Каселакис: Испраќањето фрегата во Црвеното море ги става во опасност грчките вооружени сили - Канал 5

Балкан

Каселакис: Испраќањето фрегата во Црвеното море ги става во опасност грчките вооружени сили

Каселакис додава дека постојат сериозни безбедносни предизвици во Црвеното море, но порачува дека меѓународната заедница мора да се фокусира на дипломатски акции за мир, а „Грција и ЕУ можат и треба да играат клучна улога“.

Каселакис: Испраќањето фрегата во Црвеното море ги става во опасност грчките вооружени сили

Одлуката на Владата да испрати фрегата во поморската операција „Prosperity Guardian“ во Црвеното Море ги става во опасност грчките вооружени сили, смета лидерот на СИРИЗА Стефанос Каселакис и коментира дека станува збор за операција што не е во рамки на меѓународна организација во која учествува Грција, јави дописничката на МИА од Атина.

Претседателот на грчката опозициска партија посочува дека приоритет за армијата треба да биде „одбраната на суверенитетот и суверените права на Грција“, а улогата на земјата во поширокиот регион, „не треба да се фокусира на развојот на нејзиното воено присуство, туку на нејзината дипломатска улога на столб на мир и стабилност“.

Каселакис додава дека постојат сериозни безбедносни предизвици во Црвеното море, но порачува дека меѓународната заедница мора да се фокусира на дипломатски акции за мир, а „Грција и ЕУ можат и треба да играат клучна улога“.

Министерот за национална одбрана на Грција Никос Дендиас вчера соопшти дека фрегата на грчката воена морнарица ќе учествува во меѓународната операција „Prosperity Guardian“ во Црвеното море, за заштита на трговските бродови, животите на морнарите и глобалната економија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Страшна несреќа во Бразил: Најмалку 22 мртви

Најмалку 22 лица загинаа во судир помеѓу минибус и камион на автопат во бразилската држава Парана, соопшти денес Федералната сообраќајна полиција.

Страшна несреќа во Бразил: Најмалку 22 мртви

Уште пет лица се повредени во несреќата, која се случи рано утрово, објави „CNN“. Повеќето од загинатите биле патници во минибус кој припаѓал на здравствената служба на општината Имбитува.

Возачот на камионот, исто така, починал. Повредените се однесени во болниците во Понта Гроса. Минибусот патувал од Имбитува до болниците во пошироката област Куритиба, додека камионот патувал од Карамбеј до Прудентополис.

На местото на несреќата интервенирале членови на Федералната сообраќајна полиција, цивилната полиција, брзата помош, противпожарната служба и екипи од концесионерот Виа Араукарија, кој управува со делницата.

Фото: X

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иран до земјите од заливот: Секоја помош за американската армија ќе ја сметаме за учество во војната

Иран ги предупреди земјите од заливот да не даваат никаква помош на американската војска, нагласувајќи дека тоа ќе го смета за поддршка на  воените операции на Вашингтон против Исламската република.

Иран до земјите од заливот: Секоја помош за американската армија ќе ја сметаме за учество во војната

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати, опишувајќи ги како „целосно неосновани“, јави ДПА. Претходно, министерството за одбрана на емиратите објави дека биле пресретнати две балистички ракети лансирани од Иран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вашингтон им ја мери „лојалноста“ на НАТО сојузниците

Администрацијата на американскиот претседател Доналд Трамп испратила до земјите членки на НАТО прашалник со кој, со цел да ја оцени нивната лојалност со американската политика..

Вашингтон им ја мери „лојалноста“ на НАТО сојузниците

Како што објави Блумберг, прашалникот навлегува токму во темите што го делат Вашингтон од дел од европските сојузници, како американските воени активности против Иран и односот кон Николас Мадуро.

Земјите требале да одговорат и за европските набавки на оружје и дали тие ги насочуваат кон домашни или кон американски компании..Белата куќа, според медиумите, поставила и директни прашања за американската надворешна политика и од членките се бара да наведат дали јавно ги поддржале позициите на Вашингтон. Прашалникот стигнува и до американското воено присуство во Европа. Земјите исто така треба да наведат какви ограничувања поставиле за користењето на нивните бази од американските сили.. Извори од нато ваквите чекори ги доживуваат како обид за наметнување идеолошка линија. Според нив, политичката усогласеност се става во равенка со американската воена заштита.. Дел од сојузниците сметаат дека пристапот „безбедност преку лојалност“ ги поткопува темелите на трансатлантските односи воспоставени по Втората светска војна., пишува Блумберг..

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер