Каранфилова - Пановска: Светска банка му ја избриша таблата на Мицкоски, не сме „трета економија“ во Европа - Канал 5

Македонија

Каранфилова - Пановска: Светска банка му ја избриша таблата на Мицкоски, не сме „трета економија“ во Европа

Светка банка му ја избриша таблата на Мицкоски, не сме „трета економија“ во Европа, нагласи заменик претседателката на СДСМ, Фани Каранфилова Пановска, на денешната прес-конфефренција. 

Каранфилова - Пановска: Светска банка му ја избриша таблата на Мицкоски, не сме „трета економија“ во Европа

Таа посочи дека Светска банка со најновиот извештај ги побива оптимистичките тврдења на премиерот Христијан Мицкоски за економскиот напредок на државата, и дека констатира стагнација на Македонија, отсуство на доволно структурни реформи, заостанување во економскиот, политичкиот развој и приближувањето кон Европската Унија.

„Самиот наслов во извештајот на Светска банка кажува се - „Излез од стапицата на среден доход“. Светска банка само ја дава дијагнозата која што ја говориме веќе повеќе од две години. А тоа е дека Македонија стои во место, дека е комплетно изолирана, дека нема реформи и дека таквото непостоење на реформи директно удира во развојот и во економското и политичко и секакво приближување на државата кон Европската Унија. Тоа значи дека бајките на Мицковски за трета економија во светот се распаѓаат како кула од карти. Тоа може да го говори овде внатре за внатрешни потреби. Извештаите на Светска банка и на сите други меѓународни институцији се погласно го говорат спротивното.Светската банка му ја избриша вчера табелата на Мицкоски, веројатно ќе треба да почне одново да црта “ рече Каранфилова Пановска.

Каранфилова Пановска укажа дека според прогнозите на Светска банка, ако политиките на власта продолжат, економскиот раст без структурни реформи ќе биде 2,4 отсто, што би значело дека земјата со децении ќе заостанува зад европскиот просек.

„Извештојот констатира дека растот на економијата, ако продолжиме на истиот начин, без структурни реформи, ќе биде 2,4%. И дека со таков раст од 2,4% до 2050 година, до средината на векот, ќе стасаме едвај до 55% од просекот на развој на европската економија, или со други зборови, со ваков раст, ќе ни требаат 75 години, ниту една цела генерација нема да може да ја заврши работата, да го стасаме, просекот на Европска Унија“ рече Каранфилова Пановска.

Таа додаде дека споредбата со останатите земји во регионот дополнително ја покажува реалната состојба со македонскиот економски раст кој заостанува во споредба со регионот.

„Иако, годинава банката проценува дека растот е 3,2%, што е далеку помалку од сите држави во регионот, констатира дека сите држави од соседството одат побрзо и напредуваат подобро од нас економски“ рече Каранфилова Пановска.

Притоа, Каранфилова Пановска посочи дека и Светска банка укажува на потребата од спроведување на реформите како можност за подобри економски резулти.

„Извештајот вели дека ако ги спроведеме реформите, имаме шанса да обезбедиме раст од 3,8% и да обезбедиме дополнителни 250.000 доброплатени нови работни места до 2050 година.“ рече Каранфилова Пановска.

YouTube video

Скопје, 07.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Прекината потрагата по екипажот на брод погоден од дрон кај брегот на Бугарија

Бугарија ја прекина потрагата по исчезнатиот екипаж на брод што потона откако беше погоден од дрон на околу 130 километри од бугарскиот брег, изјави за „Нова ТВ“ вицеадмиралот Румен Николов од Поморската управа.

Прекината потрагата по екипажот на брод погоден од дрон кај брегот на Бугарија

Рано утрото во вторникот, два брода беа погодени во напад со дронови во рамките на бугарската ексклузивна економска зона во Црното Море. Едниот брод потона, додека другиот претрпе оштетувања. Екипажот на оштетениот брод беше спасен, додека екипажот на потонатиот брод сè уште се води како исчезнат.

Николов изјави дека операцијата за пребарување и спасување на екипажот на потонатиот брод нема да продолжи во среда. „Нема траги од морнарите од првиот брод, ниту пак ќе ги има. Исто така, нема информации за остатоци од дроновите“, рече тој во утринската емисија на „Нова ТВ“. „Пронајдени се еден чамец, три сплавови за спасување и делови од бродската опрема.“

Сè уште не е јасно кој го извршил нападот со воздушни и поморски дронови во водите кај крајбрежниот град Бјала во источна Бугарија. Сепак, постои зголемена загриженост во врска со можни хибридни напади од страна на Русија, додека Москва води војна во Украина.

