Кандидатите за градоначалници на Скопје ја продолжија кампањата - Канал 5

Македонија

Кандидатите за градоначалници на Скопје ја продолжија кампањата

Капиталните проекти, сообраќајниот хаос и јавниот превоз беа во фокусот на кандидатите за градоначлници на Скопје на средина од кампања.

Кандидатите за градоначалници на Скопје ја продолжија кампањата

Кандидатот на ВМРО-ДПМНЕ Орце Ѓоргиевски, од Бутел, најави изградба на кружен тек меѓу улиците „Бутелска“ и „Александар Урдаревски“ , целосна реконстукција на улици и пробивање на нови, развој на економската зона Визбегово и нов мега парк...

- Со пристапот кон Бутел што ќе придонесе за поголема сообраќајна безбедност и рамномерно растоварување на метежот, овој дел од Скопје ќе го направиме побезбеден. Но развојот на Бутел не го гледаме само низ призма на сообраќајот туку и создавање на урбани и зелени јавни простори. - Орце Ѓоргиевски – кандидат за градоначалник на Скопје -ВМРО-ДПМНЕ

Кандидатката на СДСМ Каја Шукова пак денеска ја посети населбата Автокоманда, од каде најави изградба на 3 нови катни гаражи. Таа презентираше и проекти за изградба на конгресен центар и нов скопски саем кој ќе опфаќа модуларни и конференциски сали и простори за мали и средни претпријатија

- Го враќаме просторот на граѓаните, ги ослободуваме тротоарите, го намалуваме метежот и го подобруваме квалитетот на живот. Ова е визија за Скопје што повррзува, што е добар домакин и што создава вредност и за граѓаните и за државата. Визија за град што има иднина. Ние сме подготвени таа визија да ја реализираме. - Каја Шукова – кандидат за градоначалник на Скопје – СДСМ

Како дел од својата програма „15 клучни проблеми и решенија за Скопје“ кандидатот за градоначалник од коалицијата „Искуство за успех“ Александар Трајановски ветува бесплатен превоз од врата до училиште за средношколците. Меѓудруото тој најавува и решавање на проблемите со водоснабдувањето, хигиената и уличните кучиња.

- Обрнавме најмногу внимание на оние три клучни и најболни теми во моментов во градов тоа се хигиената, јавниот превоз и застареноста на водоводната инфраструктура како што бевме сведоци пред некој ден за дефектот во Влае. - Александар Трајановски – кандидат за градоначалник на Скопје – коалиција „Искуство за успех“

Кандидатот на Левица Амар Менциновиќ во фокус ги стави проблемите со јавниот превоз во главниот град. Тој најави набавка на нови автобуси, промена на линиите по кои сообраќаат, ставање во фукција на градскиот воз и изградба на железничка инфраструктура за воведување на претходно најавуваниот систем на брз автобуски превоз.

- Крајно ова би го решило сообраќајот за наредните 100 години. Сакам да потенцирам за целата јавност ајде да направиме нешто што ќе остане позади нас. Ајде ние да го исполниме нашето секојдневие со ефективен јавен транспорт и кога ќе дојдат нови генерации едноставно да продолжат да го користат. - Амар Менциновиќ – кандидат за градоначалник на Скопје – Левица

За градоначлник на Скопје на овие избори има рекореден број на кандидати – вкупно 17, а за на 19 октромври да биде избран наслендикот на Данела Арсовска некој од нив потребно ќе биде да освои над 50% од гласовите на излезените гласачи, во спротивно, ќе се одржи втро на круг на 2 ноември.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Проговори пилотот, кој го спасувал Шумахер по несреќата- откриени се нови детали за трагедијата

Пилотот на хеликоптерот кој помогна во спасувањето на Михаел Шумахер по сериозната несреќа при скијање во француските Алпи, за прв пат јавно проговори за деталите од драматичната операција што се случи на 29 декември во Мерибел.

Проговори пилотот, кој го спасувал Шумахер по несреќата- откриени се нови детали за трагедијата

Јаник Даинезе, тогашниот пилот на хеликоптерот за итни случаи на SAF Hélicoptères, откри дека го знаел идентитетот на повредениот човек пред полетувањето. Затоа, од самиот почеток беа воведени посебни мерки на претпазливост, а на членовите на екипажот им беше кажано да ги отстранат микрофоните и GoPro камерите за да избегнат снимање што би можело да ја загрози приватноста на легендарниот возач на Формула 1.

Дополнително обезбедување беше присутно и на местото на несреќата. Луѓето што го придружуваа Шумахер се погрижија областа да биде затворена и никој да не може да снима фотографии или видеа што подоцна би можеле да протечат во јавноста.

Даинезе ја опиша и атмосферата за време на летот, нагласувајќи дека во хеликоптерот владеела целосна тишина бидејќи сите биле фокусирани на задачите што ги имале.

- Секако, го чувствував притисокот внатре. Луѓето го обожаваа како бог, иако не бев фан на Формула 1 - рече пилотот.

Летот до Универзитетската болница во Гренобл траел околу 25 минути, по што Шумахер бил предаден на лекарите.

Дајнезе открил дека подоцна, за време на вториот лет до истата болница, сфатил колку вниманието на јавноста било насочено кон легендарниот спортист. Кога пристигнал, нашол автобуси, црвени знамиња и голем број луѓе, а болничкиот комплекс го потсетил, како што рекол, на патека од Формула 1.

Случајот останал под строга тајност со години. Минатата година, тројца мажи беа осудени во Германија за обид за уцена на семејството Шумахер, користејќи снимки направени по несреќата.

Од неговата фатална несреќа на скијање, семејството на легендарниот возач строго ја чува неговата приватност, а информациите за неговата здравствена состојба речиси никогаш не стигнуваат до јавноста.

Тагови: Михаел Шумахер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украинските напади драстично ги намалуваат руските нафтени капацитети

Според два извори од индустријата, украинските напади со беспилотни летала врз руските рафинерии го намалиле капацитетот на Русија за преработка на нафта за приближно 30 отсто.

Украинските напади драстично ги намалуваат руските нафтени капацитети

Украинските удари врз руските рафинерии дополнително ги отежнуваат напорите на Москва да се справи со недостигот на гориво на домашниот пазар, и тоа во време кога Русија продолжува да испорачува дизел на меѓународните пазари, согласно договорот со американскиот претседател Доналд Трамп.

Украина ги зачести нападите врз руските рафинерии од крајот на октомври, откако пропадна предложениот договор за прекин на нападите врз енергетската инфраструктура.

Значителен пад

Според извори од индустријата и официјални претставници, во текот на изминатата недела, украинските напади го попречиле работењето и предизвикале вонредни ситуации во девет од 35-те големи руски рафинерии.

Извори од индустријата наведуваат дека вкупниот дневен капацитет на руските рафинерии погодени од напади со беспилотни летала од крајот на октомври – вклучително и три големи постројки во централна Русија – изнесува приближно 300.000 тони (2,2 милиони барели). Ова е во контекст на вкупниот примарен капацитет за преработка на нафта во Русија, кој изнесува околу 930.000 тони дневно.

До крајот на октомври, руските рафинерии преработувале приближно 700.000 тони (пет милиони барели) сурова нафта дневно, наведуваат изворите.

Според проценките на изворите, реалното намалување на преработката на сурова нафта во руските рафинерии би можело да достигне и до 200.000 тони дневно. Меѓу погодените постројки се рафинериите во Рјазањ, Јарослављ и во областите долж реката Волга.

Постојани напади

Гувернерот на Ленинградската област изјави дека во понеделникот, во ноќен напад, украински беспилотен летало ја погодило рафинеријата за нафта „Кириши“ – втората по големина во Русија – при што избувнал пожар. Тој додаде дека во нападот загинала една жена.

Во напис објавен во вторникот во рускиот дневен весник „Комерсант“, рускиот министер за надворешни работи Сергеј Лавров изјави дека Украина ги игнорира повиците на Трамп за прекин на нападите врз руските енергетски цели.

Украинскиот претседател Володимир Зеленски минатата недела изјави дека Киев продолжува со нападите врз цели поврзани со рускиот нафтен сектор, како одговор на руските напади врз енергетските капацитети. Тој посочи дека украинските електрани, енергетските мрежи, системите за греење и водоснабдување се под постојан напад и дека Москва одбива да ја намали ескалацијата.

Извор: Индекс.хр

Тагови: напади русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер