Кара- Мурза, ослободен во размената на затвореници:Бев психички измачуван во затворот во Русија - Канал 5

Кара- Мурза, ослободен во размената на затвореници:Бев психички измачуван во затворот во Русија

Рускиот дисидент Владимир Кара-Мурза, кој беше ослободен од затвор во Русија во четвртокот како дел од размена на затвореници, рече дека тој и другите затвореници биле изложени на психолошка тортура.

Кара- Мурза, ослободен во размената на затвореници:Бев психички измачуван во затворот во Русија

Тој на прес-конференција во Бон рече дека му било дозволено да зборува со сопругата само еднаш, а со децата два пати во повеќе од две години поминати во затвор, пренесува Ројтерс.

Според неговите зборови, му било забрането да оди во црква и поминал 10 месеци во самица, многу подолго од дозволеното со закон.

„Има многу луѓе во Русија кои се против војната, кои не веруваат во пропагандата на Кремљ“, рече Кара-Мурза, која е во затвор од 2022 година и бил осудена на 25 години затвор.

Тој додаде дека не е лесна одлука за Германија да го ослободи Вадим Красиков во замена за него, кој беше осуден на доживотен затвор во Германија за убиство на чеченски дисидент со грузиско потекло.

На прес-конференцијата зборуваше и рускиот активист Ија Јашин, кој рече дека не се согласувал да биде депортиран од Русија како дел од размена на затвореници и додаде дека овој потег ќе го „охрабри“ рускиот претседател Владимир Путин да има повеќе „политички затвореници“.

„Не се согласив да бидам испратен надвор од Русија“, рече Јашин.

Според него, она што се случи на 1 август не е размена.

„Тоа е мое протерување од Русија против моја волја. Мојата прва желба во Анкара беше да купам билет и да се вратам во Русија“, посочи Јашин и додаде дека одбил да го потпише барањето на Путин за помилување.

Размената на 26 затвореници од Русија, Белорусија, Соединетите Американски Држави, Германија, Полска, Словенија и Норвешка се случила завчера во Анкара, а акцијата била координирана од Турција.

Меѓу разменетите затвореници беа новинарот на „Волстрит џурнал“ Еван Гершкович, американскиот маринец Пол Вилан и новинарката на Радио Слободна Европа Алса Курмашева, кои беа затворени во Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шукова: Бараме одговорност за секоја една жена жртва на насилство

Од Форумот на жени на СДСМ вечерва излегоа на протест пред СВР Охрид против насилствата врз жените.

Шукова: Бараме одговорност за секоја една жена жртва на насилство

Побараа одговорност од насилниците и институциите и заштита за секоја жртва која била изложена на насилство.

Претседателката на Форумот на жени на СДСМ, во име на насобраните, но и како што рече, во име на сите жртви на слични насилства, истакна дека насилството врз жените и фемицидите се сериозен општествен проблем, но дека проблемот не завршува со самиот чин на насилство, туку продолжува и во постапките што следуваат во текот на истрагата и судењето, каде, како што рече, се покажуваат сериозни системски недостатоци.

– Бараме да има сериозна превенција за да се спречат нови облици на насилство и нови фемициди. Бараме одговорност и да нема политички влијанија во процесот на истрага и судење. Бараме секоја жртва да биде заштитена. На секое јавување на жртва на семејно насилство, институциите веднаш да реагираат – порача Шукова.

Од семејството на Сара Ѓорѓиеска претходно порачаа дека нема да присуствуваат на протестот, но и дека се надеваат дека протестот нема да биде искористен за партиски цели ,туку ќе биде протест на граѓаните со цел да се подигне свеста за насилството против жените во земјава.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре променливо облачно со дневна температура од 17 до 21степен

Времето утре според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Утре променливо облачно со дневна температура од 17 до 21степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Саша Ковачевиќ објави фотографии од родениот син: Гордиот татко не ја симнува насмевката од лицето

Мегапопуларниот српски пејач Саша Ковачевиќ ги објави првите фотографии со наследникот од породилиштето.

Саша Ковачевиќ објави фотографии од родениот син: Гордиот татко не ја симнува насмевката од лицето

Зорана Тасовац, партнерката на пејачот Саша Ковачевиќ, се породи и роди здраво машко дете. Гордите родители го добија своето прво заедничко дете, а набргу потоа ја споделија радосната вест на социјалните мрежи.

Саша сега објави фотографии со наследникот од породилиштето. Првата слика е направена веднаш по породувањето, додека на втората пејачот не ја симнува насмевката од лицето и позира со бебето во колевката.

Тој го покри лицето на синот со емотикон во форма на срце, а глетката ги разнежни неговите следбеници. Ковачевиќ претходно откри дека за доаѓањето на бебето избрале приватна клиника и дека тој сакал да биде покрај Зоран за време на породувањето.

„Сакам да бидам таму, како поддршка, но и за да ги почувствувам убавините на татковството уште од првата секунда кога тој ќе дојде на свет“, изјави пејачот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер