Регион

Казна од половина милион евра за компанија за млеко и млечни производи поради профитерство

Над половина милион евра казна за компанија за млеко и млечни производи во Грција поради профитерство.

Министерството за развој на Грција изрече парична казна од 561.000 евра за компанија за млеко и млечни производи, за профитерство, а меѓу другото и за високите цени на млекото за бебиња, јави дописничката на МИА од Атина.

Од надлежното Министерство соопштија дека по спроведените контроли на голем број производи, било констатирано за девет од нив, вклучително и бебешките млечни производи, компанијата остварила поголема профитна маржа од она што го дозволува грчкиот закон.

Министерот за развој на Грција Костас Скрекас истакна дека станува збор за висока казна за една од најпознатите компании специјализирани, меѓу другото и за млеко за бебиња, додаде дека контролите ќе продолжат и „нема да се толерираат неправедни практики на профитерство“.

Во изминатиот период во Грција имаше низа реакции за цената за млекото за бебиња, која е и до 213 отсто повиска во споредба со цената во други земји од Европската Унија.

Денешнта казна е прва изречена на компанија која произведува и млеко за бебиња.

НБА

НБА: Убедливи победи на Бостон и Оклахома

Првите носители во своите конференции во американската професионална кошаркарска НБА лига, Бостон на Истокот и Оклахома на Западот, со убедливи домашни победи ги почнаа своите конференциски полуфиналиња.

Бостон синоќа го победи Кливленд со 120-95, додека Оклахома беше подобра со 117-95 од Далас.

Џејлен Браун со 32 поени го предводеше Бостон до стартната победа, додека Шеј Гилџес – Александер беше најефикасен во дресот на Оклахома со 29 кошеви.

Вторите натпревари, исто така, ќе се играат во Бостон и Оклахома, а на програмата се ноќта меѓу четврток кон петок.

Во конференциското финале ќе се пласираат поуспешните екипи во сериите до четири победи.

Македонија

Навремено и без проблеми почна изборниот процес во Прилеп

Гласањето во Прилеп почна навреме и тече непречено и без проблеми, потврдуваат од општинската изборна комисија.

Своето право на глас денеска може да го остварат 62 169 избирачи за претседателските избори и 62 271 гласач на парламентарните избори.

-Точно во 7 часот се отворени 142-те избирачки места во Прилеп. Изборниот процес почна без проблеми. Гласачкиот материјал изборачките одбори навреме го подигнаа, изјави Валентин Божиноски, претседател на ОИК Прилеп.

Според првичните информации од комисиите, гласањето почна навремено и во Кривогаштани, Долнении во Крушево.

Во Крушево денеска може да гласаат 7 775 граѓани со прави на глас на претседателските или 7 795 избирачи на парламентарните избори кои гласачкото право може да го остварат на 22 гласачки места.

Во Кривогаштани на 13 избирачки места своето право на глас го остваруваат 4 428 гласачи за претседателските, а 4 434 избирачи се запишани во единствениот избирачки список за парламентарните избори.

Во Долнени денеска може да гласаат 11 730 жители со право на глас за претседателските, а 11 748 избирачи за парламентарните избори. Се гласа на 40 избирачки места.

Во Прилеп вчера правото на глас го остваруваа болните и немоќните, штитениците во Домот за стари лица „Киро Крстески Платник“ и осудениците во прилепскиот затвор. Од 455 болни, правото на глас го искористиле 430 за претседателските, а 432 граѓани за парламентарните избори. Во Домот за стари лица, од 68 запишани избирачи од 21 општина гласале 48, а во прилепскиот затвор од 104 осуденици со право на глас, за претседателските избори гласале 77, а за парламентарните 81 лице.

Ракомет

Познати се полуфиналните пресметки во ракометната лига на шампиони

Европската ракометна федерација (ЕХФ) со жрепка во вторникот вечер ги одреди полуфиналните дуели во Лигата на шампиони во машка и женска конкуренција.

Машкиот фајнлфор ќе се одржи во Келн во „Ланкснес арената“ на 8 и 9 јуни, а завршниот турнир во женска конкуренција ќе биде една недела претходно во Будимпешта.

Германски Кил ќе игра против шпанска Барселона, додека во второто полуфинале се среќаваат дански Алборг и германски Магдебург.

Во полуфиналето во женска конкуренција, данскиот Есбјерг ќе игра против унгарски Ѓер, а француски Мец против германски ББМ Битигхајм.