Култура

Канческа - Милевска: Народниот театар од Битола еден од водечките театарски институции

Народниот театар од Битола е една од водечките институции од областа на театарската уметност и културата во нашата земја и има исклучително значење во културната историја на Република Македонија, истакна министерката за култура Елизабета Канческа-Милевска на вечерашното одбележување на 72-годишнината од формирањето на овој театар.

Според Канческа Милевска, Битолскиот театар во текот на својот развој успеал да создаде еден специфичен театарски израз, богата и разновидна театарска програма со непобитни естетски вредности.

- Низ годините, Битола беше глобална сцена на која што се случуваа значајни театарски настани, место каде што се презентираше извонреден театар, силен уметнички потенцијал и врвни уметници кои создадоа големи театарски претстави и освоија многубројни признанија и награди, на национално ниво и во меѓународен контекст. Во изминатите 7 години, на сцената на Народниот театар во Битола се одиграа близу 1.300 претстави, од кои 42 премиерни изведби, 21 гостување во некои од најважните театарски куќи во светот, а сето она што го создаваа актерите од овој театар го погледнаа околу 140.000 посетители, посочи Канческа - Милевска.

На вечерашната прес-конференција во Битола, министерката за култура потсети на поддршката што ја добива овој театар од Министерството за култура при реализацијата на домашните и проектите во странство.

- Аргументите ми дозволуваат да забележам дека оваа 2016 година, за Народниот театар од Битола беше една од најуспешните театарски години во историјата на оваа наша национална установа. Со поддршка на Министерството за култура, но и од сопствени средства, Битолскиот театар оваа година реализираше рекорден број на премиерни изведби на претстави, дури девет, од кои две претстави беа во копродукција со театри од Руската Федерација и САД. Бројката на повеќе од 20.000 посетители само за оваа година потврди дека Битола има публика која високо го респектира својот театар, публика која е високоедуцирана во театарска смисла и која знае да ги награди со бурен аплауз вистинските театарски вредности, рече Канческа - Милевска.

Во чест на роденденот, актерите на Битолскиот театар вечерва ја изведуваат претставата „Патувачки театар Битола“, а на полноќ заминуваат за САД каде во Санта Барбара ќе ги изведат шекспировите „Антониј и Клеопатра“ и „Сонети“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

15 случаи на вирусот Западен Нил во Хрватска, 10 имаат тешка форма на болеста

Во Хрватска годинава се пријавени петнаесет случаи на инфекција со вирусот на Западен Нил, кај десет лица со симптоми се развила невроинвазивна форма на болеста и било потребно болничко лекување.

Во Хрватска годинава се пријавени петнаесет случаи на инфекција со вирусот на Западен Нил, кај десет лица со симптоми се развила невроинвазивна форма на болеста и било потребно болничко лекување, според податоците на Хрватскиот институт за јавно здравје (HZJZ).

Не се регистрирани смртни случаи, додека пет од пријавените случаи биле асимптоматски. Заклучно со 4 септември, Хрватскиот институт за јавно здравје имал регистрирано 10 инфекции, кои опфаќаа шест хоспитализирани пациенти и четири асимптоматски случаи.

Оттогаш се пријавени уште пет случаи, а бројот на хоспитализирани пациенти се зголеми од шест на десет. Сите лица кај кои се појавиле симптоми имаат невроинвазивна форма на болеста, што значи дека инфекцијата го зафатила централниот нервен систем.

Ова може да се манифестира како менингитис, енцефалитис или други тешки невролошки состојби. Повеќето од заболените се постари мажи, шема за која Хрватскиот институт за јавно здравје забележува дека е типична за оваа инфекција. Институтот не објави детална статистика според возраста и полот со цел да се заштити приватноста на пациентите.

Сите пет асимптоматски инфекции се откриени кај доброволни дарители на крв. Еден од овие случаи е регистриран по 4 септември.

Тестирањето на дарителите на крв овозможува откривање на инфекции кај поединци кои не покажуваат симптоми – мерка што се спроведува за заштита на примателите на крвни продукти.

Досега, инфекции се пријавени во градот Загреб и во окрузите: Загреб, Крапина-Загорје, Осиек-Барања и Копривница-Крижевци. И покрај порастот на пријавените случаи, Хрватскиот институт за јавно здравје (HZJZ) продолжува да ја оценува епидемиолошката состојба како вообичаена за овој период од годината. Тие исто така ја истакнуваат изразената сезонска варијабилност на инфекциите со вирусот на Западен Нил.

Институтот очекува појава на нови случаи во наредниот период, во зависност од временските услови што влијаат врз активноста на комарците.

Вирусот на Западен Нил првенствено се пренесува преку каснување од заразен комарец. Повеќето инфекции се асимптоматски, додека невроинвазивните форми на болеста се ретки и почесто се јавуваат кај постари лица и кај лица со хронични заболувања.

Тагови: Западен Нил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова се сретна со граѓани во Народната канцеларија во Скопје

Во Народната канцеларија во Скопје, претседателката Гордана Сиљановска-Давкова оствари средби со граѓани кои пројавиле интерес директно да споделат со неа и со Кабинетот лични проблеми.

Во Народната канцеларија во Скопје, претседателката Гордана Сиљановска-Давкова оствари средби со граѓани кои пројавиле интерес директно да споделат со неа и со Кабинетот лични проблеми, но и успеси, да изразат критички поглед кон определени појави, институции и односи, но и пофалба и поддршка, да презентираат идеи и иницијативи за решавање на воочените институционални недоследности и аномалии, или за доградба и усовршување на добрите состојби.

Дел од посетителите ѝ укажаа на тешкотиите и неправдите при обидите за вработување, за примерите на потценување на стручноста и компетентноста и преценување на фамилијарната, политичката и партиската припадност, други, на соочување со занемарување на посебните потреби на лицата со попреченост и недоволната грижа за нив, како и за нивна исклученост од процесите на одлучување, трети, на честата незаинтересираност на државната и локалните власти за користење на нивното докажано знаење надвор.

Сиљановска-Давкова, откако со своите соработници ги ислуша граѓаните, го поздрави нивното доаѓање, ги запозна со претседателските надлежности, како и со улогата на нејзиниот Кабинет во информирањето на надлежните органи за добиените предлози, идеи и иницијативи, како и во доставувањето на граѓанските претставки до нив.

Таа, исто така ги сподели своите ставови и видувања за поставените прашања и можните решенија на истите.

На крајот, таа и членовите на Кабинетот им ја предочија отвореноста и достапноста на Народната канцеларија за свикување поширока дебата за проблемите и прашањата што ги засегаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.