Ова е ставот на Здружението за превенција од кардиоваскуларни заболувања „Здрава иднина“ по најавата на министерот Алиу дека ќе има национална листа за кардиолошки операции и стручен хард тим кој ќе одлучува. Од Зружението сметаат дека за живот на еден човек не смее да се одлучува бирократски и бараат средба со Алиу.

Пред 15-тина 20 години ваква комисија постоеше од пет члена беше составена и одредуваше дали на некој му е потребна операција или не. Да бидеме отворени, таа комисија беше извор на субјектвни одлуки и на коруптивни одлуки. Во изминатите 15 години ако нешто доби на квалитет во кардиоваскуларната свера е тоа што пациентите може да бираат помеѓу приватните и државните „оператори“ што е европско и цивилизациско достигнување. Има општо позната теза која вели „ако сакаш да направиш проблем или да не го решиш формирај комисија.

Министерот на последната прес-конференција кажа дека мора да има нови механизми за контрола и ревидирање на протоколите со цел да не се повтори пациенти да бидат оперирани без потреба и за профит, за што сомнежите ги потврдија и експерти од странство.

-Формираме национален „хард тим“ составен од 9 членови, кардиолози и кардиохирурзи, а тимот ќе биде составен од претставници од јавните и приватните здравствени интитуции во нашата земја. Ќе се пристапи кон формирање на национална листа на кардиохируршки операции. Целта на оваа листа е да имаме појасен увид во елективните интервенции, нивната медицинска оправданост. Редоследот на упатувањето и установите во кои истите ќе се извршат. Итните случаи остануваат приоритет и кај нив нема да има административно одложување. -Азир Алиу – министер за здравство .

Од Здужението очекуваат да бидат повикани во Министерството во текот на наредните две до три недели, а иако се „за“ контролен механизам, сметаат дека идејата со комисија и национална листа не е соодветно решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.