Канал 5 репортажа: Современа технологија во служба на шумите, ЦУК воведе систем за рана детекција на пожари - Канал 5

Македонија

Канал 5 репортажа: Современа технологија во служба на шумите, ЦУК воведе систем за рана детекција на пожари

Народот рекол „стравот го чува лозјето“, но во случајов, дефинитивно тоа го прави технологијата -- Македонија го фати чекорот со европските држави, воспоставен е системот со современи камери за рана детекција на пожарите .

Канал 5 репортажа: Современа технологија во служба на шумите, ЦУК воведе систем за рана детекција на пожари

Народот рекол „стравот го чува лозјето“, но во случајов, дефинитивно тоа го прави технологијата -- Македонија го фати чекорот со европските држави, воспоставен е системот со современи камери за рана детекција на пожарите кој ги чува македонските шуми, па онаму каде што има чад, сега побргу има екипи што е клучно во борбата на терен. Оперативниот центар на ЦУК „доби очи“ директно во шумските предели со исклучителна слика од камерите кои се поставени на предавателите. Камерите ротираат 360 степени и далечински се управуваат.

- При детекција на пожар, камерите автоматски зумираат и се фиксираат на чадот, а во меѓувреме системот испраќа звучен сигнал и маил до операторите, на секоја минута, се додека алармот не биде виден.

Неопходноста од ваквиот систем е веќе видлива, во изминатиот месец со помош на камерите се спречени неколку пожари кои биле закана да се претворат во стихии, вели првиот човек на секторот за операции и координации при ЦУК – Горан Стојановски.

-Да ги детектираме во зародиш пожарите – што би значело тоа и што добиваме со тоа. Ова е дел од АИ технологијата која што практично е поврзана со софтвер кој што е лоциран во просториите на ЦУК-от и дава можност на јасна прегледност и дава можност на сигнализирање и дојава на таков вид на дим – пожар кој се случува на просторот кој го покриват просторот на камерата, во радиус од 8-12 километри. Со јасен зум и контрола над движењето на камерата, практично ги детерминираме сите можни потребни показатели,- - Горан Стојановски – Раководител на сектор за операции и координации.

Но, камерите, не го покажуваат само чадот, туку на оперативниот центар му даваат целосна слика и информација за теренот, по што може да се крои стратегија за борба против истиот – одонсно пристапност, каква механизација е потребна, колку и какви екипи да се испратат.

-Овој систем, процес на поставување на камери е далеку помоќен во однос на она што за нас значи проектирање на планирањето, тоа е најбитното работа во делот на справувањето и водењето на операциите. За нас се многу битни, пристапноста на теренот при гаснењето, имаме патишта, какви категории на патишта имаме, што можеме таму да употребиме од ресурсите севкупно што ќе ги лоцираме на тој простор таму и секако, доколку такво нешто немаме, тогаш знаеме дека треба да употребиме поддршка од воздухоплови, за да можеме да пристапиме кон пресечување или целосно ликвидирање или гаснење на пожарот,- - Горан Стојановски – Раководител на сектор за операции и координации.

Во моментов се поставени дваесетина камери, а Канал 5 го затекна и состанокот на кој се утврдуваа позиции за поставување на 10 нови локации, а кон почетокот на август бројката на камери треба да стигне до 50.

Сепак целта е Владата да го направи овој проект имплементиран по заложбите на директорот на ЦУК – Али државен, да го одврзе „ќесето“, со што би се поставиле меѓу 150-200 камери кои ќе ја покријат речиси целата територија на земјата.

YouTube video

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Напредуваат градежните активности на затворениот базен

[⤵️] Напредуваат градежните активности на затворениот базен на локацијата на поранешна „Ла Луна“, објави на Фејсбук, првиот човек на Кавадрци, Митко Јанчев.

Јанчев: Напредуваат градежните активности на затворениот базен

Овој затворен базен е со димензии 25×9 метри и длабочина од 1,20 метри. Истиот првенствено ќе се користи за децата од основните и средните општински училишта, но рекреативно ќе можат да го користат и сите останати граѓани.

Во моментов започна лепењето на плочките во базенот, паралелно се работи во машинската просторија, а интензивно се изведува и партерното уредување на просторот околу објектот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Во Музејот на град Скопје одржана обука за евакуација и спасување на музејски предмети при земјотрес

Во Музејот на град Скопје вчера се одржа обука и трибина за евакуација и прва помош на музејски предмети при земјотрес, во организација на музејот и СИН ШТИТ.

Во Музејот на град Скопје одржана обука за евакуација и спасување на музејски предмети при земјотрес

Настанот беше посветен на заштитата и спасувањето на културното наследство во услови на природни непогоди.

На трибината се дискутираше за постапките за евакуација на музејските експонати, функционирањето на Штабот за заштита и спасување, кој треба да постои во секоја институција, како и за предизвиците со кои се соочуваат музеите при природни катастрофи.

Практичниот дел од обуката беше реализиран според целосниот протокол – од пронаоѓање на предметот, негова безбедна евакуација и пакување, до подготовка на потребната документација и тријажа во прифатниот центар.

Обуката има за цел да ги зајакне капацитетите на музејските институции за навремена и ефикасна заштита на културното наследство во случај на земјотреси и други природни непогоди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Кисела Вода субвенционира набавка на пелети и печки на пелети

Општина Кисела Вода објави два јавни повика за субвенции при набавка на пелети и печки на пелети, наменети за домаќинствата од општината. 

Општина Кисела Вода субвенционира набавка на пелети и печки на пелети

Средствата од Буџетот за 2026 година ќе се доделуваат преку Архивата, по принципот „прв дојден, прв услужен“.

Со првиот јавен повик се нуди субвенционирање за набавка на пелети, за што е обезбеден буџет од вкупно 2.000.000,00 денари. Општината ќе кофинансира 50% од вредноста на набавените пелети, но не повеќе од 10.000,00 денари со вклучен персонален данок. Рокот за аплицирање трае до исцрпување на средствата, а најдоцна до 31.10.2026 година. Дополнителни информации можат да се добијат на електронската адреса [email protected].

Вториот повик се однесува на поддршка за купување на печки на пелети, намена за која се одвоени 300.000,00 денари. Преку оваа мерка ќе се покријат 50% од трошоците на домаќинствата за купување на печката, до максимален износ од 20.000,00 денари со вклучен данок. Услов е барателите претходно да немаат искористено субвенции за печка на пелети или инвертер од кој било извор во државата. Овој повик ќе биде отворен најдоцна до 30.11.2026 година, односно до исцрпување на предвидените финансии, додека за прашања е достапна адресата [email protected].

И за двата повика право на учество имаат домаќинствата кои не се поврзани на градското парно греење. Ќе се рефундираат средства за купувања извршени почнувајќи од 1 јануари 2026 година па сè до завршувањето на повиците. Како доказ е задолжително приложување на фискална сметка или фактура, како и извод од банка за извршена уплата во оригинална форма. Барањата можат да се подигнат од Архивата или од општинската веб-страница (www.kiselavoda.gov.mk), по што заедно со целосната документација се доставуваат исклучиво во затворен плик преку Архивата на Општина Кисела Вода до Комисијата за спроведување на постапката. Пријавите со непотполна документација или оние пристигнати по рокот нема да се земат предвид. Сите дополнителни информации се достапни на следните линкови:

https://opstinakiselavoda.gov.mk/wp-content/uploads/2026/07/peleti2026.pdf

https://opstinakiselavoda.gov.mk/wp-content/uploads/2026/07/pecki2026.pdf

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер