Кандидат за претседател на Хрватска: Странските работници би можеле да ја преземат власта - Канал 5

Балкан

Кандидат за претседател на Хрватска: Странските работници би можеле да ја преземат власта

Овде доаѓаат луѓе од други култури, традиции и обичаи. Предвидуваат дека за неколку години ќе има 400.000 луѓе, додека нашите млади се иселуваат. 

Кандидат за претседател на Хрватска: Странските работници би можеле да ја преземат власта

Пратеникот на опозицискиот Мост во хрватскиот Парламент, Миро Буљ, кој најави кандидатура за претседател на Републиката на претстојните избори, вели дека неговиот прв чекор на таа позиција би бил да ги депортира сите илегални мигранти и да ја испрати војската на државните граници.Според него, тоа ќе се постигне со референдум.

Тој смета дека е лошо да се донесе странска работна сила без ограничувања во Хрватска, од која во исто време се иселуваат младите.

„Овде доаѓаат луѓе од други култури, традиции и обичаи. Предвидуваат дека за неколку години ќе има 400.000 луѓе, додека нашите млади се иселуваат. Се разбира, цената на трудот исто така се намалува. Мора да има ограничување на увозот на работна сила. Знаеме дека основачите на увозните агенции се луѓе, луѓе чии татковци се силни во ХДЗ“, рече Буљ за загрепската ТВ Н1.

Тој додаде дека ХДЗ на Андреј Пленковиќ ја освоил власта со 700.000 гласови, што, како што вели, значи дека во следните неколку години власта во Хрватска би можеле да ја преземат и странски работници.

„Може да се случи во одреден момент странските работници легално да ги преземат владините структури во Република Хрватска. Така, ако другите култури и традиции, на пример, се воведат, законски преку собраниска процедура, жените да носат шамија, да им е забрането да возат... За тоа треба да размислиме бидејќи тоа е голема бројка и влијае на промената на структурата на населението. Ние сме мала држава“, рече Буљ, кој е и градоначалник на Сињ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе заработат милијарди долари откако потпишаа нуклеарен договор со Саудиска Арабија

САД потпишаа значаен договор со Саудиска Арабија, што ќе ѝ овозможи да развива цивилна нуклеарна програма, во што ќе учествуваат и американски компании.

САД ќе заработат милијарди долари откако потпишаа нуклеарен договор со Саудиска Арабија

Текстот од договорот не беше објавен јавно, но американските медиуми објавија дека тој ќе ѝ дозволи на Саудиска Арабија да збогатува ураниум во иднина. Експертите велат дека ова создава ризик од идна нуклеарна пролиферација во веќе нестабилниот регион.

Министерството за енергетика на САД кажа дека покрај договорот за соработка, потпишан е и „двостран договор за заштитни мерки“.

Ова е првпат САД да ѝ помагаат на друга земја да збогатува ураниум на своја територија. објавата уследи среде ескалацијата на војната во иран, што сад ја започнаа во февруари за да го спречат да развие нуклеарно оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ го одобри новиот пакет санкции против Русија по неколку недели натегања и преговори

Новиот 21 пакет санкции на ЕУ против Москва од Руската инвазија на Украина во 2022 година, вклучува одржување на сегашното ниво на горната граница на цената на руската нафта.

ЕУ го одобри новиот пакет санкции против Русија по неколку недели натегања и преговори

Преговорите за новите економски санкции воведени поради војната во Украина се одолговлекуваа откако неколку земји инсистираа на ублажување на поединечните елементи од пакетот.

На 22 јули беше објавено дека 27-те земји-членки на ЕУ донеле привремена одлука да го задржат горната граница на цената на руската нафта на 44 долари за барел во текот на една недела за да се спречи нејзиното автоматско зголемување.

Мерката има за цел да ги ограничи приходите на Москва од глобалниот извоз на сурова нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром со јавен повик за пријавување штети од силното невреме

Општина Аеродром започнува постапка за обесштетување на граѓаните што претрпеа материјална штета предизвикана од силното невреме што го зафати подрачјето на Град Скопје на 21 јули 2026 година.

Општина Аеродром со јавен повик за пријавување штети од силното невреме

По одржаниот координативен состанок во Град Скопје, Општина Аеродром веднаш формира Комисија за утврдување на фактичката состојба и ја започна постапката за прием на барања, како предуслов за обесштетување на граѓаните, што ќе се реализира во соработка со Владата и со Градот Скопје.

Образецот за пријавување штета е достапен во просториите на Општина Аеродром, а може да се преземе и од официјалната веб-страница на следниов линк:

https://shorturl.at/L3rcJ

Образецот, заедно со потребната документација, се доставува во Архивата на Општина Аеродром секој работен ден од 8:00 до 15:00 часот, во рок од 30 дена од денот на настанување на штетата.

Кон барањето задолжително да се приложат и следниве документи:

Важешка лична карта или патна исправа (фотокопија);

Доказ за сопственост (фотокопија од имотен лист);

Фотографии од локацијата по претрпената штета;

Записник од МВР за настанатата штета;

Општина Аеродром ги повикува граѓаните навремено да ги поднесат своите барања, со цел постапката за утврдување на штетите да се реализира ефикасно и во најкраток можен рок. Сите поднесени пријави ќе бидат разгледани во согласност со законските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер