Свет

Канадскиот премиер Карни ја поздрави идејата неговата земја да стане придружна членка на ЕУ

Канада и Европа се посилни заедно и Канада го поздравува овој „Сојуз за иднината„ - громогласен аплауз за канадскиот премиер Марк Карни во Европскиот парламент.

Канада и Европа се посилни заедно и Канада го поздравува овој „Сојуз за иднината„ - громогласен аплауз за канадскиот премиер Марк Карни во Европскиот парламент, откако вчера шефицата на Европската Комисија - Урсула Фон дер Лајен, ја покани неговата земја да стане првата официјална придружна членка - што практично претставува нов концепт без правен преседан во актите на ЕУ. Соработка во суштински области како критични метали, одбрана, технологија и енергетика, но не и нов светски ривалски блок со цел да доминира – прецизираше премиерот Карни.

-Се отвора вратата за Канада да стане прва придружна членка на Европската Унија. Канада ја поздравува оваа амбиција. Сојузот за иднината е единствен, позитивен пристап што заеднички ќе го дефинираме, надоврзувајќи се на нашите заеднички сили и вредности,- - Марк Карни, премиер на Канада.

Додека деталите на придружното членство ќе се разработуваат на октомврискиот Самит ЕУ – Канада по што ќе следи и гласање во канадскиот парламент, според првичната реакција на американскиот претседател Доналд Трамп, САД не гледаат благонаклонето кон овој нов сојуз. Трамп се закани дека ќе ја прекине трговијата со ЕУ.

-Мислам дека тоа е смешно. Сметам дека Канада е ужасен трговски партнер. Ако го направат тоа, и ако сметам дека станува збор за непријателски чин, ќе воведам многу сериозни царини или ќе прекинам да тргувам со Европа во многу работи,- -Доналд Трамп, претседател на САД.

Поканата за придружно членство доаѓа во момент кога Канада бара начин да се дистанцира од САД поради турбулентните односи и трговската војна со претседателот Доналд Трамп, кој неодамна освен закани со високи царини, изрази желба Канада да стане 51та држава на САД. Но, дека новиот концепт за придружно членство не завршува само со Канада, навести претседателката на Европскиот парламент – Роберта Мецола, најавувајќи можност примерот со Отава да го следат и Австралија и Нов Зеланд.

-Постојат различни форми – земји што сакаат да ѝ се приклучат на ЕУ или земји што се дел од Европската економска зона, а во овој случај станува збор за земји со кои сакаме да ги продлабочиме односите. Тука спаѓа Канада, а не се сомневам дека ќе бидат вклучени и други земји,- - Роберта Метсола, претседателка на Европски парламент .

Во однос на заканите од Трамп кон Европската Унија, Мецола изјави дека целта на Брисел не е да се спротивстави некому, туку да развива подлабока соработка базирана на правила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Поштар од БиХ ги украл пензиите и избегал на Тајланд- сам се предал, откако се вратил од „екскурзијата“ (ВИДЕО)

Поштарот Стипо Јукиќ (31) од Чапљина, уапсен вчера под сомнение дека исчезнал со пари за пензии, е пуштен на слобода и ќе се брани од слобода.

Тој се предал на полицијата на границата откако се вратил во земјата, пишува „Независне новине“.

Истрагата открила дека тој престојувал во Бангкок, Тајланд. На враќање, тој слетал во Сплит, од каде што се упатил кон граничниот премин Бијача и се предал на босанската полиција. Еден од изворите изјавил дека за време на испрашувањето, Јукиќ детално опишал што се случило.

Истрага и судбината на парите

По испрашувањето од страна на полицијата, Јукиќ е пуштен на слобода. „Тој дал изјава, бил пуштен да се брани од слобода, па судењето ќе го чека во затвор“, потврдил извор запознаен со случајот. Сè уште нема официјални информации за тоа каде се парите од пензијата. Истиот извор тврди дека парите ќе бидат вратени.

Случајот стана јавен откако исчезнатиот Јукиќ беше пријавен на 7 септември. Полицијата подоцна утврди дека тој ја напуштил Босна и Херцеговина два дена претходно, на 5 септември, преку граничниот премин во близина на Мостар.

Од Чапљина до Бангкок

Јукиќ последен пат бил виден на 5 септември, кога се упатил кон Мостар со пријатели. Според досегашните информации, оттаму патувал за Сараево, потоа за Турција, а неговата крајна дестинација бил Бангкок во Тајланд.

Во времето на неговото исчезнување, во Чапљина не биле доставени помеѓу 50 и 60 пензии, што му даде на целиот случај поголема тежина.

@novifosil #khaosanroad #thailand🇹🇭 #ladygaga #pkuket🇹🇭 #coffeetiktok ♬ izvorni zvuk - 444dvanaest

На 10 септември, против поштарот е поднесена пријава поради сомнение за избегнување. Потоа полицијата го промени статусот на потрага, па повеќе не го барале како исчезнато лице, туку како осомничено за кривично дело. Хрватската пошта во Мостар подоцна извести дека сите пензии биле исплатени на 10 септември и дека е во тек внатрешна контрола.

Официјално соопштение на МВР

Министерството за внатрешни работи на Херцеговачко-неретванската жупанија го потврди текот на настаните.

„Исчезнувањето на С. Ј. (1995) од Чапљина е пријавено на 7 септември. Тој заминал за Мостар на 5 септември навечер. Полициските службеници презедоа потребни мерки и утврдија дека тој ја напуштил територијата на Босна и Херцеговина. На 10 септември е поднесена пријава против С. Ј. поради сомнение за сторено кривично дело избегнување, па затоа е започната оперативна потрага по него како сторител, а не повеќе како исчезнато лице.

Полициските службеници на Полициската управа Чапљина го презедоа споменатото лице и го сместија во притворските простории. За сè се информирани Одделот за криминалистичка полиција и обвинителот, а се преземаат и понатамошни потребни мерки“, соопшти Министерството за внатрешни работи на ХНЖ.

За време на престојот во Тајланд, Јукиќ објави видеа на својот TikTok профил.

Тагови: пензии поштар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Имаме јасен план, имаме определена насока и чекор по чекор работиме за реализација на целите

Денеска во интервју за Атлантскиот совет зборував за визијата, одговорноста и јасниот курс што го следиме како држава.

Во политиката, како и во животот, најважно е зборот да има тежина. Кога преземаме обврска, тогаш работиме таа да биде исполнета. Граѓаните заслужуваат искрен пристап, конкретни планови и резултати, а не импровизации и празни ветувања.

Македонија е одговорен и посветен сојузник во НАТО, држава која ги исполнува своите обврски и активно придонесува кон зајакнување на безбедноста, стабилноста и развојот.

Имаме јасен план, имаме определена насока и чекор по чекор работиме за реализација на целите кои ги поставивме за посилна, побезбедна и просперитетна Македонија, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Неизвесна е судбината на Сеат- во Фолксваген размислуваат да го укинат

Шпанскиот автомобилски бренд Seat, во сопственост на германскиот Volkswagen, би можел да биде затворен како дел од стратешки преглед на најголемиот европски производител на автомобили.

Брендот се соочува со зголемена конкуренција од кинеските производители и скап премин кон електрични возила, објави Ројтерс.

Фолксваген претходно овој месец, како дел од поширок план за реструктуирање, изјави дека иднината на Сеат „надвор од тековниот производствен циклус сè уште е во фаза на разгледување“ и дека се можни неколку сценарија по 2030 година.

Seat не претстави нов модел од 2020 година, невообичаено долг период во автомобилската индустрија, каде што новите возила се клучни за опстанокот на брендот.

Брендот учествуваше со помалку од 3 проценти во глобалните испораки на Volkswagen минатата година, додека Cupra, лансирана во 2018 година како спортски бренд, го надмина Seat во годишна продажба за прв пат.

Cupra моментално нуди три целосно електрични модели, вклучувајќи го и новиот Raval, додека Seat нема целосно електричен модел и нема планови да претстави еден.

Volkswagen претходно изјави дека инвестицијата потребна за развој на програма за електрични возила за Seat не е оправдана со оглед на профитабилноста на брендот.

Евентуалното затворање на „Сеат“ би бил редок случај на исчезнување на долгогодишен автомобилски бренд.

„Сеат“ е основан во 1950 година како државна компанија во Шпанија, а во 1986 година е купен од „Фолксваген“ и вклучен во неговото портфолио како бренд на попристапни автомобили.

Тагови: Сеат фолксваген

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.