Николов истакна дека инцидентот се случил во рамките на таканаречената „зона на одговорност за пребарување и спасување“, а не во територијалните води на земјата, кои се протегаат на 12 наутички милји од брегот. Во посебен инцидент, романските власти во понеделникот објавија дека две лица загинале во пожар на брод во Црното Море, надвор од територијалните води на земјата.

Бугарскиот претседател Румен Радев во вторникот изјави дека не е јасно дали дроновите дошле од Русија или од Украина, пренесе бугарската новинска агенција БТА. Бугарија не граничи ниту со едната, ниту со другата земја, но како членка на НАТО, таа зазема стратешка позиција на Црното Море, каде што и Украина и Русија имаат големи пристаништа.

Украинскиот претседател Володимир Зеленски во своето вечерно видеообраќање рече дека истрагата спроведена заеднички од Бугарија и бугарската морнарица покажала оти зад нападот стои Русија. Радев во средата изјави дека, по нападот, неговата влада ќе ја одобри набавката на пет дополнителни ракетни системи за противвоздушна одбрана.

Тагови: Бугарија дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 15 загинати во новиот руски напад врз Украина, погодена станбена зграда

Најмалку 15 луѓе се убиени, а десетици се ранети во голем руски воздушен напад со ракети и дронови врз неколку украински градови..

Најмалку 15 загинати во новиот руски напад врз Украина, погодена станбена зграда

Најтешко е погоден градот прилуки во Черниговската област, каде што руски проектил погодил станбена зграда и каде што загинале најмалку пет лица, а 30 се повредени, меѓу кои и пет деца.

Според украинските власти, напади имало и во днипро, каде што биле оштетени пет станбени згради, а во кременчук четири повеќекатници.

Украинскиот претседател Зеленски ги осуди руските напади и кажа дека спасувачите се обидуваат да спасат луѓе од под урнатините.. Денес, руската армија, како ‘роденденски подарок’ за путин, уништи станбена зграда во Прилуки, напиша тој на социјалните мрежи..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

За првпат фотографиран „Белиот дух“ – животно што никој досега не го видел: До вчера беше само мит, а сега е тука!

Ова животно има ретка генетска состојба - недостаток на пигмент во кожата и крзното.

За првпат фотографиран „Белиот дух“ – животно што никој досега не го видел: До вчера беше само мит, а сега е тука!

Кога еден шпански фотограф тргнал на планинарење, немал претстава што ќе открие и дека фотографијата што ја направил ќе го обиколи светот.

Во планините близу градот Хаен, во јужниот дел на Шпанија, тој фотографирал нешто што до вчера се сметало за мит – белиот ибериски рис, еден од најретките животински видови во светот.

Фотографијата е дело на шпанскиот фотограф на природа, Анхел Идалго, познат по своите снимки од дивиот свет. Ова животно, кое како да зрачи со сопствена светлина, има леуцизам – ретка генетска состојба што предизвикува делумен или целосен недостиг на пигмент во кожата и крзното, но не и во очите, што го разликува од албино животните.

„Белиот дух на медитеранската шума. Кога го видов првпат, не можев да поверувам. Со денови, недели и месеци го барав тоа место и веќе бев подготвен да се откажам... А потоа, по една дождлива ноќ, во далечината се појави бела силуета, блескајќи како светлина“, напиша Идалго на Инстаграм.

Фотографот ја опиша средбата како „чудо што се случува еднаш во животот“ и изрази надеж дека оваа глетка ќе ги инспирира луѓето повеќе да ја ценат и да ја штитат природата.

Појавата на белиот ибериски рис се смета за доказ за напредокот на програмата за зачувување на видот, кој речиси целосно исчезнал во раните 2000-ти години.

Овој вид, ендемичен за Пиринејскиот Полуостров, во 2002 година броел помалку од 100 единки во дивината. Благодарение на заедничките напори на Шпанија, Португалија, Европската Унија и организациите за заштита на природата, до 2023 година популацијата се зголемила на повеќе од 2.000 единки.

Иберискиот рис (Lynx pardinus) е една од најретките големи мачки на планетата. Познат е по своите темни прамени, кратката опашка со црн врв и карактеристичните „мустаќи“ и прамени на ушите.

Тежи половина од тежината на евроазискиот рис, но игра клучна улога во рамнотежата на медитеранскиот екосистем, бидејќи ја одржува популацијата на зајаци под контрола. Откривањето на единката со бела боја ја воодушеви јавноста, но и потсети колку е кревка природата.

Тагови: рис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер