Канал 5 дојде до обвинението за ,,Рекет” – Боки 13 трошел милиони за луксузна гардероба и слики - Канал 5

Македонија

Канал 5 дојде до обвинението за ,,Рекет” – Боки 13 трошел милиони за луксузна гардероба и слики

Милионски суми потрошени за луксузна облека од Луј Витон, Версаче, Гучи, Шанел и Прада но и уметнички слики од Лазар Личеноски, Вангел Ковошач и Мерсад Бербер. 

Канал 5 дојде до обвинението за ,,Рекет” – Боки 13 трошел милиони за луксузна гардероба и слики

Ова е само дел од наведеното во обвинението за случајот Рекет до кое дојде Канал 5, а според кое обвинетиот Боки 13 ги потрошил парите. Напишано на три страни, во него обвинителството наведува како Бојан Јовановски и Зоран Милески Кичеец ги договарале средбите со Орце Камчев, како екс шефицата на СЈО Катица Јанева го прифатила влијанието од Јовановски и ги земале парите. Вo обвинението се потврдува и она што веке беше јавно објавено - дека Јовановски и Кичеец го посетувале Камчев во неговиот дом за да го убедат во влијанието што го имал Јовановски врз Катица Јанева. Oбвинителството притоа наведува дека обвинетата екс обвинителка Kатица Јанева ги пречекорила своите службени овластуивања, со издавање на доверливи податоци од истрагата за Империја, и притоа неведувајќи дека обвинителката во Империја Стефанова ќе работи по нејзин налог. Боки и Кичеец, стои во обвинението, од Камчев ги побарале 8-те милиони евра во замена за негово ослободување од притвор, а ако СЈО со одлука на Врховен не го застапува тој предмет, Јанева ќе му даде својство на заштитен сведок или ја запре постапката против него.

Обвинетата Катица Јанева пречекорувајќи ги границите на своето службено овластување – доверливи податоци од истрагата им ги соопштувала, особено потенцирајќи дека јавниот обвинител кој постапува по предметот ќе работи по нејзин налог и по ваквите разговори барале 8 милиони евра доколку СЈО со одлука на Врховен суд остане овластен тужител во кривичниот предмет против него, а доколку донесе мислиење дека тоа обвинителство е неовластен тужител да им даде 5 милиони евра за да во истражната постапка обвинетата Јанева му даде својство на заштитен сведок и со наредба ја запре истражната постапка или да склучи со него спогодба за полесни кривични дела и да плати незначителен износ на штета, а мерката одземени патни исправи ќе се укине и за тоа веднаш да им даде 1 милион евра.

Еден од аргументите со кои ќе го оспорат обвинението за случајот Рекет, според адвокатите на Јанева е дека таа имала овластување да бара поблага мерка за Орце Камчев како осомничен во Империја.Според нив дејствијата што ги преземала Јанева не се кривично дело бидејќи тоа го предвидува Законот за кривична постапка.Во приговорот на обвинението наведуваат и за незаконитост во истрагата посочувајќи дека се издадени повеќе наредби меѓу кои и за вештачења по завршена истрага. Обвинението го спорат и адвокатите на друдите двајца обвинети – Боки 13 и Зоран Милески Кичеец. Според најавите скопскиот Кривичен суд треба во следните денови да одлучи дали ќе го прифати обвинението и ќе определи датум за судење. Јанева е обвинета за злоупотреба на службената положба и овластување, Боки 13 за примање награда за противзаконито влијание и перење пари, а Милески Кичеец само за примање награда за противзаконито влијание.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шасивари на средба со претставникот на Катар: Унапредување на соработката во правосудството

На средбата, Шасивари ја истакна важноста од воспоставување директни контакти со Министерството за правда на Катар и неговите специјализирани институции.

Шасивари на средба со претставникот на Катар: Унапредување на соработката во правосудството

Министерот за правда, Јетон Шасивари, денеска оствари средба со вршителот на должноста во Амбасадата на Државата Катар, Рашид бин Саед Ал-Хајарин, на која се разговараше за можностите за продлабочување на билатералните односи и отворање ново поглавје во институционалната соработка во областа на правосудството.

На средбата, Шасивари ја истакна важноста од воспоставување директни контакти со Министерството за правда на Катар и неговите специјализирани институции, со фокус на обуката на правните професионалци, борбата против корупцијата и финансискиот криминал, како и дигитализацијата на правосудниот систем.

Односите меѓу нашата држава и Катар континуирано се развиваат. Политичките консултации одржани во Доха во јули 2026 година и потпишувањето на Меморандумот за соработка во областа на трудот во септември оваа година го потврдуваат потенцијалот за натамошно проширување на соработката.

Во таа насока, министерот Шасивари изрази интерес за разгледување на можностите за техничка и финансиска поддршка за приоритетни проекти во рамките на реформите во правосудството, со цел соработката да се преточи во конкретни проекти и мерливи резултати.

Добрите дипломатски односи создаваат можности, а институционалната соработка ги претвора во резултати.

Министерството за правда има за цел односите со Катар да ги надминат рамките на дипломатскиот дијалог и да донесат конкретни придобивки за институциите и граѓаните на двете земји.

Тагови: Јетон Шасивари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

​Нова фекална канализациона мрежа во Пинтија

 Општина Кисела Вода ја финализираше изградбата на новиот крак од фекалната канализација на улицата „Саса“ во населбата Пинтија. 

​Нова фекална канализациона мрежа во Пинтија

Со овој инфраструктурен проект се надминува повеќегодишниот проблем на жителите од овој дел на општината, кои конечно добиваат соодветно и стандардизирано одведување на отпадните води. Изведена е нова фекална канализација во должина од 320 метри, при што се поставени 15 нови ревизиони шахти. Новата мрежа е директно поврзана со постоечката канализациска инфраструктура на улицата „Саса“. Се работи за проект финансиран од Општина Кисела Вода, додека дел од материјалите беа обезбедени во соработка со ЈП „Водовод и канализација“ - Скопје.

-Реализацијата на овој проект е директен одговор на барањата на граѓаните од овој дел на Пинтија. Моето ветување до нив беше дека ова прашање ќе биде решено во најскоро време, и денес тоа ветување е реалност. Со изградбата на новата мрежа, го надминуваме овој комунален предизвик и обезбедуваме достоинствени услови за живот. Општина Кисела Вода продолжува со континуираните инвестиции во изградба и реконструкција на подземната инфраструктура во секое населено место- истакна градоначалничката Бети Стаменкоска Трајкоска.

Тагови: Пинтија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сали–Гетцова: Продлабочување на билатералната соработка и чешката поддршка за европската интеграција

Првиот заменик-претседател на Владата и министер за европски прашања, Беким Сали, оствари средба со новоименуваната амбасадорка на Чешката Република во Северна Македонија, Н.Е. г-ѓа Ирена Гетцова.

Сали–Гетцова: Продлабочување на билатералната соработка и чешката поддршка за европската интеграција

Министерот Сали ѝ посака добредојде на амбасадорката и успех во нејзината дипломатска мисија, изразувајќи подготвеност за унапредување на пријателските односи и соработката меѓу двете земји.

На средбата се разговараше за билатералните односи и европската перспектива на Северна Македонија. Сали изрази благодарност за континуираната поддршка од Чешка за членството на земјата во Европската Унија, нагласувајќи ја важноста на партнерството со земјите членки во спроведувањето на реформите и зајакнувањето на институционалните капацитети.

Внимание беше посветено на можностите за размена на чешките искуства од процесот на пристапување и користењето на европските фондови, како и на потенцијалот за проширување на економската, образовната и културната соработка.

Министерството за европски прашања останува посветено на продлабочувањето на соработката со Чешката Република, во функција на унапредување на процесот на европска интеграција и остварување конкретни придобивки за граѓаните.

Кабинет на министерот за европски прашања

Тагови: Беким Сали

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер