Ким поднесе барање за развод од Канје минатата година, а по започнувањето на врската со Дејвидсон, Вест постојано се обидувал да ја саботира нивната врска со јавно отфрлање на момчето на неговата поранешна сопруга. Сега, се чини, тој сака да ѝ каже на Ким да се откаже од разводот.
"Ова раскинување е поттик за Канје да се потруди повеќе и да ја врати Ким и да ја натера да се повлече од нивниот развод. Тој ѝ кажуваше со месеци дека таа и Пит не требаше да бидат заедно. И иако Канје не беше најголемиот фан на Пит, во последните недели тој се фокусираше на тоа да ѝ покаже на Ким дека тие се сложно семејство“, изјавил извор за „Сан“.
„Досега, Ким едноставно се фокусираше на тоа дека Је е најдобриот татко. Таа секогаш ќе го обожава Канје и ќе го цени како татко на нивните деца, но ќе треба многу напор за да ја врати назад. Тој не мисли дека тоа е невозможно. Во последните недели многу добро се сложуваа“, додаде изворот. Сепак, блиска пријателка на Ким Кардашијан инсистира дека таа нема намера да се врати кај поранешниот сопруг.
"Малку е веројатно дека ќе се премисли за разводот. Го решија прашањето за заедничко родителство и таа не сака да го расипе тоа. Ким чувствува дека го контролира својот живот повеќе од кога било досега. Немојте да бидете изненадени ако таа повторно се појави со помлад маж“, рече тој.
Веста за раскинувањето на Ким и Пит за Си-Ен-Ен ја потврди извор близок до парот. „Тие спогодбено раскинаа оваа недела поради растојанието и распоредите“, рече изворот.
Парот, кој ја објави својата прва заедничка фотографија на Инстаграм во март, а дебитираше на црвениот тепих во мај, е во романтична врска од октомври 2021 година. Во една од епизодите на нејзината серија Хулу, Ким раскажа како се разгорела љубовта меѓу неа и Пит.
„Го снимав „SNL“, а потоа кога се бакнавме во сцената, почувствувавме хемија. Откако заврши шоуто и отиде Пит, му се јавив на продуцентот и му реков: „Еј, го имаш ли бројот на Пит?“ „Да. Му праќам пораки“.
Му испратив порака. Не ни помислив: Боже мој, ќе бидам во врска со него. Мислам, очигледно се забавуваме заедно и тоа е смешно... Како што сите мислат дека секој момент од нашата врска е како урнебесна комедија. Тоа е нормално“, рекла таа тогаш.