Карлеуша со нови леќи за сини очи и без фотошоп (ФОТО)

Јелена Карлеуша се појави на снимањето на шоуто Ѕвезде Гранда со светло сини леќи, а во студиото дојде во краток зелен фустан.

Пред да биде фотографирана во студиото, Карлеуша се пофали и со своите леќи на Инстаграм, но очигледно е дека малку ја уредила фотографијата.

Инаку, таа носела фустан со потпис на Софија Милошевиќ, свршеницата на фудбалерот Лука Јовиќ, која неодамна се породи.

Карлеуша ја следат 2,3 милиони луѓе на Инстаграм, а за нејзиното фотошопирање и селфи често се дискутира.

Hi 😏 In @bysofimilo

A post shared by JELENA KARLEUŠA (@karleusastar) on

"Мотивациска порака за хејтерите: Изгледам 100 пати подобро во живо и сум убава без шминка. На сите им посакувам прекрасен ден", напишала еднаш на социјалните мрежи.

👧🏼

A post shared by JELENA KARLEUŠA (@karleusastar) on

Груби денес беше во посета на Приштина

Тој се сретна со заменик-претседателката на владата на Косово, г-ѓа. Албулена Балај-Халимај.

Првиот вицепремиер и министер за политички систем и односи меѓу заедниците, г.Артан Груби денеска во Приштина оствари работна средба со заменик-претседателката на Владата на Република Косово, г-ѓа. Албулена Балај-Халимај.

На оваа средба се разговараше за одржување на заедничката седница меѓу двете влади, на Македонија и Косово, каде двајцата вицепремиери Груби и Балај-Халимај се обврзаа да ја одржат оваа седница што е можно поскоро, бидејќи има многу прашања за дискусија и многу договори за потпишување за доброто на граѓаните.

Груби и Балај разговараа и за интерконекцијата со гас на Република Косово, процес што треба да се направи преку Македонија.

Првиот вицепремиер, г. Артан Груби ја извести вицепремиерката на Косово, г-ѓа. Албулена Балај Халимај дека физибилити студијата финансирани од Инвестицискиот Фонд за Западен Балкан се веќе започнати и ова ќе биде од голем интерес за граѓаните на Република Косово, не само заради цената на електричната енергија, туку и заради заштитата на животната средина.

Груби и Балај разменија мислења и за автопатот Скопје-Блаце, кој ќе биде поврзан со автопатот што води кон Приштина.

Груби и потенцираше на вицепремиерката Балај дека во Северна Македонија, владата веќе го назначи г. Ејуп Рустеми за директор на ЈП „Државни патишта на Македонија“, со кого за 1 недела одржал два состанока и дека веќе започнаа интензивно да се занимаваат со овој пат. Според Груби, 90 проценти од експропријацијата на земјиштето е завршена, а останатите 10 проценти ќе бидат завршени најдоцна во рок од 1 или 2 недели, додека работите веќе трет ден започнаа во првите два километра на патот што води кон Блаце.

Првиот вицепремиер и министер за политички систем и односи меѓу заедниците, г. Артан Груби го повтори својот став дека се надева дека до крајот на 4-годишниот мандат на владата, граѓаните на двете земји ќе имаат можност да пристигнат од Скопје до Приштина и обратно за 40 минути, продолжувајќи со воспоставувањето на заеднички контролни пунктови на границите помеѓу Македонија и Косово.

На крајот на оваа средба, Груби и Балај-Халимај разговараа и за соработката во областа на туризмот, особено за ски центарот Попова Шапка во Македонија и Брезовица во Косово, каде преку јавно приватно партнерство и европски фондови можно е да се изгради центар на заеднички туризам што ќе биде најатрактивниот во Југоисточна Европа.

Сектор за односи со јавност

Кабинет на првиот вицепремиер и министер за политички систем и односи меѓу заедниците

За една недела 14 664 решенија за изолација и 27 прекршочни пријави за угостители

Споредено со претходниот месец, како што информира, се забележува намалување на прекршувањата на ковид протколите кои произлегуваат од Законот за заштита на населението од заразни болести.

Согласно Законот за заштита на населението од заразни болести во ноември инспекторите имаат изречено осум прекршочни пријави, 16 платни налози, 30 решенија и донесени се 39858 решенија за изолација на заболени лица од коронавирусот и лица кои биле во контакт со заболено лице, информира на денешната прес-конференција претседателката на Инспекцискиот совет, Магдалена Филиповска-Грашкоска.

Таа денеска ги презентираше податоците од спроведените контроли во периодот од 16 заклучно со 22 ноември. Во посочениот период инспекторите од Државниот здравствен и санитарен инспекторат извршиле вкупно 96 надзори од кои 72 се по однос на здравствените протоколи и во изминатите седум дена ДСЗИ издаде вкупно 14664 решенија за изолација и домашно лекување на лица позитивни на Ковид и лица кои биле во контакт со позитивно лице. Овие инспектори, како што информира Филиповска-Грашкоска, донесоа и 11 решенија за констатирани неправилности врз основа на спроведените надзори.

– Државниот пазарен инспекторат во текот на изминатата недела изврши 3463 контроли и 553 надзори поврзани со материјалните закони и со здравствените протоколи за работа на угостителските објекти. Притоа поднесени се 27 прекршочни пријави, од кои две прекршочни пријави се поднесени против угостителски објекти по еден во Тетово и во Гостивар. Овие угостителски објекти не ги почитувале протоколите, односно истите работеле по 21 часот, поради што им е изречена забрана за работа и соодветна глоба. Дополнително, пазарните инспектори изрекоа 52 решенија и 25 прекршочни платни налози по останатите материјални закони по кои постапуваат, соопшти Филиповска-Грашкоска.

Во истиот период Инспекторатот за транспорт извршил 57 надзори, при што се изречени 10 прекршочни пријави, три решенија и четири прекршочни платни налози за прекршување на материјалните закони, односно од извршените надзори по основ на Законот за заштита на населението од заразни болести не се констатирани прекршувања.

– Државниот инспекторат за труд, пак, во истиот овој период спроведе 519 надзори во правни субјекти на територијата на целата држава со фокус на почитување на протоколите во насока на заштита на здравјето на вработените. При овие надзори од страна на трудовите инспектори изречени се 27 решенија и еден прекршочен платен налог кои пред се се однесуваат на утврдени неправилности од областа на работните односи, посочи Филиповска-Грашкоска.

Агенцијата за лекови и медицински помагала извршила 26 надзори во различни аптеки на територијата на целата држава и не се констатирани прекршувања на законските одредби или отстапувања од протоколите.

Агенцијата за храна и ветеринарство, пак, во периодот од 16 до 22 ноември спроведе 386 надзори при што издадени се седум решенија и 22 едукации најчесто поради констатирани неправилности кои се однесуваат на неизвршени здравствени прегледи, неспроведување општи хигиенски мерки, неправилно складирање и чување на производи и неправилно означување на производите.

– Како инспекциски служби правиме максимални напори да ги минимизираме можностите за ширење на коронавирусот во големи и средни производствени капацитети, трговски објекти, кафетерии и угостителски објекти кои послужуваат храна, банки, пошти, аптеки и во сите други правни лица кои извршуваат било каква дејност. Инспекциските служби ќе бидат на терен постојано насекаде низ земјата и навремено и неселктивно ќе го следат почитувањето на сите акти кои Владата ги носи, рече Филиповска-Грашкоска.

Таа нагласи дека и покрај зголемениот број на контроли во месец ноември сепак се детектирани помал број на прекршувања на протоколите со што се потврдува дека зголемените надлежности на инспекциските служби го даваат својот резултат при почитувањето на овие протколи.

Споредено со претходниот месец, како што информира, се забележува намалување на прекршувањата на ковид протколите кои произлегуваат од Законот за заштита на населението од заразни болести.

– За споредба во октомври кога инспекторите немаа надлежности да забрануваат вршење на дејност поради непочитување на ковид протколите од вкупно извршени 6963 надзори и 6123 контроли беа изречени 37 кривични пријави против угостителски објекти кои не ги почитувале протколите, а во месец ноември по донесување на измените на законот констатирани се неправилности кај пет угостителски објекти, појасни Филиповска-Грашкоска.

Соопшти дека по скоро еден месец од стапувањето во сила на измените и дополнувањата на Законот за заштита на населението од заразни болести од страна на инспекторите од шесте инспекциски служби се извршени 10274 контроли и 5149 надзори. /МИА

Почна откупот на тутунот во Тутунскиот комбинат Прилеп

Од денеска законски почнува откупот на тутунот од годинешта реколта. Дел од откупните центри, поточно две компании ги отворија пунктовите а останатите тоа треба да го сторат најдоцна до 1ви декември. 

Годинешната реколта ќе тежи 23 илјади тони, доколку има вишок и тој ќе биде откупен уверува министерот за земјоделство Аријанит Хоџа.

Квалитетот на тутунот е сличен на оној од лани, а најголем дел и годинава е произведен во Пелагонија. Парите се обезбедени, па надлежните очекуваат откупот да се одвива без проблеми.

Со оглед на ситуацијата со пандемијата, надлежните апелираат тутунарите да се придржуваат до мерките за заштита од корона-вирус, за да не се случи поради невнимание да се затворат откупните центри.

притисни ентер