Капитенот Војдан Стојановски и Нено Димитријевиќ им се приклучија на подготовките - Канал 5

Кошарка

Капитенот Војдан Стојановски и Нено Димитријевиќ им се приклучија на подготовките

Капитенот Војдан Стојановски и интернационалецот Ненад Димитријевиќ  од синоќа им се приклучија на подготовките на националниот тим.

Капитенот Војдан Стојановски и Нено Димитријевиќ им се приклучија на подготовките

Освен носителите на играта, на тренинг во СРЦ „Кале“ и некои млади репрезентативци.

Почетокот на втората работна недела од подготовките донесе доста нови, и добри моменти за нашиот машки сениорски национален тим.

На тренингот во салата на СРЦ „Кале“ во Скопје и капитенот на нашата сениорска репрезентација, Војдан Стојановски, како и повратникот помеѓу „црвено-жолтите“, Ненад Димитријевиќ.

За многу подобро расположение во стручниот штаб предводен од селекторот Александар Јончевски, а кое се очекува да биде на уште повисоко ниво, ако се земе в предвид дека во Скопје треба да пристигне и Ти-Џеј Шортс, уште еден од нашите големи адути во пресрет на главните активности ова лето – претквалификациите за Олимписките Игри во Париз кои нашата најдобра селекција ќе ги игра во Талин односно, или евентуално оној втор круг, во Гљивице.

Сепак, за да не биде се баш идеално, барем во овој момент, е информацијата која вели дека на повреда на ногата се пожали Виктор Ефремоски. Поради неизвесноста која со себе го носи овој нов момент, селекторот Јончевски се одлучи во работата со националниот тим да го приклучи Марко Миловановиќ, дел од генерацијата на играчи родени 2002 година, во која е и Андреј Андоноски, кој е исто присутен на подготовките за турнирот во Талин.

Но Миловановиќ и Андоноски не се и единствените од таа „млада гарда“, ако се земе в предвид дека првиот дел од подготовките ги одработува и Петар Бошалески, член на селекцијата „Под 20“ години која пред неполн месец се избори за второто место, и пласман во „А“ Дивизијата на првенството одржано во Скопје.

Освен тоа, во тренажен процес одново е и Теодор Симиќ, кој ги надмина здравствените проблеми, па во овој момент Јончевски и неговите асистенти Василев и Велев, сметаат на вкупно 11. кошаркари, кои и, многу извесно, ќе го пополнат и ростерот за натпреварите во Талин, каде за противници ги имаме репрезентациите на Чешка, Израел и Естонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Запалувачка порака од Техеран: „Ормуз е наш и ќе биде контролиран“

Иран, според арапските медиуми и неименувани извори, инсистира на контрола на Ормузскиот теснец и евентуално воведување такси за бродовите што минуваат низ него, предупредувајќи дека е подготвен да употреби сила.

Запалувачка порака од Техеран: „Ормуз е наш и ќе биде контролиран“

Иран е решен да се бори за меѓународно признавање на своето право да го контролира Ормузскиот теснец и да собира такси од бродовите што влегуваат или излегуваат од Персискиот Залив, дури и ако мора да го стори тоа со сила, изјавија денес за арапските медиуми два неименувани извори запознаени со ова прашање.

Според условите на привремениот договор меѓу Иран и САД за прекин на тримесечниот застој, Иран се согласи да им дозволи на бродовите да минуваат низ Ормузскиот теснец без такси во следните 60 дена.

Сепак, официјален Техеран верува дека формулацијата на договорот му овозможува на Иран да ја задржи контролата врз тоа кои бродови можат да поминат низ Ормузскиот теснец и која рута можат да ја следат во Персискиот Залив.

Неименувани извори тврдат дека Иран е решен да обезбеди трајно и формално прифаќање на оваа контрола по истекот на привремениот период, наведувајќи дека иранскиот преговарачки тим нема да премине на други прашања во тековните мировни преговори со САД додека ова не се договори.

Доколку привремениот договор истече без продолжување, Иран ќе почне да наплаќа од комерцијалните бродови за премин низ Ормуз кон средината на август, тврдат неименувани извори.

„Иран е подготвен да ги наметне своите барања со сила ако другите земји не ги прифатат неговите услови“, тврди неименуваниот извор, додавајќи дека Техеран нема да попушти дури и ако тоа доведе до обновување и интензивирање на конфликтот со САД.

Извор: Б92

Тагови: Техеран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин свика итен состанок (ВИДЕО)

Рускиот претседател Владимир Путин свика итен состанок на Советот за безбедност поради Калининград, објави белоруската агенција Некста.

Путин свика итен состанок (ВИДЕО)

На масата пред членовите на Советот за безбедност имало црвени папки со ознака „строго доверливо“.

Вообичаено ваквите состаноци се одржуваат во петок и преку видео врска, но овој пат тие се собраа во среда и лично.

Калининград се смета за едно од главните жаришта на можен конфликт меѓу Русија и НАТО. Путин претходно вети дека ќе го брани „со сите потребни средства“.

Москва постојано го обвинуваше НАТО дека користи воени вежби (како оние предводени од Заедничките експедициски сили) за симулирање на поморски блокади и заземање на Калининград. Како одговор, Русија го воспостави Ленинградскиот воен округ за да ги зајакне своите регионални сили.

Тензиите достигнаа врв по изјавите на балтичките функционери кои разговараа за неутрализирање на одбранбените системи на Калининград. Путин издаде остро предупредување, наведувајќи дека секоја директна воена закана за руските бази или воздушна одбрана ќе биде одговорена со брза и разорна одмазда.

Тагови: Владимир Путин Калининград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сирија го добива првиот парламент по падот на Асад

Првиот парламент на Сирија во ерата по Асад беше формиран, откако привремениот лидер Ахмад ал-Шара назначи 70 пратеници, со што вкупниот број на членови достигна 210.

Сирија го добива првиот парламент по падот на Асад

Првиот парламент во ерата по поранешниот сириски претседател Башар ал-Асад беше формиран денес со објавување на список од 70 пратеници избрани од привремениот лидер Ахмад ал-Шара.

Шефот на изборната комисија на Сирија, Мохамед Таха ал-Ахмад, им изјави на новинарите дека новиот парламент од 210 членови ќе ја одржи својата прва седница во понеделник, објави „NBC News“. Потоа пратениците ќе положат заклетва и ќе биде избран парламентарниот Претседателски совет.

Списокот од 70 пратеници избрани од ал-Шара вклучува 15 жени, со што вкупниот број на жени членки во парламентот достигна 22. Сириските власти ја одржаа првата фаза од парламентарните избори во октомври, освен во јужната покраина Свеида, која е контролирана од вооружени бунтовници Друзи кои се спротивставуваат на централната влада. Гласањето исто така не беше одржано во североисточниот дел од Сирија контролиран од Курдите во тоа време. Изборите во североисточна Сирија се одржаа во мај откако владините сили ја презедоа контролата врз областа за време на конфликтот претходно оваа година. Сè уште не е одреден датум за гласањето во Свеида, но двајца претставници од регионот се меѓу имињата што ги објави Ал-Шара денес.

Парламентот ќе има 30-месечен мандат и ќе работи на нов изборен закон, додека ќе го подготвува теренот за гласање на следните избори. Сирија е без парламент откако бунтовничката офанзива во декември 2024 година, предводена од сега веќе непостоечката група Хајат Тахрир ал-Шам, го заврши владеењето на династијата Асад.

Извор: Б92

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер