Култура

Канческа-Милевска: Проектите од културното наследство во Охрид течат според утврдената динамика

Министерката за култура Елизабета Канческа-Милевска денеска ги посети локалитетите Долни Сарај и Антички театар во Охрид каде веќе се завршени проектите за поставување монтажни покривни конструкции, со што овие овие сцени ќе бидат заштитени од надворешни влијанија.

- Покривните конструкции на двете сцени, проект за кој Министерството за култура издвои 15 милиони денари, ќе овозможат унапредување на условите за реализација на програмата на фестивалот „Охридско лето“, како и на другите музичко-уметнички настани и манифестации кои се одвиваат во градот во текот на целата година. Конструкциите се направени според сите светски стандарди ќе бидат од голема функција за сите гости кои ги очекуваме на годинашното „Охридско лето“, истакна Канческа-Милевска, која беше придружена од директорките на националните установи Завод и музеј од Охрид и на фестивалот „Охридско лето“, Тања Паскали- Бунташеска и Елизабета Јанкуловска.

На денешната работна посета на Охрид, Канческа-Милевска се запозна и со динамиката на активностите за возобновување на Свети Климентовиот универзитет на Плаошник. Таа потсети дека во Министерството за култура веќе е пристигнат извештајот на експертската мисија на УНЕСКО, кој на нејзина покана во декември минатата година престојуваше во Охрид. На Плаошник на површина од 900 метри квадратни, согласно со ДУП-от на општина Охрид се градат три комплекси кои содржат шест објекти.

- До фазата карабина е завршен манастирскиот конак, паралелно се работи на библиотеката, Центарот за хуманистички науки и музејот на Плаошник, каде што ќе биде сместена галерија на икони, а следно за реализација е изградбата на Богословскиот факултет, најави министерката, изразувајќи задоволство од соработката што РМ ја има со УНЕСКО која била потврдена и на министерскиот состанок и на остварената билатерална средба со генералната директорка на оваа организација Ирина Бокова, викендов во Охрид.

Канческа-Милевска информираше дека во завршна фаза е и конзервацијата на архитектурата на црквата „Света Богородица Пеливлепта“, а наскоро се очекува да започне и конзервацијата на вредниот фрескоживопис во овој споменик на културата заштитен со закон.

- Целосната конзервација на вредниот споменик „Света Богородица Перивлепта“ се одвива според утврдената динамика. Посебно ме радува тоа што надворешната архитектура е прекрасно изведена, рече Канческа-Милевска. Таа потсети и на останатите проекти од областа на заштитата на културното наследство кои се реализираат во Охрид.

- Започна конзервацијата на мозаиците на локалитетот Манчевци, по што ќе следи и илуминација со што до крајот на оваа година овој значаен локалитет целосно ќе биде презентиран пред јавноста. Во завршна фаза е и конзервацијата на Куќата на Ајри Доко која следната година целосно ќе биде завршена, истакна Канческа-Милевска и додаде дека екипите од Завот и музеј Охрид во јули ќе започнат со конзервацијата на црквата „Свети Ѓорѓи“ во Косел, а во август ќе се работи на конзервацијата на фрескоживописот на црквата „Свети Ѓорѓи“ во Струга./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дури ни соработката со „Xpeng“ не помага: „Volkswagen“ во криза

Уделот на кинескиот пазар во вкупната добивка на групацијата е намален од речиси 50 отсто на околу 10 отсто, а партнерството со локалниот производител „Xpeng“ сè уште не ги дава очекуваните резултати.

Со години, Кина беше еден од најважните пазари за „Volkswagen“, но ситуацијата значително се промени.

Уделот на Кина во вкупната добивка на групацијата падна од речиси 50 отсто на околу 10 отсто, а партнерството со кинескиот производител „Xpeng“ сè уште не ги носи очекуваните резултати.

„Volkswagen“ инвестираше 700 милиони долари во „Xpeng“, стекнувајќи удел од 4,99 отсто.

Двете компании развија заедничка електрична и електронска архитектура за нови електрични возила, вклучувајќи ги моделите „ID. Unyx 08“ и „ID. Unyx 09“.

Концептот беше автомобилите да се развиваат и произведуваат во Кина, приспособени за локалните купувачи.

Сепак, продажбата на првиот модел е далеку под предвидувањата. Според податоците објавени од Ројтерс, во периодот од април до август, месечно се продавале во просек само 267 примероци од моделот „ID. Unyx 08“.

Тоа е помалку од десет отсто од првичната цел од 3.622 возила месечно.

Поради овие слаби резултати, „Volkswagen“ ја намали целта за продажба за 2026 година од 32.600 на 12.300 автомобили.

Целта за 2027 година исто така е ревидирана, намалувајќи се од 70.400 на 64.000 возила. Технологијата и продажната мрежа како предизвик

Моделот „ID. Unyx 08“ се одликува со модерен дизајн и богата дигитална опрема. Сепак, според извештаите, тој заостанува зад одредени кинески конкуренти во поглед на технологијата и брзината на полнење.

Продажната мрежа претставува дополнителен предизвик: моделот првенствено се продава преку околу 166 продажни места на „Volkswagen Anhui“, наместо преку значително пошироката мрежа на партнерства со „FAW“ и „SAIC“. Сепак, „Volkswagen“ останува посветен на Кина. Компанијата очекува месечна продажба од најмногу 4.900 примероци од седанот „ID. Unyx 09“, со долгорочна цел до 2034 година да достигне 90.000 возила годишно.

Овој модел ќе им конкурира на возила како што се „Tesla Model 3“ и „Xiaomi SU7“.

Германскиот производител, исто така, ја разгледува можноста за извоз во Европа на возила произведени во Кина.

Сепак, дополнителните царини за автомобилите произведени во Кина би можеле да го отежнат овој план. Поради тоа, како алтернатива се разгледува производство во германските погони, кои моментално работат со капацитет под максимумот.

Извор: Б92

Тагови: Volkswagen Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Брисел го откри планот за Украина

Европската унија подготвува планови за четири земји-кандидати, кои вклучуваат индикативни целни датуми за завршување на преговорите за пристапување.

Што се однесува до Украина, како можен временски рамка се споменува крајот на 2029 година, според објава на социјалната мрежа „X“ од Рикард Јозвиак, уредник за Европа во Радио Слободна Европа.

Како што пренесува „Европска правда“, Јозвиак нагласи дека овој датум се однесува на завршувањето на преговорите за пристапување, а не на самиот момент на зачленување во Европската унија.

Според овие индикативни планови, Црна Гора би можела да ги заврши преговорите во текот на 2026 година, додека за Молдавија се споменува временски период од крајот на 2027 до почетокот на 2028 година.

the latest thinking on the 🇪🇺 accession roadmaps due to be presented next week (about the finishing negotiations, so not date of membership): 🇲🇪of 2026 🇦🇱&🇲🇩end of 2027 / start 2028 🇺🇦 end of 2029.
— Rikard Jozwiak (@RikardJozwiak) October 26, 2026

За Украина, крајот на 2029 година првично беше спомнат како индикативен рок за завршување на преговорите за пристапување.

Сепак, Јозвиак подоцна појасни дека, во случајот со Украина и Молдавија, плановите нема да се фокусираат на конечното завршување на преговорите, туку на дефинирање на очекувањата за 2027 година. Попрецизни временски рамки за завршување на преговорите со овие земји ќе бидат утврдени во подоцнежна фаза.

Овие датуми претставуваат индикативни цели, а не гаранција дека преговорите ќе бидат завршени до предвиденото време, ниту пак дека земјите дотогаш ќе станат членки на ЕУ.

Тагови: ЕУ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.