Кардинал Паролин: Навреда против Бога е да се остават Украинците на студ - Канал 5

Свет

Кардинал Паролин: Навреда против Бога е да се остават Украинците на студ

Во Украина, „нема оправдување за принудување илјадници цивили да живеат во темнина и студ. Длабоко сме погодени од вестите за напади врз електрични системи во цивилни објекти, кои им го отежнаа животот на многу луѓе“.

Кардинал Паролин: Навреда против Бога е да се остават Украинците на студ

Со овие зборови, државниот секретар на Ватикан кардиналот Пјетро Паролин го истакна страдањето на украинскиот народ погоден од војната за време на својата проповед на мисата што се одржа вчера во црквата Сант Андреа дела Вале во Рим.

- Секоја постапка што го лишува цивилното население од можноста да живее достоинствено е навреда против човештвото и навреда против Бог, кој е светлина, живот и милост. Не можеме да останеме рамнодушни кон оние кои страдаат од глад, несигурност, војна, зимски студ, затвор и егзил, рече кардиналот.

Тој потсети на зборовите на папата Лав Четиринаесетти кој во вторникот рече: „За жал, секој ден, секој ден луѓе умираат. Мора да инсистираме на мир, почнувајќи од прекин на огнот, а потоа и на дијалог“, пренесе Ватикан Њуз.

По завршувањето на мисата, кардиналот одговараше на новинарски прашања при што го коментираше мировниот план од 28 точки предложен од американскиот претседател Доналд Трамп. Тој изрази надеж дека „ќе се отворат канали за дијалог што ќе овозможат оваа трагедија да заврши“.

- Ќе биде многу тешко да се најде компромис меѓу потребите од една страна и барањата од друга страна. Затоа, претпоставувам дека патот до преговорите ќе биде тешка битка, коментираше државниот секретар на Ватикан.

Според негово, „Европа треба да учествува и да го искаже својот глас, да не остане исклучена“, не само затоа што „беше активно вклучена“ во Украина досега. Што се однесува до прашањето за отстапување територии, кардиналот Паролин рече дека е „прерано да се зборува за тоа, затоа што и тоа ќе биде резултат на преговори“.

- Мирот ќе се постигне само ако двете страни се донекаде задоволни со компромисот, бидејќи на крајот ќе мора да се направи компромис, нагласи тој.

Светата Столица, додаде кардиналот, останува посветена на размената на затвореници и враќањето на украинските деца однесени во Русија: „Продолжуваме да работиме на ова поле, и ми се чини дека механизмот во врска со децата сега е обновен“, рече Паролин.

- Ние сме достапни да помогнеме во оваа област бидејќи веруваме дека, покрај грижата за оние кои страдаат, тоа исто така создава услови кои ќе доведат до мир, рече државниот секретар на Ватикан.

Кардиналот Паролин ја одржа мисата во Рим по повод одбележување на жртвите од Гладоморот (Холодомор) од 1932-1933 година и го нагласи страдањето на украинското население кое денес живее во војна.

Украинскиот амбасадор во Ватикан, Андриј Јураш, им се заблагодари на кардиналот Паролин и на сите присутни, меѓу кои беа неколку италијански политички претставници и над 50 амбасадори од приближно 80 мисии со седиште во Рим. Јураш особено го истакна присуството на делегација од четири украински тинејџери на возраст меѓу 14 и 18 години кои, на почетокот на војната, биле однесени во Русија и сега се вратени кај нивните семејства.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер