Кенеди Јуниор за сенаторите кои му се нафрлија: Земаат милиони долари од фармацевтските компании, затоа не сакаат промени! - Канал 5

Свет

Кенеди Јуниор за сенаторите кои му се нафрлија: Земаат милиони долари од фармацевтските компании, затоа не сакаат промени!

Тоа се луѓето што им наредија на нашите деца да одат со маски. Тоа се луѓето што ги затворија нашите училишта. Тие се луѓето што наметнаа социјално дистанцирање без научни докази, ги затворија нашите бизниси. И тие треба да си одат. 

Кенеди Јуниор за сенаторите кои му се нафрлија: Земаат милиони долари од фармацевтските компании, затоа не сакаат промени!

Сфатив дека тие сослушувања се театар и тие не се вид на дебата или отворен разговор што демократијата би ни го дала. А патем, сите тие сенатори земаат стотици илјади долари, вклучувајќи во некои случаи милиони долари, од фармацевтската индустрија. Затоа, тие не сакаат да ги чујат одговорите на прашањата што ми ги поставуваат, изјави американскиот сенатор за здравство Роберт Кенеди по баражниот оган со кој се соочи пред неколку дена при сослушувањето во американскиот Сенат, при што жестоко беше нападнат од дузина сенатори, главно демократи, поради реформите што ги спроведува.

- Тоа се луѓето што им наредија на нашите деца да одат со маски. Тоа се луѓето што ги затворија нашите училишта. Тие се луѓето што наметнаа социјално дистанцирање без научни докази, ги затворија нашите бизниси. И тие треба да си одат. Ни требаат нови луѓе кои се посветени на јавното здравје и интегритетот и златниот стандард на науката. А администрацијата на Трамп ќе се погрижи тоа да се случи, додаде Кенеди објаснувајќи ги отпуштањата во рамки на Секретаријатот и институциите кои се под негова надлежност, вклучувајќи ги и тие во Центарот за контрола и превенција од болести.

Во текот на сослушувањето, тој беше нападнат и од Берни Сандерс, кој ги обвини и демократските и републиканските сенатори дека земаат пари и дека се платени од фармацевтските компании.

- Секој републиканец добивал корпоративни пари од фармацевтската индустрија. Демократите исто така. Сите се корумпирани освен вие? Така ли е? Не мислам така, рече Сандерс, обвинувајќи го на тој начин Кенеди дека е исто така корумпиран, иако за тоа не понуди никакви докази.

Кога Кенеди одговори дека не знае за што всушност зборува Сандерс, тој рече дека многу добро знае, на што Кенеди реплицираше:

- Не знам што зборувате. Дали велите дека фармацевтската индустрија ја поддржувала мојата претседателска кампања?, запраша секретарот, по што Сандерс се повлече.

Инаку, сослушувањето се одржа пред четири дена, за што веќе известивме. Кенеди настапи мошне силно, изнесувајќи шокантни податоци за здравствената состојба на американската нација, со што збесна низа од сенаторите, а нивните мотиви ги образложи во изјавата што ја цитиравме погоре. При сослушувањето тој, меѓу другото рече:

„Утрово ги добив најновите бројки од Центарот за контрола и превенција на болести (CDC) дека 76,4 отсто од Американците сега имаат хронична болест. Ова е вџашувачки. Кога мојот чичко (Џон Кенеди, претседател на САД, убиен во атентат во 1963 година, н.з.) беше претседател, само 11 отсто Американци имаа хронична болест. А, во 1950 година, само 3 отсто. Сега, 76,4 отсто Американци се хронично болни“.

Потоа, осврнувајќи се на здравјето на младата популација во САД, Кенеди рече дека 80 отсто од младите не се способни за воена служба.

- Осум од десет деца денес не можат да се квалификуваат за воена служба. Ова е прашање на национална безбедност. Кога мојот чичко беше претседател, не трошевме ништо на хронични болести. Денес, трошиме 1,3 трилиони долари (1,3 билиони долари) и сумата се зголемува. Ако не се справиме со хроничните болести, ние ќе останеме најболната земја во светот, нагласи Кенеди.

Затоа, додаде тој во Сенатот, се извршени отпуштања на функционери од Центарот за контрола и превенција на болести, што беше една од целите на неговите противници врз основа на која го напаѓаа.

- Тие не си ја завршија својата работа. Ова беше нивна работа, да нè одржат здрави. И треба да отпуштам некои од тие луѓе за да бидам сигурен дека ова нема да се случи повторно, изјави Кенеди.

А на еден од сенаторите, му рече:

„Сенаторе, колку долго седите во таа фотелја? Дваесет, дваесет и пет години? Додека хроничните болести достигнаа и се раширија кај нашите деца, кај нашата популација на 76 отсто. И не рековте ништо. Ниту збор. Никогаш не го поставивте прашањето зошто се случува ова. А, денеска, за прв пат по 20 години, дознавте дека смртноста кај новороденчињата во нашата земја се зголемила. Не затоа што дојдов тука, туку поради она што се случуваше за време на администрацијата на Бајден. А ние тоа ќе го прекинеме.“

Посебно жестока кон него беше сенаторката од Демократската партија Елизабет Ворен, но тој и возврати обвинувајќи ја за корупција.

- Никогаш не ветив дека ќе препорачувам производи за кои нема податок дека се безбедни. И знам дека сте зеле 855.000 долари од фармацевтските компании … Сакате да препорачам производ за кој нема клинички податоци? Дали тоа го сакате?, и рече Кенеди на Ворен.

Елизабет Ворен, сенаторката која Кенеди ја обвини дека зела 855 000 долари од фармацевтските компании

На прашањето на Ворен, дали верува дека Ковид-19 беше политизиран, Кенеди изјави:

„Да, целиот процес беше политизиран. Бевме излажани за сè. Бевме излажани за, природниот имунитет. Бевме излажани, постојано ни беше кажувано дека вакцините ќе спречат пренос на вирусот, дека тие ја спречуваат инфекцијата. Не беше вистина. Тие го знаеја тоа од самиот почеток. Не беше вистина затоа што тоа го покажаа студиите врз животни и клиничките испитувања. Ни беше кажано дека постои наука која ја потврдува користа од платнените маски …“

Тој го спомена и случајот со д-р Мартин Кулдорф од Харвард, како то рече „големиот реномиран, светски познат епидемиолог и вакцинолог‘, кој ги критикуваше наредбите за задолжителна вакцинација против Ковид и поради тоа беше отстранет.

Всушност, Кенеди презема чекори кои многумина во Сенатот не би сакале да ги презема и поради тоа беше изложен на канонада. Но, тој не отстапува.

Тагови: Кенеди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер