Ким и Канје конечно имаа драматичен состанок и тоа во автомобилот.Имаше плачење, дури и трескање, викање ...Нивниот брак е во криза, како и нивната слава.

Sвездата на реалното шоу Ким Кардашијан (39) пристигна со авион на тензичната средба во Вајоминг со нејзиниот сопруг, раперот Канје Вест (43).

Ова беше првпат папараците да ја фатат брачната двојка заедно откако почнаа со бизарната претседателска кампања и изведоа вистински циркус, на која им кажуваа на новинарите дека претходно размислувале да ја абортираат нивната прва ќерка Норт, а потоа „да го срушија Твитер“ обвинувајќи ја Ким дека има афера со раперот Меик Мил и дека таа се здружила со нејзината мајка, која што Канје ја нарекува Крис Џонг-Ун.

Двојката има четири деца - ќерките Норт (7) и Чикаго (2) и синови Сент (4) и Псалм (1). Пред кризниот разговор во автомобилот, Канје оваа недела издаде нов албум „Донда“, што ги натера многумина да мислат дека целата драма е намерно создаден ПР трик, а пред да биде фатен од фотографите, тој беше со Ким во ресторан за брза храна во Вајоминг , каде Канје поседува ранч од 14 милиони долари каде што деновиве се забарикадира и гради бункери.

- Таа е многу емотивна поради сè, но е воедно истоштена. Канје многу ја повредил. Таа се обиде да го контактира неколку пати, но тој ја игнорираше. Тоа е многу лоша ситуација. Таа одлучи да одлета кај Канје за да разговара со него во живо. - неименуван близок извор ја опиша состојбата на Ким Кардашијан и Канје Вест за списанието „People“.

Во меѓувреме, Вест се уште со нетрпение чека неговата претседателска кандидатура да стане реалност, откако се обиде да се појави на гласачките ливчиња во Мисури.

Иако многумина се сомневаат дека славната двојка може да ги смири несогласувањата по овој испад во јавноста на Канје и тврдењето на Твитер во кое вели дека „се обидува да се разведе“ од Ким, друг дел од фановите е убеден дека разводот на сеприсутниот славен пар нема да се случи затоа што тоа би му наштетило на нивниот бренд. Ким, се чини, на крајот на краиштата, со одењето во Вајоминг лично, сепак му понуди на Канје рака на помирување, објаснувајќи дека неговото раскинување е резултат на борба против биполарното растројство и дека нејзиниот сопруг е „одличен, но комплициран“.