Кавадарци одбележува 81 година од убиството на народниот херој Страшо Пинџур - Канал 5

Култура

Кавадарци одбележува 81 година од убиството на народниот херој Страшо Пинџур

 Кавадарци денеска одбележува 81 година од убиството на народниот херој  Страшо Пинџур, од времето на НОВ и Револуцијата 1941-1945 година, информираат од Музеј галеријата во градот. 

Кавадарци одбележува 81 година од убиството на народниот херој Страшо Пинџур

Страшо Димитар Пинџуров бил роден на петти март 1915 година во Струмица каде неговиот татко работел како учител. Потекнувал од познатото револуционерно семејство Пинџурови од Ваташа. Се образувал најпрво во Ваташа и Кавадарци, а кога во 1929 година биле укинати сите гимназии во Македонија од страна на големосрпската буржуазија, своето образование го продолжил во Србија, каде биле отворени посебни интернати за македонските ученици. Во гимназијата во Крагуевац се изградувал како напреден младинец и револуционер.

- Таму во 1933 година започнал да го пишува својот дневник во кој можеме да прочитаме за неговите размислувања, за светот што го опкружува, за другарите, за љубовта. Покрај другото во овој дневник запишал: „Јас ќе умрам млад, а мојот гроб нема да се знае”. Ова негово претчувство навистина се остварило, потсетија од Музејот.

Во 1935 година Страшо Пинџур се запишал на Правниот факултет во Белград. Многу брзо влегол во редовите на напредното младинско и револуционерно движење. Се вклучил во Друштвото на напредните македонски студенти ,,Вардар”, а во текот на 1936 година бил избран за негов секретар. Станал и член на Акциониот студенски одбор. Тој бил еден од основачите на македонското народно движење МАНАПО.

Во 1938 година се обидел да се префрли во Шпанија за да се бори во интернационалните бригади против фашистичката диктатура на генералот Франко. Дошол до Прага, но не успеал да фати врска, па се вратил во Белград. Поради неговата голема активност и агитација меѓу студентите и работничката младина, во мај 1938 година бил уапсен од белградската полиција и осуден на шест месеци затвор во Ада Циганлија.

За време на летниот распуст во 1939 година, Страшо Пинџур заедно со Ристо Михов и Ѓошо Бојаџиев, ја формирале партиската ќелија на КП за Кавадарци и Ваташа, ја обновиле партиската организација која по 1920 година се наоѓала во длабока илегала. По завршувањето на Правниот факултет во декември 1940 година, неговата активност како револуционер уште повеќе се зголемила.

- На 26 март 1941 година дошол во Скопје и заедно со Кузман Јосифовски – Питу и Мирче Ацев учествувале во демонстрациите против приклучувањето на Југославија кон Тројниот пакт. Со нападот на бугарските окупаторски сили на Македонија во април 1941 година, тој се наоѓал во Скопје каде бил назначен за инструктор на ПК на КПЈ за Македонија, а од септември 1941 година бил член на Покраинскиот воен штаб. Тој бил задолжен да ја зајакне партиската структура, да формира нови месни комитети и воени штабови, потсетија од Музејот.

Од јуни 1942 година бил член на Главниот Штаб на Македонија. Есента 1942 година бил разбиен велешкиот партизански одред ,,Димитар Влахов”. Страшо Пинџур и Мирче Ацев дошле во Велес да ја консолидираат работата на партиската организација.

- На 18 декември се провалени од бугарската полиција во куќата на Јован Митрев, биле уапсени и спроведени во Обласната полициска управа во Скопје. На четврти јануари 1943 година во Скопскиот областен затвор како последица од силните измачувања од бугарската полиција, Страшо Пинџур умира. Било наредено уште истата вечер телото да биде однесено и закопано некаде на тајно место.

Загинал на неполни 28 години. Така завршил животот на еден од најголемите револуционери и политички раководители на Македонија од времето на Втората светска војна. До денес не се знае каде е неговиот гроб. Кога на 24 септември 1943 година на планината Кајмакчалан бил формиран Вториот баталјон во Македонија, името го добил по големиот револуционер и борец Страшо Пинџур. За неговата активност во организирањето на македонскиот народ во борба против бугарскиот фашистички окупатор, Страшо Пинџур е меѓу првите прогласени народни херои во Македонија и Југославија на 29.07.1945 година, велат од Музеј галеријата во Кавадарци.

Во текот на денот, ќе има положување цвеќе на бистата пред спомен куќата на Страшо Пинџур и на новиот споменик во селото Ваташа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 29. јуни 2026 година

Дневен хороскоп за понеделник, 29. јуни 2026 година. 

Дневен хороскоп за 29. јуни 2026 година

Рак 22.6-22.7.

Љубов

Оние кои уште бараат сродна душа, ќе се обидат да ја најдат на место касде се собираат со пријателите.

Кариера

Зад себе оставивте се уредно и како што треба и така очекувате да најдете. Сепак , ќе треба да проверите некои ситни работи за кои мислите дека недостасуваат.

Здравје

Веќе не сакате да ве искористуваат.

Лав 23.7-22.8.

Љубов

Премногу зборување не води никаде , искрените прегратки и погледи ќе бидат доволни за да се чувствувате добро и исполнето.

Кариера

Можно е да почнете соработка со една прекуморска земја или со место што е поврзано со вода.

Здравје

Внимавајте на здравата исхрана, пијте повеќе течности.

Девица 23.8.-23.9.

Љубов

Во секој момент одржувајте пријателски став кон другата страна и не ја наметнувајте својата волја.

Кариера

Една фаза од вашата кариера денеска завршува и почнува нова. Можно е да ви претстават нов план за развој.

Здравје

Слабост и главоболка.

Вага 24.9.-23.10

Љубов

Постојаната стабилна врска ќе ви даде сила да се соочите со предизвиците во другите области од животот.

Кариера

Успешно ќе се борите со барања од кои нема сите да ви се допаѓаат. Ќе ги вртите работите во своја корист.

Здравје

Вежбајте за да зајакнете.

Шкорпија 24.10-22.11.

Љубов

Ќе ги игнорирате грижите и ќе и се посветите на својата најмила личност со полно внимание.Ќе бидете задоволни. Осамените секако нека излезат.

Кариера

Бргу ќе го премотувате филмот целиот работен ден и ќер заклучите дека сте ги решиле сите проблеми онака како што требало.

Здравје

Движете се што повеќе.

Стрелец 23.11.-21.12.

Љубов

Некои ќе влетаат во површна куса врска , во која ќе покажат голема доза на инвентивност.

Кариера

Се наоѓате на чекор до нови предизвици , кои се атрактивни и ви носат нова желба и мотив за работа.

Здравје

Движете се .

Јарец 22.12.-20.1.

Љубов

За секој свој љубовен проблем денеска ќе најдете решение. Вашиот оптимизам ќе порасне и покрај емотивните празнини.

Кариера

Се отвора една голема врата низ која наскоро ќе поминете. Тоа е шанса за професионално усовршување.

Здравје

Јадете помалку и патувајте.

Водолија 21.1.-19.2.

Љубов

Многумина најмногу ќе сакаат да излезат меѓу луѓе , без притисок дека мора нешто да се случи. токму таквиот став ќе ви донесе ново познанство.

Кариера

Денеска ќе бидете многу активни во работењето со странки и со луѓе воопшто. Другите ќе го препознаваат вашиот труд околу нив.

Здравје

Не останувајте сами дома, излезете.

Риби 20.2.- 20.3.

Љубов

Во личните односи ќе се фокусирате на што поголемо зближување. Ќе ви биде потребен допир, прегратка и бакнеж.

Кариера

Вашиот стил на работа подразбира ред и континуитет. Неодговорните би можеле да ви се спротистават , но безуспешно.

Здравје

Останете свои.

Овен 21.3-20.4.

Љубов

Денеска би можеле да ја почуствувате грубоста на партнерот , на кого му е доста од вашето лебдење во облаци. Обидете се да бидете позрели и поконкретни.

Кариера

Ќе напредувате во областа на уметноста, но сите конкретни работни задачи тешко ќе ги остварувате.

Здравје

Внимавајте на вируси.

Бик 21.4- 20.5.

Љубов

Ќе заклучите дека вашата самодоверба не е толку важна , колку што е важно да сакате , па што ќе биде, нека биде.

Кариера

Ќе ја анализирате својата листа на приоритети и на прво место ќе поставите нешто ново.

Здравје

Верувајте во себеси.

Близнаци 21.5.-21.6.

Љубов

Денеска е убав ден за секаков вид дружење и неврзани разговори на кафе. Прошетајте се , поразговарајте.

Кариера

Можеби ќе ви се јави некоја странка или ќе добиете заостанат меил. Се ќе решавате со леснотија.

Здравје

Радувајте и се на иднината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љубиша Николовски Столе Наумов, Сафет Бишевац и Богдан Илиевски вечерва во „Само вистини со Видиновски“

Вечерва во „Само вистини со Видиновски“  гости ќе бидат Љубиша Николовски Столе Наумов, Сафет Бишевац и Богдан Илиевски

Љубиша Николовски Столе Наумов, Сафет Бишевац и Богдан Илиевски вечерва во „Само вистини со Видиновски“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Родители од пеколот: Детето им починало на 7 годишна возраст- побарале ветеринар за кучето, но не и доктор за момчето

Родителите на Каспер О'Брајан, 7-годишно момче кое починало на седумгодишна возраст, со тежина од огромни 115 килограми, се обвинети за убиство од втор степен, тортура и злоупотреба на деца, соопштија обвинителите од округот Џенеси.

Родители од пеколот: Детето им починало на 7 годишна возраст- побарале ветеринар за кучето, но не и доктор за момчето

Дамиен, 40, и Џесика О'Брајан, 41, беа уапсени откако службите за итни случаи беа повикани во нивниот дом во ноември минатата година, кога нивниот син Каспер престана да дише. Момчето беше однесено во болница, но подлегна на срцево заболување кое се влошило поради неговата екстремна дебелина, според извештаите.

Според окружниот обвинител Дејвид Лејтон, момчето било неподвижно, не можело да зборува и живеело во крајна мизерија. Условите во домот биле толку лоши што полицајците не можеле ниту да влезат за да им помогнат на лекарите поради недостаток на простор. Иако двајцата родители биле вработени и имале здравствено осигурување, Каспер - за кој се верува дека бил во аутистичниот спектар - и неговата помлада сестра не добивале медицинска нега.

Лејтон особено ја истакна апсурдноста на ситуацијата: „Тие знаеја да се јават на ветеринар истото утро кога детето доживеа срцев удар бидејќи кучето било болно, но не ги носеа децата на лекар.“

Петгодишната сестра на Каспер, опишана од обвинителите како „дива“, веднаш беше отстранета од домот и ставена под привремен старателство во Центарот за услуги за заштита на децата.

Обвиненијата против О'Брајан вклучуваат убиство од втор степен, тортура и повеќекратни обвиненија за злоупотреба на деца. Тие се соочуваат со сериозни обвиненија за предизвикување сериозни физички повреди на детето преку години занемарување.

Случајот предизвика јавен шок поради екстремната тежина на момчето за неговата возраст - за седумгодишно дете со просечна висина од околу 128 см, нормалната тежина е помеѓу 20 и 30 килограми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер