Кари по стапките на Јокиќ - Канал 5

НБА

Кари по стапките на Јокиќ

Ѕвездата на Голден Стејт Вориорс,најдобриот тројкаш во НБА,  Стеф Кари, потпиша договор за спонзорство со кинеската компанија „Ли-Нинг“, со што заврши неколкумесечната сага околу неговиот избор на нов производител на спортска опрема

Кари по стапките на Јокиќ

Ѕвездата на Голден Стејт Вориорс,најдобриот тројкаш во НБА, Стеф Кари, потпиша договор за спонзорство со кинеската компанија „Ли-Нинг“, со што заврши неколкумесечната сага околу неговиот избор на нов производител на спортска опрема, откако се раздели со „Андер Армор“ минатиот ноември.

Во понеделник, Кари официјално откри дека потпишал историски договор со Li-Ning, кој ќе го подигне неговиот „Бренд Кари“ на глобално ниво.

Соработката вклучува развој на кошаркарска опрема, колекции за животен стил, можност за потпишување договори со машки и женски спортисти под неговиот бренд, како и комплетна линија на опрема за голф.

Никола Јокиќ е една од првите НБА ѕвезди што стана заштитен знак на кинески производител на патики со брендот 361°.

Според информациите објавени од ESPN, договорот е потпишан на десет години. Американскиот ас го избра Li-Ning пред неколку домашни и меѓународни конкуренти.

Важен фактор при донесувањето на одлуката беше удобноста за време на тестирањето на моделите што ги носеа двајца од штитениците на кинеската компанија - неговиот соиграч од Вориорс Џими Батлер и легендарниот Двејн Вејд.

Li-Ning планира да отвори продавници на брендот Curry во САД и Кина, додека агентот на Кари, Џеф Остин, ги водеше последните преговори во последните денови.

Кари го заврши своето 13-годишно партнерство со „Андер Армор“ во ноември. Разделката беше опишана како пријателска, а еден од најдобрите стрелци на сите времиња ѝ се заблагодари на компанијата за долгогодишната поддршка.

Сепак, според извори од индустријата, во позадина растеше несогласувањето околу недоволното инвестирање во неговиот бренд во време кога вредноста на компанијата беше во опаѓање.

По напуштањето на „Андер Армор“, Кари привлече големо внимание од јавноста за време на потрагата по нов партнер.

Тагови: Стеф Кари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер