Кејти Пери најави музичка точка во Вселената за денеска - Канал 5

Шоу биз

Кејти Пери најави музичка точка во Вселената за денеска

Американската поп-ѕвезда Кејти Пери, заедно со Лорен Санчез - свршеницата на основачот на „Амазон“ (Amazon) и „Блу ориџин“ (Blue Origin), Џеф Безос, денеска треба да полетаат во Вселената и назад.

Кејти Пери најави музичка точка во Вселената за денеска

На цивилната женска екипа ѝ се придружуваат американската телевизиска утринска водителка Гејл Кинг, воздухопловната инженерка Ајша Боу, активистката и научник Аманда Нгујен и претприемачката Керијан Флин.

Се очекува летот до ниската орбита да трае нешто повеќе од 10 минути и да достигне височина од 100 километри над Земјата. Полетувањето од западен Тексас на еднократното возило „Њу шепард“ (New Shepard), управувано од вселенската компанија „Блу ориџин“, е закажано за 14:30 ч. по македонско време (13:30 ч. по Гринич). Времето може да се смени во зависност од временските услови.

Според „Блу ориџин“, ова би било прв целосно женски воздухопловно-вселенски тим, по самостојниот лет на руската космонаутка Валентина Терешкова во 1963 година. Вселенското летало е целосно автоматизирано - нема пилоти на патувањето, објави ДПА.

Екипажот ќе може и накратко да се откачи од седиштата и да лебди бестежински, пред леталото да се врати во Тексас преку слетување со помош на падобран.

Кејти Пери, во меѓувреме, најави и своја музичка точка во Вселената.

- Сонувам да одам во Вселената веќе 15 години и утре тој сон ќе ми се оствари, рече американската поп ѕвезда во видеото објавено на „Инстаграм“. - Мислам дека ќе пеам... Ќе запеам малку. Морам да запеам во Вселената, вели Пери.

Натаму, Пери ги води своите следачи околу капсулата за обука за летот. Облечена во вселенскиот костим, таа го покажа и своето седиште, појаснувајќи и дека нејзиното име во патувањето е „Пердув“ (Feather).

„Блу ориџин“ нуди кратки патувања за вселенски туристи од 2021 година. Успешно се завршени 10 такви мисии, со вкупно 52 патници досега.

Тагови: Кејти Пери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер