Капитенот на Србија: Не можe да играм 30 минути, јас сум лидер и најдобар играч

Селекторот на Србија, Драган Стојковиќ реши да го остави капитенот Душан Тадиќ на клупата на мечот со Англија и да го пушти да игра во вториот дел. 

Сепак, ветеранот не беше задоволен од оваа одлука и јасно стави до знаење со своите зборови по натпреварот.

-Ми беше тешко да ја прифатам одлуката да не бидам меѓу стартерите во натпреварот. Зборував со селекторот, но тешко ми е, бидејќи тоа беше натпревар против Англија. Јас сум капитен, лидер и мислам дека сум најдобриот играч во тимот, без да бидам скромен. Се разбира, мислам дека треба да бидам стартер, но мислам дека ќе бев покорисен ако играв 90 минути. Ако сака, може да ме пушта и 30 минути, но јас сакам да играм 90, рече лутиот Тадиќ.

Стојковиќ изјави дека одлуката да не се потпре на својот капитен од првата минута е тактички потег од негова страна:

„Тадиќ остана на клупата од тактички причини - сакав да влезе свеж во вторите 45 минути. Тоа беше нашата тактика“, изјави популарниот Пикси.

Отворањето на ОИ во Париз ќе го обезбедуваат 45.000 полицајци

Околу 45.000 полицајци ќе го обезбедуваат отворањето на Олимписките игри во Париз на 26 јули, на кое ќе присуствуваат над сто шефови на држави и влади.

На церемонијата, која првпат ќе се одржи надвор од стадион, ќе учествуваат околу 80 бродови ќе превезуваат спортисти од целиот свет на речната рута покрај Сена до Ајфеловата кула, изјави шефот за планирање и координација на ОИ, Ламбис Константинидис.

Се очекува 300.000 гледачи да бидат на кејот на Сена, што претставува сериозен безбедносен предизвик, особено во време на војна во Појасот Газа и Украина.

Рутата е долга шест километри, така што тоа е огромна област која мора да биде под безбедносен надзор. Затоа ни требаат толку многу луѓе, истакна Константинидис, додавајќи оти француските безбедносни служби соработуваат со американските безбедносни служби

Во мај годинава во францускиот град Сент Етјен беше уапсен маж осомничен дека планирал напад во име на Исламската држава врз фудбалскиот стадион во градот за време на Олимпијадата.

Украинец снимал Македонка преку прозорец, додека била на одмор во Пула- доби кривична пријава

Полицијата на Пула ја заврши кривичната истрага против 19-годишен украински државјанин осомничен за сторени кривични дела неовластено снимање и нарушување на интегритетот на дом и деловен простор.

Полициските службеници утврдиле дека на 14 јули, околу 17,00 часот, младиот човек преку прозорец во туристички објект во областа Пула фотографирал 31-годишен државјанка на Македонија, објави Индекс.

31-годишната жена потоа му го зела мобилниот телефон, поради што 19-годишникот се качил низ прозорецот и ја замолил да му го врати мобилниот телефон, што таа го направила откако тој ги избришал фотографиите што ги направил.

Кривичната пријава против осомничениот е поднесена до надлежниот државен обвинител.

Меси е тешко повреден, прогнозите не се добри

Капитенот на аргентинската фудбалска репрезентација Лионел Меси заработи повреда на лигаментите на десниот зглоб во финалето на Копа Америка одиграно во неделата, потврди неговиот клуб Интер Мајами.

Меси беше соборен пред крајот на првото полувреме, а беше заменет во 66. минута.

Во исто време, тој куцаше и во солзи го напушти тревникот на стадионот Хард Рок во Мајами и продолжи да го гледа финалето од клупата, во кое Аргентинците по 16-ти пат ја освоија Копа Америка совладувајќи ја Колумбија со 1:0, гол на Лаутаро Мартинез во судиското продолжение, во 112. минута. Интер Мајами моментално е втор на табелата во Источната конференција на МЛС.

„По лекарскиот преглед, беше утврдено дека Лео Меси заработил повреда на лигаментите на десниот скочен зглоб. Кога капитенот ќе може повторно да игра ќе се утврдува со периодични проценки, а ќе зависи од напредокот на неговото закрепнување. “, се вели во соопштението на клубот.

притисни ентер