Ракомет

Кастратовиќ: Работевме на подобрување во одбраната

Индира Кастратовиќ тренерот на македонскиот женски ракометен шампион Вардар СЦБТ на денешната прес-конференција кажа дека изминативе неколку дена во пресрет на средбата со Митјиланд во тимот се работело на подобрување на играта во одбрана.

- Оваа недела работевме на подобрување на одбраната. Воедно на „моите девојки“ им напомнав дека одбраната е клуч за победата. Митјиланд или поранешен Икаст е квалитетен состав. Завршија на првото место во првата групна фаза. Нам добро ни е познат квалитетот на данскиот ракомет. Ние на претходните два натпревара не покажавме се, а верувам дека во следните натпревари ќе играме подобро и подобро, истакна Кастратовиќ.

Вардар СЦБТ во рамките на третото коло од главната фаза од Лигата на шампиони игра значаен натпревар за пласман на една од првите две позиции во групата.

На првите два дуела Вардар СЦБТ има победа над Турингер и реми со Савехоф или вкупно три бодови.

Натпреварот ЖРК Вардар СЦБТ – Митјиланд ќе се одигра в сабота од 18 часот во СЦ „Борис Трајковски“ во Скопје.

Забава

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Фудбал

Унион Берлин му врачи отказ на Бјелица

Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Свет

Макрон ја поздрави намерата на Кина да се воздржи од продажба на какво било оружје на Москва

Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.