сподели одлуката со емотивно видео на социјалните мрежи, во кое се потсети на годините поминати во дресот на репрезентацијата и им се заблагодари на сите што го следеа во текот на целата негова кариера.

„Португалија секогаш ќе биде во мене. Португалци, дојде време да се збогувам со дресот со број 7. Никогаш не го сметав само за мој, туку 23 години имав чест и одговорност да го носам, да го бранам и да го претставувам на стадионите низ целиот свет“, рече Роналдо.

YouTube video

Тој посвети особено емотивен дел од пораката на своето семејство, на кое му се заблагодари за нивното разбирање и поддршка во текот на сите години од неговата фудбалска кариера.

„Ви благодарам што го споделивте овој сон со мене. Ви благодарам за разбирањето за сите отсуства, жртви и моменти во кои репрезентацијата го заземаше просторот што ви припаѓаше. Ако стигнав до тука, тоа е затоа што секогаш одевме рака под рака“, заклучи португалскиот фудбалер.

Тагови: Џорџина Родригез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Авион се урна и се запали на автопат во Германија, нема преживеани

Според најновите информации, две лица загинаа во падот на мал авион во Германија, кој се урна на автопатот А2 помеѓу Бург и Кринберг, на североистокот од земјата, соопшти полицијата.

Авион се урна и се запали на автопат во Германија, нема преживеани

„Авионот се запали за време на падот. Според сегашните информации, спасувачите пронајдоа две мртви лица во авионот“, изјави за „Билд“ портпаролот на локалната полиција Стефан Бродтрук.

Причината и околностите на несреќата, која се случи непосредно пред 15 часот во покраината Саксонија-Анхалт, сè уште се истражуваат.

Полициската и спасувачката операција траеја неколку часа, а автопатот кон Хановер беше затворен во тој период.

Според порталот „Флајтрадар“, авионот што се урна бил двосед регистриран на воздухопловниот спортски клуб во Кроп, и полетал од нивниот аеродром во Шлезвиг во 12:33 часот, објави Мирор.

Тагови: авион автопат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер