Животот е сѐ поскап, а платите не мрдаат. Маслото за јадење, млекото, лебот, јајцата – основните прехранбени производи – сѐ е поскапено.

Пакување од 10 јајца, е веќе 113 денари, маслото за јадење над 90 денари, килограм брашно 49 денари, јогурт 87 денари, покачени се цените на млекото, сирењето. На пазарите исто така има посапувања на овошјето и зеленчукот. Црешите веќе станаа луксуз.

Последните податоци за потрошувачката кошничка се поразителни, зголемена е за 836 денари за еден месец. Веќе три минимални плати се потребни за да може да се преживее.

Една просечно македонско семејство со две деца не можат да ги покријат основните трошоци во месецот, платите не стигнуваат од први до први.

Како да се покрие храна, струја, вода, школо, лекови? Нема со што да се плати рата за кредит или кирија.

Народот се мачи како да истурка месец за месец, додека власта се гоштева со манго, папаја, октоподи.

Ова не се статистики, ова е суровата реалност на луѓето во Македонија. На пензионерите кои бројат денови до следната пензија. На младите семејства кои веќе не можат да си дозволат ни основни работи. На самохраните родители кои се борат со скапотијата. На сите оние што се трудат чесно да работат, а не можат да живеат пристојно.

Животот во Македонија никогаш не бил поскап, а Владата нема решение за високите цени.

Премиерот не знаел дека цените биле поскапени, па ќе чекал, да видел какви ќе биле анализите, па ќе реагирале. Ова не е само несериозно, ова е директно признание за промашените владини политики и тотална негрижа за стандардот на луѓето.

СДСМ со месеци наназад алармира и предлага конкретни решенија кои власта упорно ги одбива:

- Укинување ДДВ за храна.

- Зголемување на минималната плата на најмалку 500 евра.- Зголемување на платите во приватниот сектор.

- Поддршка за домаќинствата со најниски приходи.

Работниците гласно бараат повисоки плати, поголема минимална плата и власта не смее да ги игнорира, туку мора да преземе нешто.

СДСМ ќе продолжи да се бори за стандардот на граѓаните. Работниците, граѓаните, заслужуваат достоинствен живот.

Прес конференција на СДСМ, Кристина Костова - потпретседателка

СДСМ

-Имам концепти за Газа кои мислам дека се многу добри - да се направи слободна зона, да се вклучат САД и едноставно да се направи слободна зона, рече американскиот лидер во Катар.

„Би бил горд што Соединетите Држави би го имале, би го преземале, би го направиле слободна зона“, рече Трамп.

Во меѓувреме, Агенцијата за цивилна заштита на Газа соопшти дека бројот на жртви во израелските напади во текот на ноќта се искачил на 82, ажурирајќи го претходниот извештај.

-Бројот на жртви од израелските воздушни напади врз Газа се искачи на 82 откако окупацијата таргетираше повеќе домови во северна Газа, изјави портпаролот на цивилната одбрана Мохамед ал-Мугаир.

Општина Ѓорче Петров објави јавен оглас за распределба на финансиски средства за поддршка на спортски клубови, здруженија, спортисти и спортски манифестации за 2025 година.

Право на учество имаат сите спортски субјекти и организатори на спортски настани со седиште или активност на територија на Општина Ѓорче Петров, како и оние чии проекти ќе се реализираат на нејзиното подрачје.

Краен рок за аплицирање е 29 мај 2025 година, а пријавите се доставуваат по пошта или лично во архивата на oпштина, секој работен ден од 08:00 до 16:00 часот. Пликот треба да биде без идентификациски ознаки и со назнака „не отворај – за Комисијата за распределба на буџетски средства за спорт“.

Кандидатите треба да достават комплетна документација, вклучувајќи пријава, програма за работа, потврди, финансиски извештај и докази за регистрирана дејност, согласно со типот на апликантот (клуб, спортист, манифестација).

Одлуката за избор ќе биде објавена на веб-страницата на Општина Ѓорче Петров (www.opstinagpetrov.gov.mk) најдоцна 15 дена по истекот на рокот за пријавување. Избраните корисници потпишуваат договор со општината, по што следи исплата на 50% од средствата. Останатите средства се исплаќаат по доставување на финансиски извештај.

За повеќе информации и преземање на пријавата, апелираме заинтересираните да ја посетат официјалната веб-страница на

Општина Ѓорче Петров