Камбоџа: Тајланд продолжува со бомбардирање и покрај повикот на Трамп за прекин на огнот - Канал 5

Камбоџа: Тајланд продолжува со бомбардирање и покрај повикот на Трамп за прекин на огнот

Камбоџа денеска соопшти дека Тајланд продолжил да фрла бомби на нејзина територија, и покрај тоа што американскиот претседател Доналд Трамп изјави дека соседите се согласиле на прекин на огнот.

Камбоџа: Тајланд продолжува со бомбардирање и покрај повикот на Трамп за прекин на огнот

„Тајландските сили сè уште не го запреле бомбардирањето и сè уште продолжуваат со бомбардирањето“, соопшти Министерството за одбрана на Камбоџа во објава на Фејсбук.

Тајландскиот премиер Анутин Чарнвиракул изјави за локалните медиуми дека нема прекин на огнот во граничниот конфликт.

По телефонскиот разговор со Трамп, Анутин им рече на новинарите во Бангкок дека Камбоџа прво мора да престане со огнот.

Страната што го прекршила договорот за прекин на огнот е таа што мора да го поправи своето однесување, „а не страната што била нападната“, додаде тој, според извештаите.

Анутин потоа напиша на Фејсбук дека Тајланд „ќе продолжи да извршува воени дејствија сè додека не почувствуваме дека нема повеќе штета и закани за нашата земја и народ“.

„Сакам да разјаснам. Нашите дејствија утрово веќе се покажаа“, додаде тој.

Трамп вчера изјави дека и Тајланд и Камбоџа се согласиле да престанат со борбите, по деновите судири по нивната заедничка граница.

Трамп рече дека разговарал телефонски со камбоџанскиот премиер Хун Манет и Анутин, пишувајќи на својата платформа Truth Social дека двајцата лидери се согласиле да ги прекинат сите непријателства „на сила од вечерва“.

Не е јасно на која временска зона мислел Трамп.

Борбите меѓу Тајланд и Камбоџа траат веќе неколку дена по повеќе точки од нивната граница, во услови на децениски спор околу територијални претензии. Секоја страна ја обвинува другата дека прва го прекршила претходно договореното примирје по должината на границата долга околу 800 километри.

Судирите раселиле повеќе од 500.000 жители и убиле повеќе од 20 лица, вклучувајќи неколку цивили, а стотици други се ранети, велат официјални лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Техеран постави „црвени линии“ за Трамп; подготвени се за договор, но...

 Иранскиот министер за надворешни работи, Абас Аракчи, денеска изјави дека Техеран сè уште верува оти дипломатијата би можела да ја стави крај на војната со Соединетите Американски Држави.

Техеран постави „црвени линии“ за Трамп; подготвени се за договор, но...

Арагчи изјави за државниот весник „Иран“ дека Техеран бара „договор со кој ќе се осигура дека нема да има повеќе војна“ и дека, пред преземањето на натамошни чекори, бара гаранции оти Вашингтон сериозно пристапува кон преговорите, пренесе Ројтерс.

Тој додаде дека Иран со посредниците разговарал за формата и природата на мерките за градење доверба. Како една од „црвените линии“ за Иран, тој го наведе задржувањето на збогатениот ураниум во земјата, но изрази уверување дека е можно да се постигне „праведно решение“.

Американскиот претседател Доналд Трамп во петокот изјави дека Иран сака договор, но не под услови што би биле прифатливи за него. „Тие сакаат договор, но не сакаат договор што би бил прифатлив за мене“, рече Трамп на прес-конференција .

Катарски и ирански претставници се сретнаа во вторникот на разговори насочени кон „усогласување на ставовите и намалување на разликите меѓу предлозите изнесени на терен“, изјави портпарол на катарското Министерство за надворешни работи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Харден испиша историја: Постигна 51 поен и го надмина Коби Брајант!

НБА ѕвездата  Џејмс Харден одигра еден од најдобрите натпревари сезонава досега во најсилното светско првенство,  и со дури 51 поен го предводеше тимот на Кливленд Кавалирс до победа над Индијана Пејсерс со 128:119, во натпревар од НБА Лигата.

Видео: Харден испиша историја: Постигна 51 поен и го надмина Коби Брајант!

На тој начин, искусниот бек стигна до својот 26-ти натпревар во НБА кариерата на кој постигнал најмалку 50 поени, со што го надмина легендарниот Коби Брајант и го зазеде третото место на вечната листа на најдобри стрелци според овој критериум во НБА. Сега, пред Харден се наоѓаат само легендите Вилт Чемберлен и Мајкл Џордан.

Ова беше и неговиот прв натпревар со 50 или повеќе поени по 22 ноември 2025 година, кога постигна 55 поени против Шарлот Хорнетс, настапувајќи за Лос Анџелес Клиперс.

Против Индијана, Харден имаше шут од поле 15 од 26, погоди седум тројки од 11 обиди и беше беспрекорен од линијата за слободни фрлања (14 од 14). Покрај 51 поен, тој забележа и шест скока и шест асистенции.

Ова беше неговиот најдобар поентерски учинок за Кливленд откако му се приклучи на тимот во февруари, а исто така стана и само шестиот кошаркар во историјата на франшизата кој постигнал 50 поени на еден натпревар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Состојбата на Болсонаро наеднаш се влошила: Итно е пренесен во болница

 Поранешниот претседател на Бразил, Жаир Болсонаро, е хоспитализиран откако одеднаш почувствувал силни болки во стомакот, а медицинските прегледи покажале дека има речиси целосна опструкција на цревата, изјави денеска неговиот син Карлос Болсонаро

Состојбата на Болсонаро наеднаш се влошила: Итно е пренесен во болница

Карлос Болсонаро на социјалната мрежа „Икс“ изјави дека неговиот татко ненадејно добил силни болки во стомакот и бил пренесен во болница. Во една од следните објави, тој наведе дека стомакот на Болсонаро бил исклучително надуен при пристигнувањето во болницата, што предизвикало притисок и силни болки.

Според него, по извршениот преглед и дијагностичките испитувања, била потврдена речиси целосна опструкција на цревата.

Лекарите започнале терапија со лекови во обид да го решат проблемот без потреба од инвазивни медицински зафати. Карлос изјави дека нови информации ќе бидат објавени во текот на следните неколку часа.

Тој изрази загриженост за здравјето на својот татко, тврдејќи дека неговата здравствена состојба се влошува поради ограничената подвижност и психолошкиот притисок на кој е изложен додека е во затвор.

Тој, исто така, упати критики кон ограничувањата за посети што ги воведе судот, наведувајќи дека му е дозволено да го посетува татко си двапати неделно, при што секоја посета трае по два часа. Карлос Болсонаро оцени дека неговиот татко е изложен на политички прогон и ги повтори тврдењата дека целта на владата е тој да биде убиен.

Жаир Болсонаро се наоѓа во домашен притвор, откако во септември 2025 година Врховниот суд на Бразил го осуди на 27 години и три месеци затвор за обид за државен удар по изборите во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер