Казни до 5.000 евра за продажба и купување е-цигари со арома во Словенија - Канал 5

Живот

Казни до 5.000 евра за продажба и купување е-цигари со арома во Словенија

Во Словенија стапи во сила забраната за сите ароми, освен тутунските, кај електронските цигари и нивните дополнувања.

Казни до 5.000 евра за продажба и купување е-цигари со арома во Словенија

Здравствениот инспекторат и Управата за јавни приходи ќе вршат засилени контроли, а казни им се закануваат и на поединци кои ќе продаваат, бесплатно ќе нудат или онлајн ќе купуваат забранети производи, пренесува 24ur.com.

Според минатогодишните измени на Законот за ограничување на употребата на тутунски и сродни производи, во Словенија е забранета продажба на електронски цигари и дополнувања со слатки, овошни и билни ароми, без оглед дали содржат никотин. Дозволена е само продажба на производи со 16 одобрени супстанци што даваат тутунски вкус, соопшти Министерството за здравство.

„Истражувањата покажуваат дека електронските цигари ги користат и деца на возраст од 9 до 11 години. Треба да се знае дека тие штетат на здравјето и содржат канцерогени супстанци. Главната состојка е никотинот, кој влијае врз срцето и крвните садови, белите дробови и развојот на мозокот, а притоа предизвикува зависност“, предупреди Весна Маринко, директорка на Директоратот за јавно здравје.

Слатките и овошните е-цигари доведоа до зголемување на консумацијата меѓу малолетниците за 200 проценти за само три години, што поттикна решителна реакција од државата. Властите се надеваат дека со оваа мерка повеќе млади ќе престанат да пушат, пишува „Ал Џезира Балканс“.

За оние што ќе продаваат или нудат забранети е-ароми предвидени се казни од 3.000 до 5.000 евра, додека купувачите на вакви производи онлајн може да бидат казнети со суми од 125 до 5.000 евра.

Здравствениот инспекторат и Управата за јавни приходи ќе вршат надзор со земање примероци, проверка на усогласеноста и повлекување на неусогласените производи од пазарот. Контролите ќе важат и за забраната за пушење на затворени јавни простори, игралишта и дворови на градинки и училишта.

Корисниците на е-цигари што ќе ја прекршат забраната може да бидат казнети со глоба до 5.000 евра. Инспекциите ќе се спроведуваат и во соработка со полицијата и комуналните редари, вклучително и во јавниот превоз.

Министерството за здравство ја смета оваа забрана за важен чекор во заштитата на здравјето на граѓаните, особено на младите. Словенија со ова се приклучува кон бројни земји-членки на ЕУ што веќе воведоа слични мерки.

Според податоците на Националниот институт за јавно здравје, секоја недела во Словенија умираат 60 лица од последици од пушењето. Институтот се залага за дополнителни ограничувања, како намалување на бројот на продажни места и зголемување на цените на тутунските производи.

Тагови: словенија електронски цигари Казни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер