Кенија би можела да не учествува на Олимпијадата во Рио поради зика - Канал 5

Други спортови

Кенија би можела да не учествува на Олимпијадата во Рио поради зика

Кенија би можела да не учествува на Летните олимписки игри во Рио де Жанеиро во август годинава, доколку вирусот зика добие епидемиски размери, соопшти денеска Кенискиот олимписки комитет.

Кенија би можела да не учествува на Олимпијадата во Рио поради зика
- Не сакаме да го ризикуваме здравјето на кој било од Кенијците во Бразил, ако вирусот прерасне во широка епидемија, изјави во Најроби, Кипчоге Кеино.

Заразата со вирост зика започна во Бразил во мај минатата година, но од тогаш се прошири низ земјата, а сега забрзано се шири и низ земјите на Латинска Америка и Карибите.

Вирусот зика досега е регистриран во повеќе од 20 држави во овој регион, а забележани се и случи на инфицирани во САД, како и во десетина земји од Европа.

Светската здравствена организација (СЗО) го прогласи вирусот како глобална закана.

За овој вирус засега нема ниту вакцина, ниту лекување, па единствениот начин да се спречи неговото ширење е уништувањето на комарците кои ја шират заразата.

Медицински експерти предупредуваат дека вирусот е посебно опасен за бремените жени. Утврдено е дека се раѓаат бебиња со невообичаено мали глави и помал мозок, доколку нивните мајки биле заразени со вирусот во текот на бременоста.

Бразилските власти уверуваат дека нема да има никаков ризик за спортистите и за гледачите освен за бремените жени.

Меѓународниот олимписки комитет соопшти дека е во постојан контакт со организаторите на Олимпијадата во Рио, како и дека сите олимписки објекти и местата каде ќе бидат сместрени спортистите ќе бидат ставени на режим на секојдневна контрола на вирусот зика.

Засега единствено предупредување има за бремените жени на кои им се советува да „ја приспитаат одлуката“ за патување во Бразил за време на Олимписките Игри.

Кенија е првата земја во светот која соопшти дека би можела да се повлече од Олимпијадата поради вирусот зика. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шокантен инцидент во Италија: Ученик избоде наставничка

Се обидел да го пренесува нападот во живо на социјалните мрежи.

Шокантен инцидент во Италија: Ученик избоде наставничка

Според неименувани извори, ученик во средно училиште во римската населба Ченточеле денес испрскал наставничка во лицето со спреј-бибер, а потоа ја избодел.

Наставничката добила итна медицинска помош. Иако нејзиниот живот не е во опасност, таа претрпела шок, наведуваат изворите, а пренесува агенцијата „ANSA“.

Напаѓачот, 13-годишно момче, се обидел да го пренесува нападот во живо преку својот мобилен телефон, користејќи ја апликацијата „Телеграм“.

Според изворите, друг ученик го спречил нападот.

Извор: Б92

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Во детската градинка „Орце Николов“ во Карпош 4 започна изработката на муралот „Шарен детски свет“, со кој просторот наменет за најмладите ќе добие нов, креативен и весел изглед.

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Автор на муралот е уметникот Драган Китановски – Драш, кој преку својата уметност ќе го збогати просторот каде што секојдневно растат, играат и учат најмладите жители на Карпош.

Во реализацијата на иницијативата денеска се приклучи и градоначалникот на

Општина Карпош, Сотир Лукровски, кој на ѕидот ќе остави свој личен белег преку сопствена креација посветена на децата. Муралот има за цел да внесе повеќе боја, креативност и позитивна енергија во просторот на градинката, создавајќи пријатна и инспиративна средина за најмладите.

Општина Карпош продолжува со иницијативи за разубавување на јавните и детските простори, создавајќи средина во која децата растат со повеќе боја, креативност и радост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„Звуците на културата во Ѓорче 2026“ вечерва со богата програма за сите генерации

По досегашната програма исполнета со мјузикл, хип-хоп фестивал, театарска претстава, кино-проекции и содржини за најмладите, „Денови на Општина Ѓорче Петров 2026“ продолжуваат вечерва со нови настани во рамките на „Звуците на културата во Ѓорче 2026.

„Звуците на културата во Ѓорче 2026“ вечерва со богата програма за сите генерации

Програмата ќе се одвива на Корзото, кај амфитеатарот и во Реонскиот парк, со музика, улични изведби, балет, хорско пеење, базар и детски работилници за посетители од различни генерации.

Вечерва, на 18 септември, програмата на Корзото и кај амфитеатарот започнува во 18:00 часот со „Баскерфест“. Во 18:30 часот ќе настапи „Ребис“ – балетско студио, а во 19:00 часот хорот „Фрида“.

Во рамките на „На Базар“, посетителите ќе можат да разгледаат што нудат поставените штандови, додека за најмладите ќе бидат организирани детски работилници.

Музичката програма на „Октоберфест“ ќе се одржи во Реонскиот парк. Во 20:00 часот ќе настапат „Суперхикс“, во 21:30 часот „Пауза за ракија“, а вечерта ќе ја заокружи DJ Галоски, со настап од 23:00 часот.

Програмата продолжува и во сабота, на 19 септември, во Реонскиот парк. The Crew ќе настапат во 19:00 часот, по што во 21:00 часот следува концертот на „Ареа“. Во 22:30 часот ќе настапат „Куку Леле“, а програмата ќе ја затворат трубачите „Левис“, со почеток во 23:30 часот.

Преку различните културни и музички содржини, „Звуците на културата во Ѓорче 2026“ ја збогатуваат програмата на „Денови на Општина Ѓорче Петров 2026“ и создаваат простор за дружење и забава за сите генерации.

Настаните се во организација на Општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер