Свет

Кенеди јуниор: Ние сме во војна поради тоа што компаниите, за профит, им го прават на нашите деца

Деновиве тој оствари средба и со неколку пациенти во рамки на неговата борба за поефтини лекови.

Ова не е само економска војна. Не е само хемиска војна. Сите сме вклучени во духовна војна. Во текот на 20.000 генерации човечки суштества што живееле на оваа планета пред нас, примарниот биолошки и духовен поттик бил да се осигурат дека нивните деца се безбедни. И денес, страшно е што овие профитабилни корпорации го искористија својот капацитет да ја контролираат нашата влада и да ги контролираат медиумите за да нè свртат сите нас против тој најфундаментален биолошки поттик. Ги уништуваме нашите деца и го правиме тоа затоа што сме манипулирани да го правиме тоа преку сите владини институции. Ако некоја странска нација го стори ова на нашата земја, ќе го сметаме за воен чин. Тоа е неамериканско - вели во едно од своите последни експлозивни обраќања до американската јавност, Роберт Кенеди јуниор, секретарот за здравство на САД.

Тој истакнува дека на овие компании им е дозволено, преку мотивот за профит, да уништат сè што ценета вредност во САД. И затоа, според него, САД станале најлошата земја во светот во смисла на мерливост на успехот на една анција, а тоа е дали им овозможила подобар живот на своите деца.

Деновиве тој оствари средба и со неколку пациенти во рамки на неговата борба за поефтини лекови. Една од пациентките на средбата ја истакна својата мака:

„Проценувам дека потрошив над 180.000 долари од свој џеб само за мојот лек. 9.000 долари месечно, тоа не е опција за мене. Работев на три работни места за да сврзам крај со крај“.

На ова, Кенеди рече:

„Ова не е нешто што треба да се случува во Соединетите Американски Држави. Во просек, плаќаме околу 300 до 400 отсто повеќе. Во некои случаи, плаќаме 10, 12, 13 пати повеќе од она што го плаќаат другите земји за истиот лек што е направен од истата фабрика во Њу Џерси или некоја друга држава.

Ниеден Американец не треба да банкротира поради цените на лековите. И навистина сум неверојатно горд што сум дел од администрација која конечно ќе направи нешто во врска со тоа. И го охрабрувам тоа што оваа администрација смело и храбро се стреми да им помогне на пациентите“.

Кенеди додава дека моментално преговораат со фармацевтските компании и на крајот ќе се дојде до исход што ќе значи дека Американците ќе плаќаат за лековите исто колку што плаќаат луѓето во Европа и другите земји. Според него, тоа е единственото хумано и сочувствително нешто што може се направи за Американците од страна на администрацијата за здравство што тој ја раководи.

Во свое обраќање до американската јавност, тој го истакнува и следното:

„Дозволете ми да ве прашам нешто. Дали лекарите треба да донесуваат одлуки врз основа на тоа што е најдобро за нивните пациенти или врз основа на тоа што им носи најмногу пари? Не е тешко прашање, но наследивме здравствен систем кој постојано ги турка лекарите кон второто. Тој наградува одредени третмани не затоа што се подобри за пациентот, туку затоа што некој профитира.“

Како пример го наведува тоа што се случи во САД за време на КОВИД кризата.

„Земете го за пример она што се случи за време на КОВИД. Болниците беа платени да ги пријавуваат стапките на вакцинација на персоналот. Овие бројки беа внесени во Националната мрежа за безбедност на здравството, а потоа објавени на веб-страницата на Центар за контрола и превенција на болести за да се засрами секоја болница што одби да стане спроведувач на федералните задолжителни мерки за вакцинација.

Денес, со гордост објавувам дека ја елиминиравме таа политика со укинувањето на опасната одредба од ерата на Бајден во правилото за плаќање на болнички услуги на Центарот на медицински услуги (CMS). И не запираме тука. Го проверуваме секој агол од здравствениот систем за скриени стимулации што ја корумпираат медицинската проценка. Она што го откриваме е алармантно.

Лекарите беа платени за вакцинирање, а не за евалуација. Тие се под притисок да ги следат парите, а не науката. Неодамна откривме дека на повеќе од 36.000 лекари им се зголемиле надоместоците од CMS врз основа на стапките на вакцинација кај децата. Тоа не е медицина. Тоа е принуда. Тоа е неморално. Нема место во уставна демократија или во систем кој тврди дека ги штити децата“, вели Кенеди.

Тој е згрозен од тоа што лекарските одлуки се донесувале поаѓајќи од интересот за финансиски бонус или од владина наредба. Пациентите заслужуваат искрен, некорумпиран совет од своите лекари, вели Кенеди. Тоа е и една од целите на неговата борба.

Тагови: Кенеди јуниор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Палестинскиот претседател до Трамп: Исполнете ги ветувањата што ни ги дадовте

Палестинскиот претседател Махмуд Абас денеска го повика американскиот претседател Доналд Трамп да ги исполни ветувањата дадени на арапските земји за спречување на раселувањето на Палестинците и анексијата на палестинската земја.

Абас го објави ова во претходно снимено обраќање на 81-та сесија на Генералното собрание на Обединетите нации, откако не можеше лично да присуствува на сесијата втора година по ред.

Тој ги повика САД да соработуваат со палестинското раководство и меѓународната заедница за спроведување на решение за две држави врз основа на меѓународното право. Абас рече дека Палестинците го поздравуваат мировниот план на Трамп, но не виделе никаков напредок на терен.

Палестинскиот претседател до Трамп: Исполнете ги ветувањата што ни ги дадовте

Тој, исто така, ги предупреди светските лидери за опасноста од повторување на Накба, масакрот и протерувањето што го претрпеа Палестинците во 1948 година. Палестинскиот претседател рече дека неговиот народ се соочува со еден од најопасните периоди во својата историја, наведувајќи убиства, уништување, глад и обиди за присилно раселување во Појасот Газа.

Абас рече дека секој транзициски период на крајот мора да доведе до повторно обединување на Појасот Газа и окупираниот Западен Брег под една палестинска држава со една легитимна вооружена сила.

Тој, исто така, го обвини Израел дека поседува повеќе од 6 милијарди долари палестински имот и побара негово итно ослободување. Абас ги отфрли, како што ги нарече, казнените мерки што му забрануваат нему и на членовите на палестинската делегација да присуствуваат на Генералното собрание, велејќи дека таквите ограничувања ги кршат обврските на САД како земја домаќин на Обединетите нации.

Тој го повика Вашингтон да ги укине мерките и да му дозволи на палестинското раководство целосно да учествува на состаноците на Обединетите нации.

Тагови: Доналд Трамп палестински

Шоу биз

Бред Пит во новиот филм ѝ се враќа на улогата што му донесе Оскар (ВИДЕО)

Бред Пит повторно ќе го игра Клиф Бут.

Нетфликс го објави првиот трејлер за „The Further Mis-Adventures of Cliff Boot“, продолжението на хитот на Тарантино од 2019 година „Once Upon a Time... in Hollywood“. Сценариото е на Квентин Тарантино, додека Дејвид Финчер е режисер, поради што проектот со месеци привлекува големо внимание од филмските фанови.

Сместен кон крајот на 1970-тите

Приказната се одвива во 1977 година, осум години по настаните од оригиналниот филм. Клиф повеќе не е дублер на актерот Рик Далтон, кој го играше Леонардо Дикаприо во „Once Upon a Time... in Hollywood“.

Холивуд во меѓувреме се промени, а Клиф сега работи како еден вид „поправач“, односно лице ангажирано од влијателни луѓе во филмската индустрија кога сакаат да решат проблеми подалеку од очите на јавноста. Трејлерот сугерира дека неговата работа вклучува насилство, уцена, кражба и изнуда, па затоа филмот би можел да покаже многу потемна страна на Холивуд во 1970-тите.

Враќање на улогата што му донесе Оскар

Пит така се враќа на улогата на Клиф Бут, која му донесе Оскар за најдобар спореден глумец во 2020 година. Клиф беше еден од најпаметните ликови од филмот „Once Upon a Time... in Hollywood“, лежерен, харизматичен и непредвидлив во исто време.

Новиот филм го задржува светот и сценариото на Тарантино, но овој пат режијата ја презема Дејвид Финчер, режисерот познат по филмовите „Seven“, „Fight Club“, „Zodiac“ и „The Social Network“. Пит и Финчер повторно соработуваат по филмовите „Seven“, „Fight Club“ и „The Curious Case of Benjamin Batton“.

Познати и нови актерски имиња

Трејлерот открива и што се случило со Рик Далтон. Кога го прашале зошто повеќе не е негов каскадер, Клиф одговара дека Рик „се здебелил премногу“ за да биде негова замена.

Леонардо Дикаприо не се појавува во новиот филм, но Тимоти Олифант се враќа од оригиналната екипа како Џејмс Стејси. Новите членови на екипата се Елизабет Дебики, Скот Кан, Карла Гугино, Јахја Абдул-Матин II и Питер Велер.

Сценариото на Тарантино, визијата на Финчер

Особено е интересно што Тарантино овој пат не ја презеде режијата. Тој го напиша сценариото, но му ја остави режисерската палка на Финчер, па публиката ќе го види истиот лик и истиот свет за прв пат преку естетиката на друг автор. Трејлерот веќе ја покажува таа разлика. Разиграниот Холивуд од 1969 година беше заменет со посуров и потемен приказ на Лос Анџелес кон крајот на седумдесеттите години.

Кино, Нетфликс и роман

„Понатамошните погрешни авантури на Клиф Бут“ првпат се прикажува во IMAX кината на 25 ноември, каде што ќе се прикажува ексклузивно две недели. Доаѓа на Нетфликс на 23 декември.

Филмот ќе биде и првиот наслов на Нетфликс што ќе има глобално IMAX издание. Приказната за Клиф Бут нема да остане само на филм. На 8 декември, Тарантино го објавува романот „Авантурите на Клиф Бут“, неговиот втор роман по книжевната верзија на филмот „Си беше еднаш... во Холивуд“.

Тагови: Бред Пит

Европа

Масовна тепачка во мало гратче во Словенија- се тепаат дваесетина момчиња и девојки (ВИДЕО)

Во Постојна во Словенија се случи масовна тепачка во која учествуваа повеќе од дваесет млади мажи и жени.

Снимките од минатиот викенд од улицата Тржашка во центарот на Постојна покажуваат млади луѓе како викаат, се тепаат и уништуваат инвентар пред Музичкото кафе. Градоначалникот Игор Марентич, исто така, ги гледал видеата. „Не, сè уште не сум го доживеал ова. Не се сеќавам дека сум видел сличен случај во Постојна“, рекол тој, пренесува РТВ Словенија.

„Ситуацијата стана неподнослива“

Жителите со години страдаат од ноќна бучава, но велат дека ситуацијата станала неподнослива. Се жалат на оштетени автомобили и пречести интервенции на брза помош поради пијани млади луѓе. Во последните месеци, тие документираат сè и ги предаваат снимките на полицијата. Не сакаат јавно да излегуваат бидејќи се плашат од последиците. Градоначалникот Марентич потврди дека Општината е свесна за проблемот.

„Добивме две писма од станари во непосредна близина. Знам дека полицијата интервенирала во тој бар и претходно“, рекол тој.

Во саботата, полицијата пристигнала во 1:30 часот наутро. Младите избегале, а на местото на настанот бил пронајден само еден лесно повреден 22-годишен маж. Полицијата истражува сомнителни кривични дела закани и насилно однесување. Официјалното работно време на барот е до 22:00 часот, а еднаш месечно е дозволено да работи до 2:00 часот наутро. Пазарните инспектори спроведоа неколку инспекции од 2022 година, и само еднаш утврдија прекршок и издадоа опомена.

View this post on Instagram

A post shared by RTV Slovenija info (@rtvsloinfo)

Општината размислува за намалување на работното време

Жителите ја предупредуваат Општината од мај и бараат реакција, но тврдат дека досега ништо не е преземено. Градоначалникот, сепак, сега најави конкретни чекори. „По овој последен настан, ја анализиравме ситуацијата. Во Општината одлучивме дека сериозно ќе размислиме за издавање дозволи за работа ноќе. Можеби до единаесет или дванаесет, но веројатно не подолго“, изјави тој за РТВ Словенија.

Менаџерот на барот не сакаше да даде изјава пред камерата, но во разговорот рече дека настаните на улицата немаат никаква врска со нив. Сопственикот, пак, изјави дека се обидуваат да спречат проблеми, но не појасни на кој начин. Жителите се убедени дека месечните забави привлекуваат проблематични гости. Тие очекуваат Општината да го почитува најавата и да го скрати работното време за настаните што се организираат однапред еднаш месечно.

Тагови: словенија тепачка